Ezequiel 1:13 - Chayahuita (Shahui)

¹³ Maꞌsharoꞌsa pochin nipisopitasoꞌ, pënaya huënaratërinso pochin yaꞌnopi. Yanatëtë huënin huënintohuatëra, huënaratërin. Inapoatonaꞌ, itohuaran itohuaran niyaꞌcontapiso pochin nisapi. Pënsoꞌ chiníquën huënaratarin. Ina quëran oꞌcoriroꞌsanta pipirantapi.

Ezequiel 1:13 ပူးပေါင်းရင်းမြစ်များ

Génesis 15:17

Nani tashihuachina, aꞌnanaya orno conaiꞌ tomontárinso yaꞌnorin. Naporahuaton, panca yanatëtë pochin pën orótahuaton, maꞌsharoꞌsa nichatërinsopita huáncana, naꞌhuërin.

Salmos 104:4

Ihuanoꞌsanta comisionoꞌsa pochin acoran. Oꞌcoriroꞌsanta piyapinënpita pochin natërinën.

Ezequiel 1:7

Paꞌhuëquënpitasoꞌ, noꞌtënanconpi. Toroaꞌhua pochin tasërahuan nantëtopi. Nantëquënpitantaꞌ, shaꞌpi huaꞌna noyá soꞌnarëso pochin yaꞌnopi.

Daniel 7:9

Ina quëran niantahuatora, huaꞌanëntacaiso shiraroꞌsa acorapi. Inaquë aꞌnara Ansiano, másho pochin yaꞌnorinsoꞌ huënsërin. Aꞌmorinsosoꞌ, ocai pochin huiríchin. Ainëontaꞌ, huiri huaita noyá pëꞌsapinan pochin yaꞌnorin. Huaꞌanëntërinso shiranën, ina tahuinanënpita, inapitanta panca pën nënë nënëtárinso pochin yaꞌnorin.

Mateo 28:3

Huënaráchin huënaráchin oꞌcori pochin yaꞌnorin. Huiríchin aꞌmorin. Piꞌshiro quëran huiri huiríchin.

2 Tesalonicenses 1:7

Quisocristo oꞌmantahuachin, co huachi parisitaramahuëꞌ. Noya yaꞌhuaramaꞌ. Quiyantaꞌ ipora aparisitapirinacoihuëꞌ, naporoꞌ yaꞌipi imarëhuasopita nóya cancantarihuaꞌ. Sinioro Quisocristo chachin inápa quëran oꞌmantararin. Pën huënaratërinso huáncana yaꞌnoarin. Anquëniroꞌsantaꞌ chiníquën nanantatonaꞌ, oꞌmantararin. Inapitarë chachin oꞌmantararin.

Apocalipsis 10:1

Ina quëran huaꞌnarëso pochin aꞌna anquënintaꞌ niantarahuë, chiníquën nanantërinsoꞌ. Chitoroꞌ huancana inápa quëran oꞌmararin. Motën yahuaꞌtani tahuitërin. Yaꞌpirin piꞌi pochin aꞌpinin. Tonaintaꞌ pën pochin yaꞌnoarin.

Apocalipsis 18:1

Ina quëran aꞌna anquënintaꞌ inápa quëran oꞌmararin, niꞌnahuë, chiníquën nanantërinsoꞌ. Huënaráchin niꞌton, isoroꞌpaꞌ aꞌpintërin.

Apocalipsis 4:5

Yosë huaꞌanëntacasoꞌ shiranën quëran oꞌcori pochin nininsoꞌ pipiarin. Huënsha huënshaꞌtarin. Huira tacarintërinso pochin nonpisoꞌ natanahuë. Canchisë pën nënërinsoꞌ Yosë notënanquë chachin niꞌnahuë. Inapitasoꞌ canchisë ispiritoroꞌsaꞌ Yosëri camairinsoꞌ, tënahuë.