Ezequiel 18:22 - Chayahuita (Shahui)

²² Iꞌhua paꞌpi co noyahuëꞌ nipirinhuëꞌ, yaꞌipi naporinso naniantarahuë. Noya nisarin niꞌton, ina marëꞌ nanpipon.

Ezequiel 18:22 ပူးပေါင်းရင်းမြစ်များ

1 Reyes 17:18

Huaꞌhuin chiminpachina, inaso Iniasë itapon: —Quëmasoꞌ Yosë nohuanton pënëntëran. ¡Co carinquënsoꞌ, manta onpotëranquënhuëꞌ! Co Yosë natëtohuëꞌ oshahuanahuë. Napoaton ina ayonquiancoso marëꞌ huaꞌhuahuë tëpatëranco. ¡Inapotatonco anaꞌintëranco tënahuë! itërin.

Salmos 103:12

Piꞌi pipirin quëran, yaꞌconinquë huarëꞌ áquë tënëhuaꞌ. Ina quëran áquë áquë pochin Yosëso oshanënpoa inquitatonpoaꞌ, naniantërin.

Salmos 19:11

Yosë shaꞌhuirinsopita yonquiatëhuaꞌ, niyátainpichin yaꞌhuëarihuaꞌ. Noya natëhuatëhuaꞌ, naꞌcon catahuarinpoaꞌ.

Salmos 51:1

Quëmasoꞌ Sinioro noyanquën niꞌton, nosoroco. Nosoromiatatonco oshanëhuë inquitoco.

Isaías 43:25

Inapopiramahuëꞌ, Yosënëmaco niꞌto, paꞌpi co noyahuëꞌ ninamasopita, inquitaranquëmaꞌ. Co yanatëtatomahuëꞌ anoꞌhuitopiramacohuëꞌ, co huachi inapita yonquiarahuëꞌ.

Jeremías 31:34

Co huachi insonta aꞌnapita aꞌchintaponhuëꞌ. Co iin nontaton: ‘Sinioro nohuitëquëꞌ,’ co itaponhuëꞌ. Yaꞌipiya quëran nohuitarinaco. Huaꞌhuishinoꞌsa quëran mashoroꞌsaquë huarëꞌ nohuitarinaco niꞌton, co huachi niaꞌchintaponahuëꞌ. Inapitasoꞌ co noyahuëꞌ nicatona oshahuanpirinahuëꞌ, oshanëna inquitato nanan anoyatarahuë. Ca Sinioroco shaꞌhuitaranquëmaꞌ,” tënin.

Ezequiel 18:24

Noya ninaꞌpinta noya nisarinso aꞌporahuaton, co noyahuëꞌ nininsoꞌ, noꞌhuípiro nininsoꞌ, inapita niantahuachin: ‘Onpopionta inasoꞌ, Siniorori nanpicasoꞌ quëtapon nimara,’ ¡ama tocosohuëꞌ! Noya nininsopita co huachi yonquiarahuëꞌ. Co casáchin cancantatoncohuëꞌ, oshahuaninso marëꞌ chiminapon.

Ezequiel 33:16

Iporasoꞌ noyasáchin nicaton noꞌtëquën yonquirin niꞌquëhuarëꞌ, nanpipon. Iꞌhua co noyahuëꞌ nicaton oshahuaninsoꞌ, co huachi piꞌpian tëranta yonquiapohuëꞌ.

Miqueas 7:19

Iporanta Sinioro nosoroantacoi. Co noyahuëꞌ ninaisoꞌ inquitatoncoi paꞌpitatë pochin nitëquëꞌ. Marë anpotërinquë maꞌsha tëꞌyaitopiso pochin oshanëhuëinta nitëquëꞌ.

Romanos 8:1

Napoaton iporasoꞌ Quisocristo imapatëhuaꞌ, co huachi anaꞌintinpoasoꞌ yaꞌhuërinhuëꞌ.

Hebreos 8:12

Naꞌcon nosoroato, yaꞌipi co noyahuëꞌ yonquipisopita inquitarahuë. Co huachi oshanënaꞌ yonquiarahuë,” tënin Yosë.

1 Juan 3:7

Niꞌcona, apiaꞌhuaroꞌsaꞌ, nisha aꞌchinaꞌpiroꞌsaꞌ nonpintochinënquëmaꞌ. Noya nipatëhuaꞌ, noya cancantarëhuaꞌ. Quisocristo noya niꞌton, ina pochin cancantacasoꞌ yaꞌhuërin.