Ezequiel 18:19 - Chayahuita (Shahui)

¹⁹ Ina yonquiatoma canpitasoꞌ: ‘¿Onpoatonta co noyahuëꞌ ninaꞌpi huiꞌninsoꞌ paꞌpin oshanën marëꞌ co anaꞌintëranhuëꞌ?’ itapomaco. Huiꞌninso noyasáchin nicaton, noꞌtëquën natërinco. Pënëntërahuësopita yaiꞌpi natërin. Napoaton nanpicaso yaꞌhuërin.

Ezequiel 18:19 ပူးပေါင်းရင်းမြစ်များ

2 Reyes 23:26

Ina nipirinhuë tëranta Siniorori Cota huënton israiroꞌsa noꞌhuirinsoꞌ, co sanorinhuëꞌ. Iráca Manasisi copirnori co noyahuëꞌ nicaton anoꞌhuitomiatërinso marëꞌ naporin.

Éxodo 20:5

Ama monshorahuatoma inapita moshacosohuëꞌ. Ama piꞌpian tëranta chinotocosohuëꞌ. Casáchin Sinioroco niꞌto, aꞌpitëranquëmaꞌ. Co natëhuatamacohuëꞌ, anaꞌintaranquëma huachi. Huiꞌnamapita, shiparimapita, huiꞌnama shinpitaquë huarëꞌ anaꞌintarahuë.

Jeremías 15:4

Nisha nisha nacionoꞌsa yaꞌhuëpisoꞌ, canpita inapotaranquëmaso nitotatonaꞌ, huëhuëtaponaꞌ. Isiquiasë huiꞌnin Manasisi itopiso Quirosarinquë naporinso marëꞌ, inapo anaꞌintaranquëmaꞌ.

Ezequiel 18:18

Paꞌpinsoꞌ aꞌnapita aparisitërin, ihuatërin, yaꞌhuërinquë co noyahuëꞌ ninin, naporin. Inapoaton oshahuanin niꞌton, chiminacaso yaꞌhuërin.

Ezequiel 18:9

Pënëntërahuëso chachin nisarin. Yaꞌipi camaitërahuësopita noꞌtëquënáchin natërin. Naporin. Naponaꞌpisoꞌ, noya quëmapi. Naporinso marëꞌ inaso nanpipon. Ca Sinioroco shaꞌhuitaranquëmaꞌ.

Ezequiel 33:10

Naquëranchin Sinioro nontatonco: “Quëmasoꞌ piyapinquën nipiranhuëꞌ, nanan quëtaranquën israiroꞌsa pënënacaso marëꞌ. Napotëquëꞌ: ‘Canpitaso nonpatamara naporamaꞌ: “Quiyasoꞌ oshahuanatoi panca tëhuërai. Inapoatoi panca pëꞌpëtëraiso pochin nisarai. Napoaton nanpichinapoi chachin chanatërëso pochin nisarai. ¿Onporahuatoicha noya nicatoi yaꞌhuëꞌi nicaya?” tënamaꞌ.