Ezequiel 3:10 - Chayahuita (Shahui)

¹⁰ Ina quëran itaantarinco: “Apira shaꞌhuitohuatënquën noya huëratëhuanaton natanquëꞌ. Naporahuaton yonquinën quëran nitotëquëꞌ.

Ezequiel 3:10 ပူးပေါင်းရင်းမြစ်များ

Proverbios 8:10

Coriqui quëran naꞌcon naꞌcon yonquínahuan nicacamasoꞌ cancantocoꞌ. Oro quëran noya noya, naꞌcon naꞌcon nitotacamasoꞌ cancantocoꞌ.

Ezequiel 2:7

Carinquën shaꞌhuitohuatënquën shaꞌhuitëquëꞌ. Co natantochináchinhuëꞌ cancantopi niꞌton, co aꞌna natëponënhuëꞌ nimara.

Ezequiel 2:8

Shaꞌhuitaranquënsoꞌ noya natanquëꞌ. Ama quëmasoꞌ inapita pochin cancantëquësohuëꞌ. Iporasoꞌ nahuërahuaton iso quëtaranquënsoꞌ caꞌquëꞌ,” itërinco.

Ezequiel 3:11

Israiroꞌsa yaꞌhuëpi quëran quëpisoꞌ, niꞌcontaquëꞌ. Pënënpatan co aꞌna natëponënhuëꞌ nimara. Napoaponahuëꞌ: ‘Sinioro pënënatënquëma naporin,’ itonquëꞌ,” itërinco.

Ezequiel 3:9

Tiamanti naꞌpisoꞌ paꞌpi taríton. Ina tarítërinso pochin quëmanta acoaranquën. Naꞌpi tarítërinso pochin acoaranquën niꞌton, ama inapita tëꞌhuatëquësohuëꞌ. Co natantochináchinhuëꞌ cancantopi niꞌton, pënënpatan nishinahuën niꞌtaponaꞌ. Napopirinahuë tërantaꞌ, ama tëꞌhuatëquësohuëꞌ,” itërinco.

Lucas 8:15

Aꞌnaquën piyapiꞌsaso nipirinhuëꞌ noyaroꞌpa pochin nipi. Yosë nanamën noya natanpi. Natanahuatonaꞌ, noya cancantatonaꞌ, natëtopi. Noꞌtëquën yonquiatonaꞌ, natëmiatopi. Maꞌsha onpoaponaraihuëꞌ, co aꞌpopihuëꞌ. Yaꞌipi cancanëna quëran imatonaꞌ noya noya nisapi,” tënin.

1 Tesalonicenses 2:13

Yosë nanamën aꞌchintohuatëinquëmara, noya natanamaꞌ. “Co piyapi yonquirinsoꞌ aꞌchintërinpoahuëꞌ. Yosë nanamën chachin aꞌchintërinpoaꞌ,” tënamaꞌ. Tëhuënchachin Yosë nanamën niꞌton, ina natëhuatamaꞌ, nanamën quëran anoyacancantarinquëmaꞌ. Ina marëꞌ nani tahuëri “Yosparinquën,” itërai Yosë.

1 Tesalonicenses 4:1

Iporasoꞌ iyaroꞌsaꞌ Sinioro Quisoso nanan quëtërincoi niꞌton, pënëantarainquëmaꞌ. Iráca pënënainquëmaꞌ noya nicacamaso marëꞌ. “Noya nipatamaꞌ, Yosë noya niꞌsarinquëmaꞌ,” itërainquëmaꞌ, natëramacoi. Iporasoꞌ aquë aquëtëꞌ natëtatomaꞌ, noyasáchin nicoꞌ, tënahuë.