Ezequiel 2:7 - Chayahuita (Shahui)

⁷ Carinquën shaꞌhuitohuatënquën shaꞌhuitëquëꞌ. Co natantochináchinhuëꞌ cancantopi niꞌton, co aꞌna natëponënhuëꞌ nimara.

Ezequiel 2:7 ပူးပေါင်းရင်းမြစ်များ

Jeremías 1:17

Quëmasoꞌ, chiníquën cancantaton paꞌsaran. Carinquën shaꞌhuitëranquënsoꞌ shaꞌhuicoanan. Ama manta inapita tëꞌhuatëquësohuëꞌ. Tëꞌhuatohuatan inapita niꞌtonënaquë aropátaranquën.

Jeremías 1:7

Siniorosoꞌ taantarin: “Ama, ‘caso huiꞌnapico,’ tëquësohuëꞌ. Ipora quëran huarëꞌ quëmasoꞌ, intohuaso aꞌparanquë paꞌsaran. Maꞌsona camairanquënsoꞌ, shaꞌhuiaran.

Jeremías 23:28

Aꞌna pënëntonaꞌpi huaꞌnatohuachina, ‘huaꞌnarahuë taꞌa,’ chin. Nanamëhuë chachin natanpachinso napoaponahuëꞌ, ama nisha shaꞌhuiinsohuëꞌ. Tricorayasoꞌ co piꞌpitën pochin nininhuëꞌ. Nanamëhuësoꞌ, tricoraya pochin ninin. Nanamëhuësoꞌ, pën maꞌsha ahuiquitërinso pochin ninin. ¡Panca martichoquë natëtë nipoatërëso pochin ninin antaꞌ! Ca Sinioroco shaꞌhuitaranquëmaꞌ.

Jeremías 36:14

Ina natanahuatonaꞌ, huaꞌanoꞌsaso aꞌnara comision Ioti itopisoꞌ aꞌpapi. Ioti paꞌpinsoꞌ Nitaniasë. Nitaniasë paꞌpionta Sirimiasë. Sirimiasë paꞌpionta Cosi, itopi. Yaaꞌpahuachinara shaꞌhuitopi: “Paroco quirica quëcaton quiyanta natanaꞌhuaiso marëꞌ nonchin,” itopi. Huëꞌpachina: —Huënsëaton nontëquëꞌ, itopi. Napohuachinara, Parocosoꞌ nontërin.

Jeremías 6:28

“Yaꞌipi inapitaso Sinioro, co natantochináchinhuëꞌ cancantopi. Nanan paꞌyatopi, nitapicancanpi, napopi. Shaꞌpi huaꞌna pochin, huaꞌnamia pochin cancantopi.

Jeremías 7:27

Naquëranchin Sinioro nontaantarinco: “Quëmari yaꞌipi inapita shaꞌhuitëquëꞌ. Co natëpirinënquëontaꞌ, shaꞌhuitëquëꞌ. Co aꞌpanipirinënquëontaꞌ, chiníquën shaꞌhuitëquëꞌ:

Ezequiel 3:10

Ina quëran itaantarinco: “Apira shaꞌhuitohuatënquën noya huëratëhuanaton natanquëꞌ. Naporahuaton yonquinën quëran nitotëquëꞌ.

Ezequiel 3:17

“Quëmasoꞌ piyapinquën nipiranhuëꞌ, aꞌpaitonaꞌpi pochin nicamaso marëꞌ carinquën acoranquën. Maꞌsona israiroꞌsa yashaꞌhuitohuato, nanan quëtaranquën inapita niyátainpichin yaꞌhuëcaiso marëꞌ shaꞌhuitaran.

Ezequiel 3:4

Naporo chachin itaantarinco: “Paaton israiroꞌsa yonquirahuëso shaꞌhuitonquëꞌ.

Ezequiel 33:7

Piyapinquën nipiranhuëꞌ, carinquën acoranquën israiroꞌsa pënënacaso marëꞌ. Aꞌpaitonaꞌpi pochin nisaran. Quëmaso inapita yonquirapirahuësoꞌ, nitotahuaton pënënaran.

Amós 3:13

Siniorosoꞌ Yosë. Yaꞌipi nanitapaton naporin: “Cacopo quëran pipipisopita naporahuësoꞌ shaꞌhuitocoꞌ. Yaꞌipi inapitaso oshahuanpi niꞌton, anaꞌintaꞌhuasoꞌ yonquiarahuë. Ina tahuëri nanihuachin, Pitiriquë artaroroꞌsa yaꞌhuërinso ataꞌhuantarahuë. Ina artaroroꞌsa pomonënapitantaꞌ, inimicoroꞌsari yátonpachina tëꞌyataponaꞌ.

Jonás 3:2

“Ninihuiso panca ninanoꞌ. Inaquë paꞌsahuaton nanan shaꞌhuitaranquënso shaꞌhuiconquëꞌ,” itërin.

Mateo 28:20

Ina quëran yaꞌipi shaꞌhuitëranquëmasoꞌ aꞌchintocoꞌ natëinaco. Insëquësona paꞌpatamaꞌ, carinquëmaꞌ caꞌtanaranquëmaꞌ. Nani tahuëri catahuaranquëmaꞌ. Ayaroꞌ tahuëri naniquë huarëꞌ caꞌtanaranquëmaꞌ. Co onporontaꞌ pataranquëmahuëꞌ, itërin Quisosori. Nani huachi.