Ezequiel 18:4 - Chayahuita (Shahui)

⁴ Yaꞌipi piyapiroꞌsa cari huaꞌanëntërahuë. Mashoroꞌsanta huiꞌninarë chachin huaꞌanëntërahuë. Insosona co noyahuëꞌ nicaton oshahuanpachin, inasoꞌ chiminapon.

Ezequiel 18:4 ပူးပေါင်းရင်းမြစ်များ

Isaías 42:5

Siniorosoꞌ Yosë niꞌton, piꞌiroꞌtë acorin. Ina acoaton nëꞌmëtë pëi ótënëso pochin nitërin. Isoroꞌpantaꞌ, nani maꞌsha yaꞌhuërinsopitarë chachin acorin. Ina nohuanton piyapiꞌsa inaquë nanpipi. Inari chachin niinta acotërin.

Jeremías 31:30

Co noyahuëꞌ nipachina inahuara chachin oshanëna marëꞌ chiminaponaꞌ,” tënin.

Ezequiel 18:20

Insosona oshahuaninsoꞌ, inaora chachin chiminacaso yaꞌhuërin. Co paꞌpin oshanën marëꞌ huiꞌnin anaꞌintacaso yaꞌhuërinhuëꞌ. Inapochachin huiꞌnin oshanën marëntaꞌ, co paꞌpin anaꞌintacaso yaꞌhuërinhuëꞌ. Noya nipisopitasoꞌ, noya nipiso marëꞌ noꞌtëquën acanapo. Co noyahuëꞌ ninaꞌpintaꞌ, co noyahuëꞌ nininso marëꞌ noꞌtëquën anaꞌintaꞌhuaso yaꞌhuërin,” itërinco.

Ezequiel 18:3

Ca Sinioroco nanpiárahuë niꞌton, noꞌtëquën shaꞌhuitaranquëmaꞌ. Ipora quëran huarëꞌ co huachi israiroꞌsanquëmaꞌ, ina pochin nonsaramahuëꞌ.

Ezequiel 18:5

Noya ninaꞌpisoꞌ, noꞌtëquën yonquiaton noyasáchin ninin.

Ezequiel 3:18

Aꞌnaquën co noyahuëꞌ nininso marëꞌ: ‘Isosoꞌ, chiminacaso yaꞌhuërin,’ tosarahuë. Napotohuato, quëma nanan quëtaranquën co noyahuëꞌ nininsoꞌ aꞌpocaso marëꞌ shaꞌhuitaran. Natëhuachinquën co chiminaponhuëꞌ. Co shaꞌhuitohuatansohuëꞌ, tëhuënchachin chiminapon. Napoaponahuëꞌ, chimininso marëꞌ quëma naꞌintarinquën.

Ezequiel 33:8

Aꞌna piyapi co noyahuëꞌ nipachin, chiminacaso shaꞌhuitaranquën. Napotohuatënquën, co noyahuëꞌ nininsoꞌ aꞌpocaso marëꞌ quëmari shaꞌhuitaran. Shaꞌhuitopiranhuë co natëhuachinquënhuëꞌ, inasoꞌ oshanën marëꞌ chiminapon. Inapohuachin, co quëma naꞌintarinquënhuëꞌ. Shaꞌhuitacaso nipirinhuëꞌ, co shaꞌhuitohuatansohuëꞌ, inaso oshanën marëꞌ chiminapon. Napoaponahuëꞌ, ina chimininsoꞌ, quëma naꞌintarinquën,” itërinco.

Romanos 6:23

Piyapi asacatohuatëra, pahuërërëꞌ. Inapochachin co noyahuëꞌ nipatëhuaꞌ, chiminpatëhuaꞌ parisitomiatarihuaꞌ. Yosëso nipirinhuëꞌ, inaora nohuanton nosororinpoaꞌ. Quisocristo imapatëhuaꞌ, ina nohuitatëhuaꞌ, nanpimiatarihua. Inasoꞌ huaꞌanënpoaꞌ. Inasáchin natërëhuaꞌ.

Gálatas 3:22

Nipirinhuëꞌ, co insontaꞌ nanitërinhuëꞌ noꞌtëquën natëcasoꞌ. Yaꞌipinpoaꞌ oshahuanëhuaꞌ. Ina marëꞌ anaꞌintinpoasoꞌ yaꞌhuërin, tënin Yosë quiricanën quëran. Napoaton Quisocristoráchin nanitaparin anoyacancantinpoasoꞌ. Inasáchin imapatëhuaꞌ, Yosë noya niꞌsarinpoaꞌ.

Deuteronomio 24:16

Aꞌnaya aꞌnaya oshanën marëꞌ noꞌtëquën anaꞌintacaso yaꞌhuërin. Aꞌna piyapi tëhuërinso marëꞌ, co paꞌpin co aꞌshin anaꞌintacaso yaꞌhuërinhuëꞌ. Inapochachin paꞌpinhuë nipon, aꞌshinhuë nipon tëhuërinso marëꞌ co huiꞌnin anaꞌintacaso yaꞌhuërinhuëꞌ.

Hebreos 12:9

Tatanpoaꞌ pënënpachinpoara, natërëhuaꞌ. Piꞌpian anaꞌintopirinpoahuëꞌ, co noꞌhuirëhuahuëꞌ. Noya nicatëhuaꞌ, natërëhuaꞌ. Tata Yosëso nipirinhuëꞌ naꞌcon naꞌcon natëcasoꞌ yaꞌhuërin. Inasoꞌ nininpoaꞌ niꞌton, natëhuatëhuaꞌ, noya noya nanpiarihuaꞌ.