Ezequiel 18:5 - Chayahuita (Shahui)

⁵ Noya ninaꞌpisoꞌ, noꞌtëquën yonquiaton noyasáchin ninin.

Ezequiel 18:5 ပူးပေါင်းရင်းမြစ်များ

Génesis 18:19

Nani ina huayonahuë huiꞌninpita, shinpita, inapita noya pënënacaso marëꞌ. Aꞌchintërahuësopita natëtonaꞌ, noya nicacaiso marëꞌ pënënarin. Inapohuachin, shaꞌhuitërahuëso chachin quëtarahuë huachi,” tënin yonquiaton.

Jeremías 7:5

Noya noya imatomaco noya nicoꞌ. Aꞌnapitantaꞌ, noꞌtëquënáchin yonquirapicoꞌ. Nisharoꞌsa noꞌtëquën pahuërëcoꞌ. Saꞌahuaroꞌsaꞌ, quëyoronoꞌsaꞌ, inapitanta inapotocoꞌ. Piyapiꞌsa co manta onpopisopitahuëꞌ, ama tëpacosohuëꞌ. Mamanshiroꞌsa moshahuatamaꞌ, maꞌsha onpocamasoꞌ yonisaramaꞌ. Napoaton ama manta inapita moshacosohuëꞌ. Napohuatamaꞌ, co yaꞌhuërama quëran ocoiapënquëmahuëꞌ. Isoso noꞌpaꞌ, shimashonëmapitari huaꞌanëntomiatacaiso marëꞌ, quëtërahuë.

Ezequiel 18:4

Yaꞌipi piyapiroꞌsa cari huaꞌanëntërahuë. Mashoroꞌsanta huiꞌninarë chachin huaꞌanëntërahuë. Insosona co noyahuëꞌ nicaton oshahuanpachin, inasoꞌ chiminapon.

Ezequiel 18:6

Co motopiaꞌhuaroꞌsaquë mamanshi moshacaso marëꞌ maꞌsha acopisoꞌ caꞌpatërinhuëꞌ. Co inapitari catahuacaso ninarinhuëꞌ. Co saꞌina caꞌpatërinhuëꞌ. Saꞌin inachintërinso quënanpachina, co tëcaririnhuëꞌ.

Ezequiel 33:14

Yaꞌhuërëꞌ aꞌna piyapinta co noyahuëꞌ nininso marëꞌ: ‘Quëmasoꞌ chiminamaso yaꞌhuërin,’ itërahuë. Inaso napoaponahuëꞌ, oshahuaninso aꞌporahuaton, noyasáchin nisarin.

1 Juan 2:29

Quisocristo noyasáchin ninin, nitotërëhuaꞌ. Napoaton Yosë huëntonënquë yaꞌconpatëhuaꞌ, noya nicarihuaꞌ. Inpitasona noya nipachinaꞌ, nani Yosëri anoyacancantërin niꞌton, huiꞌnin pochin niꞌsarin, tënëhuaꞌ.

1 Juan 2:3

Yosë nohuitohuatëhuaꞌ, pënëninpoasoꞌ natëarëhuaꞌ. Noꞌtëquën natëcasoꞌ nohuantarihuaꞌ. Ina natëhuatëhuaꞌ, tëhuënchachin Yosë nohuitërëhuaꞌ.

1 Juan 3:7

Niꞌcona, apiaꞌhuaroꞌsaꞌ, nisha aꞌchinaꞌpiroꞌsaꞌ nonpintochinënquëmaꞌ. Noya nipatëhuaꞌ, noya cancantarëhuaꞌ. Quisocristo noya niꞌton, ina pochin cancantacasoꞌ yaꞌhuërin.

Apocalipsis 22:14

Huënainën quëran anoyacancantërinsopita nóya cancantaponaꞌ. Aꞌmopisoꞌ pëꞌsarëso pochin noyápiachin cancantapi. Inapitasáchin nanan yaꞌhuëtopi nanpirin nara nitërinsoꞌ capatonaꞌ, nanpimiatacaisoꞌ. Naporahuaton, nasha Quirosarinquë noya yaꞌconapi.