Ezequiel 3:11 - Chayahuita (Shahui)

¹¹ Israiroꞌsa yaꞌhuëpi quëran quëpisoꞌ, niꞌcontaquëꞌ. Pënënpatan co aꞌna natëponënhuëꞌ nimara. Napoaponahuëꞌ: ‘Sinioro pënënatënquëma naporin,’ itonquëꞌ,” itërinco.

Ezequiel 3:11 ပူးပေါင်းရင်းမြစ်များ

Éxodo 32:7

Ina nicaton Siniorosoꞌ Moisësë itapon: —Nohuaramarahuaton, piyapiꞌsa nimaquëꞌ. Inapitasoꞌ Iquipito quëran ocoipiranhuëꞌ, co natëtonacohuëꞌ nitapicancanpi.

Ezequiel 2:4

Huiꞌninapitanta co natantochináchinhuëꞌ cancantopirinahuëꞌ, inapita pënënacaso marëꞌ aꞌpaaranquën. Paꞌpatan, ‘Sinioro pënënatënquëma naporin,’ tosaran. Napotopiranhuë tëranta co aꞌna natëponënhuëꞌ nimara. Ama ina naꞌcon naꞌcon yonquiquësohuëꞌ. Co natëtopirinahuëꞌ, co inapita naniantatorahuë pënëntonaꞌpiroꞌsa quëran pënënahuëso tëhuënchinsoꞌ yonquiꞌinaꞌ.

Ezequiel 2:7

Carinquën shaꞌhuitohuatënquën shaꞌhuitëquëꞌ. Co natantochináchinhuëꞌ cancantopi niꞌton, co aꞌna natëponënhuëꞌ nimara.

Ezequiel 3:10

Ina quëran itaantarinco: “Apira shaꞌhuitohuatënquën noya huëratëhuanaton natanquëꞌ. Naporahuaton yonquinën quëran nitotëquëꞌ.

Ezequiel 3:12

Naporo chachin Yosë ispiritonën otërinco. Pinëhuë quëranso napoaponahuëꞌ, panca ocohua paꞌpachina irininso pochin natanahuë. Sinioro yaꞌnotërinco quëran niotëhuachina naporin.

Ezequiel 3:15

Israiroꞌsa yaꞌhuëpi quëran quëpisopitasoꞌ, Quiparoiꞌ yonsanquë, Tira-pito ninano itopiquë yaꞌhuëpi. Inaquë acohuachincora, canchisë tahuëri inapitarëꞌco yaꞌhuërahuë. Napoaporahuëꞌ, co nitotërahuë maꞌsona nicaꞌhuasoꞌ. Maꞌsha taꞌcahuasontaꞌ, co nitotërahuëꞌ.

Ezequiel 3:27

Napoaponahuëꞌ, maꞌsona yashaꞌhuitohuatënquën noya noantaran. Naporoꞌ quëmarintaꞌ: ‘Sinioro pënënatonpoa naporin,’ itaran. Insosona yanatanpachinquën noya natanapon. Insosona co yanatanpachinquënhuëꞌ, co natanaponhuëꞌ. Co natantochináchinhuëꞌ cancantopi niꞌton, napoaponaꞌ,” itërinco.

Ezequiel 33:12

Naquëranchin Sinioro israiroꞌsa shaꞌhuitaantarin: “Aꞌna quëmapi noya niponahuëꞌ oshahuanpachin, iꞌhua noya nininsoari co nichaꞌësarinhuëꞌ. Aꞌna piyapinta co noyahuëꞌ niponahuëꞌ, co noyahuëꞌ nininsoꞌ aꞌpohuachin, iꞌhua co noyahuëꞌ nininsoari co naꞌintaponhuëꞌ. Co ina marëꞌ chiminaponhuëꞌ. Ina pochachin noya ninaꞌpinta oshahuaantahuachin, iꞌhua noya nininsoari, nanpirápasoꞌ co catahuaponhuëꞌ.

Ezequiel 33:17

Ina yonquiatoma canpitaso israiroꞌsaꞌ: ‘Siniorosoꞌ co noyahuëꞌ nisarin,’ tapomaꞌ. Napopiramahuëꞌ, canpita mini tëhuënchinsoꞌ, co noyahuëꞌ nisaramaꞌ.

Ezequiel 33:2

“Quëmasoꞌ piyapinquën nipiranhuëꞌ, israiroꞌsa shaꞌhuitacaso marëꞌ nanan quëtaranquën: Ca nohuanton aꞌna noꞌpaꞌpaꞌ quira nisahuachinaꞌ, yaꞌhuëhuanoꞌsaso aꞌnara sontaro aꞌpaitonaꞌpi nicacaso marëꞌ huayonapi.

Ezequiel 33:30

Cantaꞌ, Sinioro nontatonco itaponco: “Israiroꞌsaso yonquiatënënquën, ninano pairapipiso pirayan, pëi yaꞌcoanaroꞌsa pirayan, inaquëpita ninontatona napopi: ‘Sinioro Isiquiro quëran anitotërinpoasoꞌ, huëco paꞌahua natanhuan,’ niitopi.

Ezequiel 37:18

Inaporanso yonquiatonaꞌ, natanaponën: ‘¿Maꞌta tapon ina pochin ninan?’ itaponën.

Daniel 6:13

Napotohuachina, huaꞌanoꞌsaso taantapi: —Nanirisoꞌ aꞌnapitarë chachin Cotia parti quëran quëpirinahuëꞌ, co natërinquënhuëꞌ. Quirica ninshitëransontaꞌ, co tëꞌhuatërinhuëꞌ. Inasoꞌ, cararo nani tahuëri Yosë nontaton chinotërin. Quiyari chachin niꞌnai, itopi.

Deuteronomio 9:12

Ina quëtahuatonco: ‘Manóton nohuaramarahuaton, piyapiꞌsa nimaquëꞌ. Inapitasoꞌ Iquipito quëran ocoipiranhuëꞌ, paꞌpi co noyahuëꞌ nisapi. Pënënahuësopita naniantatonaꞌ, aꞌnaroáchin pëshonpi huachi. Huaꞌna asoquirahuatona moshacaiso marëꞌ mamanshi nipi,’ itërinco.