Ezequiel 18:6 - Chayahuita (Shahui)

⁶ Co motopiaꞌhuaroꞌsaquë mamanshi moshacaso marëꞌ maꞌsha acopisoꞌ caꞌpatërinhuëꞌ. Co inapitari catahuacaso ninarinhuëꞌ. Co saꞌina caꞌpatërinhuëꞌ. Saꞌin inachintërinso quënanpachina, co tëcaririnhuëꞌ.

Ezequiel 18:6 ပူးပေါင်းရင်းမြစ်များ

Salmos 121:1

Motopiroꞌsa nëꞌpërahuato naporahuë: “¿Incha iporasoꞌ catahuaincoso marëꞌ huëꞌnëpoya?” tënahuë.

Éxodo 34:15

Inatohua yaꞌhuëpisopitarëꞌquëmaꞌ, ama maꞌsha marëꞌ tëranta anoyatocosohuëꞌ. Mamanshinëna moshacaiso marëꞌ maꞌsha tëpapisoꞌ caꞌpatotamaꞌ.

Ezequiel 18:15

Co motopiaꞌhuaroꞌsaquë mamanshi moshacaso marëꞌ maꞌsha acopisoꞌ caꞌpatërinhuëꞌ. Israiroꞌsa nisha nisha mamanshi chinotopi. Inasoꞌ, co inapita chinotërinhuëꞌ. Co saꞌina caꞌpatërinhuëꞌ.

Ezequiel 18:5

Noya ninaꞌpisoꞌ, noꞌtëquën yonquiaton noyasáchin ninin.

Mateo 5:28

Nipirinhuëꞌ, co monshihuanpiso marëáchin anaꞌintacasoꞌ yaꞌhuërinhuëꞌ, tënahuë. Aꞌna sanapi cancanëna quëran noyahuachinaꞌ, ina marëntaꞌ oshahuanapi. Nani monshitërinso pochin Yosëri niꞌsarin.

1 Corintios 10:20

Nisha piyapiꞌsaso nipirinhuëꞌ mamanshi moshacaiso marëꞌ maꞌsha tëpahuachinara, co Yosë yonquipihuëꞌ. Sopairoꞌsaꞌ yonquipi. Co casoꞌ nohuantërahuëꞌ canpitantaꞌ sopairoꞌsaꞌ yonquicamasoꞌ.

Deuteronomio 4:19

Piꞌiroꞌtënta nëꞌpëhuatamaꞌ, niꞌcona piꞌi, yoqui, tayoraroꞌsaꞌ, inapita quënanatoma moshachináchin cancantotamaꞌ. Inapitasoꞌ yaꞌipi piyapiꞌsa aꞌpintacaso marëꞌ acorin. Canpoaso nipirinhuëꞌ, Yosëíchin chinotacaso yaꞌhuërin.

Hebreos 13:4

Quëmapiꞌsaꞌ saꞌapachinaꞌ, ama aꞌna sanapi yonquiꞌinasohuëꞌ. Sanapiꞌsantaꞌ soꞌyahuachinaꞌ, ama soꞌinaꞌ tëhuananpichinasohuëꞌ. Ama mantaꞌ monshihuainasohuëꞌ. Monshihuanpatamaꞌ, Yosë chiníquën anaꞌintarinquëmaꞌ.