Ezequiel 2:1 - Chayahuita (Shahui)

¹ Ina quëran noninsoꞌ natanahuë: “Piyapinquën nipiranhuëꞌ, huaniquë nonchinquën,” itërinco.

Ezequiel 2:1 ပူးပေါင်းရင်းမြစ်များ

Salmos 8:4

Inapita acoaponahuëꞌ, ¿piyapicointa yonquirancoi ti? ¡Co quiyasoꞌ máquëncoihuëꞌ! ¡Co yonquiatoncoi catahuancoiso inashitëraihuëꞌ!

Ezequiel 2:6

Piyapinquën nipiranhuëꞌ, ama inapita tëꞌhuatëquësohuëꞌ. Maꞌsona itohuachinëontaꞌ, ama tëꞌhuaquësohuëꞌ. Nahuanoꞌsaꞌ, yonpincaroꞌsaꞌ, inapita huáncana yaꞌhuëaranso pochin cancantaran. Inapopiranhuëꞌ, maꞌsona itohuachinën ama tëꞌhuaquësohuëꞌ. Noꞌhuitatona nishinahuën niꞌtohuachinantaꞌ, ama tëꞌhuatëquësohuëꞌ. Co natantochináchinhuëꞌ cancantopirinahuëꞌ, ama tëꞌhuatëquësohuëꞌ.

Ezequiel 2:8

Shaꞌhuitaranquënsoꞌ noya natanquëꞌ. Ama quëmasoꞌ inapita pochin cancantëquësohuëꞌ. Iporasoꞌ nahuërahuaton iso quëtaranquënsoꞌ caꞌquëꞌ,” itërinco.

Ezequiel 3:1

Naporoꞌ shaꞌhuitatonco: “Quëmasoꞌ piyapinquën nipiranhuëꞌ, iso ninshitopisoꞌ caꞌquëꞌ. Ina caꞌsahuaton israiroꞌsa pënënacaso marëꞌ paquëꞌ,” itërinco.

Ezequiel 3:10

Ina quëran itaantarinco: “Apira shaꞌhuitohuatënquën noya huëratëhuanaton natanquëꞌ. Naporahuaton yonquinën quëran nitotëquëꞌ.

Ezequiel 3:17

“Quëmasoꞌ piyapinquën nipiranhuëꞌ, aꞌpaitonaꞌpi pochin nicamaso marëꞌ carinquën acoranquën. Maꞌsona israiroꞌsa yashaꞌhuitohuato, nanan quëtaranquën inapita niyátainpichin yaꞌhuëcaiso marëꞌ shaꞌhuitaran.

Ezequiel 3:4

Naporo chachin itaantarinco: “Paaton israiroꞌsa yonquirahuëso shaꞌhuitonquëꞌ.

Ezequiel 37:3

Naporoꞌ Sinioro itaponco: “¿Isopita nansëroꞌsa noya ipora nanpiantaꞌitonahuëꞌ ti?” itërinco. “Quëmasáchin Sinioro inasoꞌ nitotëran,” itërahuë carintaꞌ.

Mateo 17:7

Quisosori sëꞌhuaquirahuaton: —Ama huachi iyaroꞌsaꞌ paꞌyancosohuëꞌ. Huaniantacoꞌ, itërin.

Juan 3:13

Co inso piyapi tërantaꞌ inápaquë pantarinhuëꞌ. Casáchin ina quëran oꞌmarahuë. Yosë quëran quëmapico niꞌto, inápa quëran oꞌmarahuë. Napoaton casáchin inápaquë yaꞌhuërinsoꞌ aꞌchintaranquëmaꞌ.

Juan 3:16

Yosësoꞌ yaꞌipi piyapiꞌsaꞌ paꞌpi nosoromiatërin. Napoaton aꞌnaíchin huiꞌnin nipirinhuëꞌ, isoroꞌpaquë aꞌpaimarin chiminacaso marëꞌ. Ina natëtëhuaꞌ: “Ca marëꞌ chiminin,” topatëhuaꞌ, co parisitopiquë paꞌsarëhuahuëꞌ. Yosë nohuitatëhuaꞌ, nanpimiatarëhuaꞌ.

Hechos 26:16

Iporaso nipirinhuëꞌ huaniquëꞌ. Nani acoranquën piyapiꞌsaꞌ shaꞌhuitamaso marëꞌ. Nani niꞌnanco. Aꞌna tahuëri nohuantërahuësoꞌ aꞌnotaranquën. Yaꞌipi shaꞌhuiráquëꞌ.

Hechos 9:6

Iporasoꞌ huanirahuaton, ninanoquë paquëꞌ. Inaquë shaꞌhuitarinënquën maꞌsona nicamasoꞌ,” itërin.