Éxodo 9:7 - Chayahuita (Shahui)

⁷ Copirnosoꞌ, nitotacaso marëꞌ piyapinënpita aꞌparin. Israiroꞌsa pëꞌtahuatopisopita nicacaiso marëꞌ aꞌparin. Paatona niꞌconpirinahuëꞌ, tëhuënchachin co aꞌnaya tëranta chimininhuëꞌ. Copirnosoꞌ, ina nitotaponahuë tërantaꞌ, co natantochináchinhuëꞌ cancantërin. Ina pochin cancantaton co israiroꞌsa Yosë chinotacaiso marëꞌ yaaꞌparinhuëꞌ.

Éxodo 9:7 ပူးပေါင်းရင်းမြစ်များ

Éxodo 3:19

Napotopiramahuëꞌ, co inaso nohuantarinhuëꞌ. Napoaponahuëꞌ, onpopionta cari anatëtarahuë.

Éxodo 7:13

Yosë naporinso chachin, Iquipito copirnoso ina nicaponahuëꞌ, co natantochinachinhuë cancantërin. Napoaton Moisësë, Aaron inapita co natërinhuëꞌ.

Éxodo 7:14

Ina quëran Yosëri, Moisësë nontaton itaantapon: “Iquipito copirno co piꞌpisha tëranta nohuantërinhuëꞌ, piyapinëhuëpita aꞌpacasoꞌ.

Éxodo 8:32

Napoaponahuëꞌ, co naporo tëranta natëtërinhuëꞌ. Co natantochináchinhuëꞌ cancantaton, co israiroꞌsa aꞌparinhuëꞌ.

Éxodo 9:12

Napoaponahuëꞌ, Yosë nohuanton co copirno nanitërinhuë Moisësë, Aaron, inapita natëcasoꞌ. Moisësë napotërinso chachin ninin.

Éxodo 9:8

Naquëranchin Yosëri, Moisësë, Aaron, inapita itaantarin: “Paatoma aꞌna ornoquë piꞌpiyan huariano macoꞌ. Ina masahuatomaꞌ, copirno niꞌconcoꞌ. Ina niꞌtonënquë nipatamaꞌ, quëmari Moisësë huariano inápaquë taꞌsaquëꞌ.

Daniel 5:20

Inapoaton, “caso noya noyaco. Co insonta ca pochin yaꞌhuërinhuëꞌ,” tënin. Ina pochin yonquiaton, piyapiꞌsa yaaparisitërin. Napohuachina, Yosëri copirno yaꞌconin quëran ocoirin.

Romanos 9:18

Inaora nohuanton, aꞌnaquën nosororin. Aꞌnaquënso nipirinhuëꞌ tananpitërin. Tananpitohuachina, co natantochináchinhuëꞌ cancantopi.