Ezequiel 18:14 - Chayahuita (Shahui)

¹⁴ Ina pochin quëmapi niponahuëꞌ, huiꞌnahuanpachina, huiꞌninsoꞌ nishatërin. Paꞌpin naporinsopita nicaponahuëꞌ, co ina pochin nininhuëꞌ.

Ezequiel 18:14 ပူးပေါင်းရင်းမြစ်များ

2 Reyes 22:1

Cosiasë Cota huënton copirno nicacaso marëꞌ caniaritohuachina, posa piꞌipiíchin yaꞌhuëtërin. Cara shonca aꞌna piꞌipi Quirosarinquë copirno yaꞌconin. Aꞌshinsoꞌ, Ataia huiꞌnin Itita itopi. Posocato ninanoquë yaꞌhuërin.

2 Reyes 22:2

Cosiasë huaꞌanëntapon noyasáchin ninin. Noꞌtëquën Sinioro natërin. Iráca shimashonën Tapi naporinso pochin inanta ninin.

Proverbios 23:24

Yonquínahuan nisahuaton noya huiꞌnapi nipachin, noꞌtën chachin paꞌpinsoꞌ, noya cancantarin. “Ma noyacha huiꞌnahuë yaꞌhuëtërinco paya,” taꞌcasonta nanitërin.

Isaías 44:19

Noꞌtëquën yonquipi naporini: “Iso mamanshi ninëhuaso naraquë chachin, aꞌpëtërëhuaꞌ. Inaquë pan anpiatëhua caꞌnëhuaꞌ. Noshanta cancatërëhuasoꞌ, inaquë anpiatëhua caꞌnëhuaꞌ. ¡Napoaton iso mamanshisoꞌ co máquënhuëꞌ! ¡Moshapirëhuahuëꞌ, topinan nara tantontë napotarëhuaꞌ!” chitonahuëꞌ.

Jeremías 9:14

Co natantochináchinhuëꞌ cancantatonaꞌ, inahuara costapiso imapi. Shimashonënapitari aꞌchintërinso pochachin nonpin yosëroꞌsa moshapi.

Ezequiel 18:10

Ina pochin quëmapi niponahuëꞌ, huiꞌninsoꞌ noꞌhuitëraya nisahuaton tëpaton. Co paꞌpin naporinsopita nininhuëꞌ. Motopiaꞌhuaroꞌsaquë mamanshi moshacaso marëꞌ maꞌsha acopisoꞌ caꞌpatërin. Saꞌina caꞌpatërin.

Ezequiel 18:15

Co motopiaꞌhuaroꞌsaquë mamanshi moshacaso marëꞌ maꞌsha acopisoꞌ caꞌpatërinhuëꞌ. Israiroꞌsa nisha nisha mamanshi chinotopi. Inasoꞌ, co inapita chinotërinhuëꞌ. Co saꞌina caꞌpatërinhuëꞌ.

Ezequiel 18:28

‘Tëhuënchachin co noyahuëꞌ ninahuëso marëꞌ Yosë anaꞌintincoso yaꞌhuërin,’ tëcaton co noyahuëꞌ nininsoꞌ aꞌpohuachin, co chiminaponhuëꞌ, tëhuënchachin nanpipon.

Mateo 23:32

Inapita pochin cancantatomaꞌ, co noyahuëꞌ nisaramaꞌ. Naꞌcon naꞌcon oshahuanaramaꞌ.

1 Pedro 1:18

Iráca shimashonënpoapita topinan quëran yaꞌhuëpi. Moshatopirinahuëꞌ, co Yosë nohuitopihuëꞌ. Inapita nonanatomaꞌ, canpitantaꞌ topinan quëran yaꞌhuëpiramahuëꞌ, Yosë ocoirinquëmaꞌ ina nohuitacamaso marëꞌ. Ocoiinquëmaso marëꞌ co coriqui pahuërëtërinhuëꞌ. Huiꞌnin chachin aꞌpaimarin. Coriqui, oro, inapita aꞌna tahuëri taꞌhuantarin.