Ezequiel 18:7 - Chayahuita (Shahui)

⁷ Co aꞌnapita aparisitërinhuëꞌ. Nihuipisopitari: ‘Pahuërëaꞌhuanquënsoꞌ nitotacaso marëꞌ, iso maꞌsha quëchinquën,’ itatona quëtopirinahuëꞌ, ayantaantarin. Co insonta ihuarinhuëꞌ. Piyapiꞌsa tanahuachinara, aꞌcarin. Capa aꞌmocaiso nipachina, quëtërin.

Ezequiel 18:7 ပူးပေါင်းရင်းမြစ်များ

Proverbios 3:31

Ama ahuëtonoꞌsaꞌ noyapaquësohuëꞌ. Ama co noyahuëꞌ nininsoꞌ, nonanquësohuëꞌ.

Isaías 1:17

¡Noya nicacamasoꞌ nitotocoꞌ! Aꞌnapita napopináchin nicacamaso marëꞌ cancantocoꞌ. Saꞌahuaroꞌsaꞌ, quëyoronoꞌsaꞌ, inapita catahuatoma paꞌpoyacoꞌ.

Isaías 33:15

Aꞌnaquën noꞌtëquënáchin yonquiatonaꞌ, noꞌtëquënáchin nonpi. Co piyapiꞌsa maꞌsha onpotatona maꞌhuanpihuëꞌ. Maꞌsha yanicanapirinahuë tërantaꞌ, noꞌtëquën anaꞌintopi. Tëpatacaso marëꞌ shaꞌhuitopirinahuëꞌ, co nohuantopihuëꞌ. Co noyahuëꞌ nicacaisoꞌ, co piꞌpian tëranta yonquipihuëꞌ. Napopisopitasoꞌ, noya yaꞌhuëaponaꞌ. Natëtëanaroꞌsaquë yaꞌcopiinamën acorinso pochin nisapi. Cosharoꞌ, oꞌoi, inapita co pahuantapihuëꞌ.

Isaías 5:7

Israiroꞌsaꞌ, Cota huënton israiroꞌsanpoaꞌ, canpoasoꞌ, Sinioro yaꞌipi nanitaparinsoꞌ oparonën pochin ninëhuaꞌ. Napoaton: “Inapitasoꞌ, pënëntërahuësoꞌ natëtona noya nicacaiso yaꞌhuërin,” topirinhuë Siniorosoꞌ. Nitëpacasoráchin tëhuënchinsoꞌ paꞌyatërëhuaꞌ. Noya nicacasoꞌ ninapirinhuëꞌ, maꞌsha nionpotatëhua nitësharárëhuaꞌ.

Ezequiel 18:12

Popriyaroꞌsa co nosoroatonhuëꞌ, aparisitërin. Ihuatërin. Nihuipisopitari: ‘Pahuërëaꞌhuanquënsoꞌ nitotacaso marëꞌ, iso maꞌsha quëchinquën,’ itatona quëtohuachinara, co ayantaantarinhuëꞌ. Mamanshiroꞌsa chinotërin. Co costarahuësopitahuëꞌ ninin.

Ezequiel 18:16

Co aꞌnapita aparisitërinhuëꞌ. Nihuipisopitari: ‘Pahuërëaꞌhuanquënso nitotacaso marëꞌ, iso maꞌsha quëchinquën,’ itatona yaquëtopirinahuëꞌ, co nohuantërinhuëꞌ. Co insonta ihuarinhuëꞌ. Piyapiꞌsa tanahuachina aꞌcarin. Capa aꞌmocaiso nipachina, quëtërin.

Ezequiel 18:18

Paꞌpinsoꞌ aꞌnapita aparisitërin, ihuatërin, yaꞌhuërinquë co noyahuëꞌ ninin, naporin. Inapoaton oshahuanin niꞌton, chiminacaso yaꞌhuërin.

Ezequiel 33:15

Maꞌsha aꞌnantohuachin: ‘Iꞌhuërëtaꞌhuanquënso nitotacaso marëꞌ, iso maꞌsha quëchinquën,’ itatona quëtopisoꞌ, ayantërin. Ihuatërinsontaꞌ, huaꞌanën chachin quëtaantarin. Pënëntërahuësopita piyapiꞌsari natëhuachinaꞌ, inapitari ananpirin. Yaꞌipi inapita noꞌtëquën natëton, co noyahuëꞌ nininsopita aꞌporin. Naporin. Naponaꞌpisoꞌ, co chiminaponhuëꞌ, tëhuënchachin nanpipon.

Daniel 4:27

Napoaton carinquën pënëinquën: Noꞌtëquënáchin nicaton, ama huachi aquëtë oshahuaantaquësohuëꞌ. Co noyahuëꞌ ninansopitanta aꞌporahuaton, popriyatopisopita catahuacaso cancantëquëꞌ. Tapona inaporanso marëꞌ noya yayaꞌhuërápiranhuëꞌ,” itërinco.

Levítico 19:13

Ama ahuëton nicosohuëꞌ. Ama ahuëtatomaꞌ, aꞌnapita maꞌshanëna matocosohuëꞌ. Sacato catahuarinëmasopita, naporo tahuëri chachin pahuërëcoꞌ.

Levítico 19:15

Huaꞌanquëma nipatamaꞌ, noꞌtëquënáchin anaꞌintocoꞌ. Saꞌhuaroꞌsa nisapirinhuëꞌ co noyahuëꞌ nipachinaꞌ, noꞌtëquën anaꞌintocoꞌ. Maꞌhuanoꞌsanta co noyahuëꞌ nipachinaꞌ, noꞌtëquën anaꞌintocoꞌ.

Amós 2:6

Naquëranchin Sinioro taantarin: “Israiroꞌsanta paꞌpi co noyahuëꞌ nipi. Aꞌnaquën co manta tëhuëpirinahuëꞌ, aꞌnapitari asacatacaiso marëꞌ paꞌanpi. Popriyaroꞌsanta sapatë marëáchin nihuitopirinahuëꞌ, inapotopi. Napopiso marëꞌ inapitantaꞌ, anaꞌintaꞌhuaso yaꞌhuërin.

Amós 2:8

Inapitasoꞌ mamanshi marëꞌ maꞌsha tëpapisoꞌ caꞌpatopi. Aꞌnanpiso pahuërëtacaisoꞌ nitotai marëꞌ aꞌmopiso maꞌpatopi. Ina huëtohuachinara, ina aipi caꞌpatopi. Topinan quëran apahuërëtahuatonaꞌ, coriqui maꞌpatopi. Ina coriquiquë huino paꞌanatonaꞌ, mamanshinëna moshapisoꞌ pëiroꞌsaquë oꞌopi,” tënin.

Amós 3:10

Inapitasoꞌ, noya nicacaisoꞌ co nitotopihuëꞌ. Ahuëtatona maꞌsha mapisoꞌ, noya pëinënaquë tapapi,’ itoncoꞌ,” tënin.

Amós 6:3

Inapoatoma canpitasoꞌ, Yosë ataꞌhuantiinquëmaso tahuëri, co yayonquiramahuëꞌ. Nipirinhuëꞌ, co noyahuëꞌ nisápatoma ina tahuëri amanotaramaꞌ. Noyápiachin pëꞌsararoꞌsa Huiri pomon quëran nipinan yaꞌhuëtërinquëmaꞌ. Pitaroꞌsa tahuëri nipachina, inaquë noyá niótënamaꞌ. Toroaꞌhuaroꞌsa amoshin yaꞌhuëtërinquëmasoꞌ, carniroaꞌhuaroꞌsaꞌ, inapita tëparahuatoma noya coshatáramaꞌ.

Miqueas 2:1

Aꞌnaquëmasoꞌ, huëꞌëramaquëpita co noyahuëꞌ nicacamaso yonquiramaꞌ. Chiníquën nanantërama niꞌton, tahuërihuachina ina inachachin ninamaꞌ. Noꞌpahuë nipon noyahuatamara, machinaramaꞌ. Pëihuë nipon noyahuatamara, ihuatëramaꞌ. Quëmopinënapitarë chachin piyapiꞌsa aparisitëramaꞌ. Shimashonënapitari noꞌpaꞌ ayananpipisoꞌ, shinpitari huaꞌanëntapirinahuëꞌ, inapita ihuaramaꞌ. Inaporamasopita, ¡maꞌhuántacha canpitaso nisarama paya!

Miqueas 3:2

Canpitaso napoaponahuëꞌ, co noyahuëꞌ nicacasoꞌ paꞌyatatomaꞌ, noya nicacasosoꞌ, co paꞌyatëramahuëꞌ. Nosha paꞌanaꞌpisoꞌ, ohuica tëparahuaton iꞌsorin. Inapotahuaton noshinën nanquitërin. Nanquitohuachina, nansëquënáchin acorinso pochin canpitanta piyapinëhuëpita aparisitëramaꞌ. Ohuica iꞌsorahuatona poꞌmocaiso marëꞌ yaquipiso pochin piyapinëhuëpita co tënororamahuëꞌ.

Malaquías 3:5

Naquëranchin Sinioro nontatënquëmaꞌ: “Caso Sinioroco, yaꞌipi nanitapato shaꞌhuitaantaranquëmaꞌ: ‘Naporoꞌ oꞌmahuato, coisë pochin nisarahuë. Noya nipatamaꞌ, noya acoaranquëmaꞌ. Co noyahuëꞌ cancantatona pënotohuachinasoꞌ, anaꞌintarahuë. Nitëhuananpitohuachinaꞌ, Yoscoarëꞌ taponahuë nonpinpachinaꞌ, patronoꞌsa piyapinënapita co noꞌtëquën pahuërëhuachinahuëꞌ, quëyoronoꞌsaꞌ, saꞌahuaroꞌsaꞌ, inapita co nitocatahuahuachinahuëꞌ, nisharoꞌsa aparisitohuachinaꞌ, co tëꞌhuatohuachinacohuëꞌ, inapitanta anaꞌintarahuë,’ tënahuë,” itërinquëmaꞌ.

Lucas 3:11

—Piyapiꞌsa maꞌshari pahuantohuachina, ama apiratocosohuëꞌ. Catoꞌ aꞌmocamaso yaꞌhuëtohuachinquëmaꞌ, aꞌnaraꞌ quëtocoꞌ aꞌmoꞌin. Tanahuachinaꞌ, aꞌcacoꞌ caꞌin, itërin Coanshari.

Deuteronomio 24:17

Nisha piyapiroꞌsaꞌ, saꞌahuaroꞌsaꞌ, inapita nosoroatoma ama maꞌsha onpotocosohuëꞌ. Quëyoronoꞌsa nihuihuachinquëmaꞌ, ayantinquëmaso nitotamaso marëꞌ, ama aꞌmorinso matocosohuëꞌ.