Éxodo 9:22 - Chayahuita (Shahui)

²² Naquëranchin Yosëri, Moisësë camayantarin. —Yaꞌipi Iquipito parti ocai anotacaso marëꞌ tanpaquën inápaquë ihuëquëꞌ. Piyapiroꞌsaꞌ, pëꞌtahuaroꞌsaꞌ, nararoꞌsaꞌ, yaꞌipi inapita paquitacaso marëꞌ inapoquëꞌ.

Éxodo 9:22 ပူးပေါင်းရင်းမြစ်များ

Éxodo 10:21

Naquëranchin Yosëri, Moisësë camayantarin: “Tanpaquën inápaquë ihuëquëꞌ. Naporahuaton, yaꞌipi Iquipito roꞌtëquë tashitacaiso marëꞌ camaiquëꞌ. Ca nohuanton carichináchin tashiapon,” itërin.

Éxodo 7:19

Nani copirno shaꞌhuitohuatan, Aaron camaiquë huaranën quëran iiroꞌsa ihuëchin. Iꞌshanaroꞌsaꞌ, sonoroꞌsaꞌ, iꞌsha tapapisopita, inaquëpitanta ihuëchin. Ihuëtohuachin, yaꞌipi ina iꞌsha huënaiꞌ taranarin huachi. Orinanoꞌsaquënta iꞌsha tapapisoꞌ, huënaiꞌ taranapon. Naꞌpi quëran, nontë quëran ina quëranpita nicatona iꞌsha tapapisoꞌ, napoapon,” itërin.

Éxodo 8:16

Naquëranchin Yosëri, Moisësë itapon: “Aaron shaꞌhuitëquëꞌ: Huaranën quëran, noꞌpaquë amocan yaꞌhuërinso ahuëꞌin. Inapohuachin, yaꞌipi Iquipito roꞌtëquë ico naꞌapon huachi,” itërin.

Éxodo 8:5

Napotërinso chachin Moisësësoꞌ paaton copirno nontoonin. Nontopirinhuëꞌ, co yanatëtërinhuëꞌ. Napoaton Yosëri camairin: “Aaron shaꞌhuitëquë huaranën iiroꞌsaquë ihuëꞌin. Iꞌshanaroꞌsaꞌ, sonoroꞌsaquë, inaquëpita huarira pipicaso marëꞌ ihuëꞌin. Ina quëranpita pipitona yaꞌipi Iquipito parti yanquërapi,” itërin.

Éxodo 9:21

Aꞌnaquënso nipirinhuëꞌ, co natëtatonahuëꞌ, piyapinënapita co shaꞌhuitopihuëꞌ. Pëꞌtahuanënapitanta co tapapihuëꞌ.

Josué 10:11

Piti-oron ninano yaꞌcariꞌ, aꞌna nicotoana yaꞌhuërin. Inataquëchin aꞌnaquën amororoꞌsasoꞌ, israiroꞌsa tëꞌhuatatona paꞌmapi. Ina paꞌtomasoi, Siniorori chachin inápa quëran notohuaroꞌ panca naꞌpiroꞌsa aꞌpatiimarin. Ocai pochin aꞌpatiimarin. Ina naꞌpiroꞌsari notohuaroꞌ tiquirin. Israiroꞌsari sahuëniquë tëpapi quëran naꞌcon naꞌcon tiquirin.

Apocalipsis 16:21

Inápa quëran ocaiꞌ anotapon. Panca masho niꞌton, quëquën. Catapini shonca quiro pochin quëꞌninsoꞌ. Naꞌa anotohuachin, piyapiꞌsaꞌ chiníquën parisitapi. Napoaton Yosë chiníquën noꞌhuitonaꞌ, pinosapi huachi.