Ezequiel 1:24 - Chayahuita (Shahui)

²⁴ Paꞌpachinara anpiantëna quëran tënëntopisonta natanahuë. Naꞌpihuanquë pamatohuachina, tënëntërinso pochin irinin. Yosë yaꞌipi nanitaparinso nonpachina, yaꞌcaninso pochin natanahuë. Naporahuaton panca sontaroꞌsa huënton paꞌpachinara, tënëntërinso pochin natanahuë. Chiniconpachinara, anpiantëna aꞌpamapi.

Ezequiel 1:24 ပူးပေါင်းရင်းမြစ်များ

2 Reyes 7:6

Sinioro nohuanton Siria sontaroꞌsasoꞌ, notohuaroꞌ sontaroꞌsa toronanoꞌsaquë, cahuarioroꞌsaquë, inaquëpita huëꞌsapiso pochin natanpi. Ina natanatonaꞌ: “Israiro copirnosoꞌ, Iquipito copirno, Iti copirno, inapita copirnoroꞌsa sontaronënpitarë chachin pahuërërin. Napoaton inapita ahuëaponpoa huëcapaiarinënpoaꞌ,” topi.

Ezequiel 3:13

Maꞌsharoꞌsa pochin nipisopita anpiantënëna quëran yanponapona nicaripisoꞌ, tahuinanoꞌsa inahua pirayan yaꞌhuërinsoꞌ, inapita naporin. Panca ocohua irininso pochin irinpi.

Apocalipsis 1:15

Nantëontaꞌ shaꞌpi huaꞌna pënquë aꞌpërëso pochin huënaráchin yaꞌnorin. Naporahuaton, chiníquën nonin. Panca soꞌpora tënëntërinso pochin natanahuë.

Apocalipsis 19:6

Ina quëran huaꞌhuayátërahuë piyapiꞌsaꞌ nonsapisoꞌ natanahuë. Panca soꞌpora pochin tënëëntarin. Chiníquën huira ahuëtërinso pochin natanahuë. “Ma noyacha Tata Yosëso paya. Chini chiníquën nanantaton, yaꞌipiya huaꞌanëntarin.