Ezequiel 18:25 - Chayahuita (Shahui)

²⁵ Napohuatora canpitasoꞌ: ‘Siniorosoꞌ, co noyahuëꞌ nisarin,’ tëcapoma aꞌna nimara. Napopiramahuëꞌ, ¡canpita mini tëhuënchinsoꞌ co noꞌtëquën yonquiatomahuëꞌ, co noyahuëꞌ nisaramaꞌ!

Ezequiel 18:25 ပူးပေါင်းရင်းမြစ်များ

Génesis 18:25

¡Ama Sinioro napoquësohuëꞌ! ¡Tëhuëpisopita, co tëhuëpisopitahuëꞌ co napopináchin oshahuanpiso pochin anaꞌintamaso yaꞌhuërinhuëꞌ! ¡Ama napoquësohuëꞌ! ¡Quëmasoꞌ, noya noya coisë yaꞌipi isoroꞌpaꞌ marëꞌ ninan niꞌton, noꞌtëquënáchin anaꞌintamaso yaꞌhuërin! itërin.

Copo naporinso' 40:8

‘Siniorosoꞌ topinan quëran anaꞌintatonco tëhuërin,’ tënan. Napoaton quëmasoꞌ, co manta tëhuëransohuë pochin yaꞌnoran.

Salmos 145:17

Maꞌpitaso nipachina, Siniorosoꞌ noyasáchin ninin. Yaꞌipi nininsopita nosoroaton noya acorin.

Ezequiel 18:26

Noya ninaꞌpi nipirinhuëꞌ, noya nisarinso aꞌporahuaton co noyahuëꞌ nipachin, co noyahuëꞌ nininsopitari naꞌintarin niꞌton, chiminapon.

Ezequiel 18:29

Ina natanatona israiroꞌsasoꞌ: ‘Sinioro co noyahuëꞌ nisarin,’ tëcaponaꞌ. ¡Caso mini noya nisarahuë! ¡Canpita tëhuënchinsoꞌ co noꞌtëquën yonquiatomahuëꞌ, co noyahuëꞌ nisaramaꞌ!

Ezequiel 33:17

Ina yonquiatoma canpitaso israiroꞌsaꞌ: ‘Siniorosoꞌ co noyahuëꞌ nisarin,’ tapomaꞌ. Napopiramahuëꞌ, canpita mini tëhuënchinsoꞌ, co noyahuëꞌ nisaramaꞌ.

Ezequiel 33:20

Naporahuëso marëꞌ canpitasoꞌ: ‘Sinioro co noꞌtëquën nisarinhuëꞌ,’ taantaramaꞌ. Napopiramahuëꞌ, carimaso aꞌnaya aꞌnayanquëmaꞌ, noya nipatamaꞌ acanaponquëmaꞌ. Co noyahuëꞌ nipatamasoꞌ, anaꞌintaranquëmaꞌ,” itërin.

Malaquías 2:17

Naquëranchin Sinioro shaꞌhuitaantarinquëmaꞌ: “Nonamaso natanatënquëmaꞌ, amiranquëma huachi,” tënin. Napoaponahuë canpitasoꞌ: “¿Maꞌta tënaisoꞌ natanaton Sinioro amirincoi?” toconamaꞌ. Napohuatamara, Sinioroso naporin: “Canpitaso nonpatamara: ‘Co noyahuëꞌ nipisopitantaꞌ, Yosëriso noya niꞌnin. Inapitanta yonquiaton noya cancantërin,’ tënamaꞌ. Napoatoma canpitasoꞌ, noyasáchin ninahuëso co natëramacohuëꞌ,” tënin.

Romanos 10:3

Yosëíchin anoyacancantërinpoaꞌ. Nipirinhuëꞌ, co nohuantopihuëꞌ ina nanan imacaisoꞌ. “Pënëntërinsoꞌ natëhuatëhuaꞌ, Yosë noya niꞌsarinpoaꞌ,” toconpi. “Quëma Sinioro anoyacancantocoi,” co itopihuëꞌ.

Romanos 3:20

“Pënëntërinsoꞌ natëhuatëhuaꞌ, Yosë noya niꞌsarinpoaꞌ,” topirinahuëꞌ aꞌnaquën. Co ina marëꞌ noya niꞌninpoahuëꞌ. Pënëntërin quëran oshahuanëhuasoꞌ anitotërinpoaꞌ. Ina natanpatëhuara, “Tëhuënchachin oshahuanëhuaꞌ. Co noyahuëꞌ ninëhuaꞌ,” tënëhuaꞌ.

Romanos 3:5

Aꞌnaquën poꞌpin yonquipi: “Canpoa co noyahuë ninëhua niꞌton, Yosë noyasáchin nininsoꞌ aꞌninquëchin anitotërinpoaꞌ. Napoaton anaꞌintohuachinpoaꞌ, co noꞌtëquën anaꞌintërinpoahuëꞌ,” toconpi.

Romanos 9:20

¿Maquëma cháchintaꞌ niꞌtomaꞌ, nanitëramaꞌ Yosë chachin pinocamasoꞌ? Niꞌcoꞌ. Piyapi tëshitohuachina, minëꞌ, huëꞌëta, inapita ninin. Nipachina, co tëshiri huaꞌanën noꞌhuirinhuëꞌ. “¿Onpoatontaꞌ naponin ninanco?” co itërinhuëꞌ.

Deuteronomio 32:4

Inasoꞌ, nóya paꞌpoyarinpoaꞌ. Maꞌsha nipachina, co tëhuërinhuëꞌ. Noꞌtëquënáchin nicaton nóya ninin. Inasoꞌ Yosë, noꞌtëquënáchin nonin. Topinansoꞌ co onporonta piyapi maꞌsha onpotërinhuëꞌ. Noꞌtëquënáchin ninin. Inaíchin Yosësoꞌ.