Éxodo 9:14 - Chayahuita (Shahui)

¹⁴ Co aꞌpahuatanhuëꞌ, iporasoꞌ chini chiníquën anaꞌintaranquën. Catahuarinquënsopita huaꞌanoꞌsaꞌ, piyapinënpita, inapitanta inapotarahuë. Co insonta isoroꞌpaquë ca pochin yaꞌhuërinhuëꞌ. Ina ipora anitotaranquën.

Éxodo 9:14 ပူးပေါင်းရင်းမြစ်များ

2 Samuel 7:22

Quëmaso Sinioro, Yosënquën. Chini chiníquën nanantëran. ¡Ma nóyacha quëmasoꞌ ninan paya! Shimashonëhuëipita yáshaꞌhuitërinacoi: ‘Co insonta ina pochin yaꞌhuërinhuëꞌ. Co aꞌna yosë tëranta ina pochin nininhuëꞌ,’ itërinacoi.

1 Reyes 8:38

Ina marëꞌ aꞌnaya aꞌnayahuë nipon, yaꞌipi israiroꞌsahuë nipon: ‘Oshahuanëhua niꞌton, Yosë anaꞌintarinpoaꞌ,’ taponaꞌ. Inapohuachinaꞌ pëinën parti anquirahuatonaꞌ, nontapënën. Oshanën inquitacaso marëꞌ nontohuachinën, quëmari inquitëquëꞌ.

Éxodo 15:11

Co insonta Sinioro quëma pochin nininhuëꞌ. Quëmasáchin noya noyanquën. Chini chiníquën nanantëran. Anaꞌintacaso marëꞌ paꞌpi huëhuëpiro nininsopita maꞌsha aꞌnoran. Napoaton yaꞌipiya quëran chinochinën.

Éxodo 8:10

—¡Tashiraya chachin copichin tënahuë taꞌa! tënin copirno. —Naporanso chachin mini nisarin, tashiraya copi taꞌparinquëmaꞌ. Iꞌquëráchin yaꞌhuëhuachinaꞌ, co huachi apiponquëmahuëꞌ. Inapohuachin: “Tëhuënchachin israiroꞌsari chinotopisoꞌ, chini chiníquën nanantërin tosaran,” itërin Moisësëri.

Éxodo 8:6

Moisësëri shaꞌhuitohuachina, Aaronso yaꞌipi iiroꞌsa yaꞌhuërinquë huaranën ihuërin. Ina iiroꞌsa quëran huarira pipirahuatonaꞌ, yaꞌipi Iquipito roꞌtë yanquëëtërin.

Éxodo 9:15

Nohuantërahuë naporini, chini chiníquën canio poꞌmotatënquëma nani yaꞌipinquëma tiquiꞌitënquëmahuëꞌ.

Isaías 45:5

Ca mini Sinioroco. Co aꞌna yaꞌhuërinhuëꞌ. Casáchin Yosëco. Co quëma nohuitopirancohuëꞌ, ca nohuanton míso ahuëtaran.

Isaías 46:9

Iráca quëran huarëꞌ nani maꞌsha onpopisoꞌ yonquicoꞌ. Casáchin Yosëco. ¡Co aꞌna ca pochin yaꞌhuërinhuëꞌ! Caso Yosëco. ¡Co insonta aꞌna ca pochin yaꞌhuërinhuëꞌ!

Jeremías 19:8

Inapotohuatënquëma iso ninanosoꞌ, tanahuantápon. Piyapiꞌsari niꞌpachina paꞌyanaponaꞌ. Yaꞌipi isëchin naꞌhuëpisopita ataꞌhuantomiatërinënquëmaso niꞌpachinaꞌ, paꞌyanaponaꞌ.

Daniel 5:21

Co huachi nanitërinhuëꞌ piyapiꞌsa huáncana yaꞌhuëcasoꞌ. Napoaton ocoihuachinara, tanan moraroꞌsarëꞌ yaꞌhuërin. Tororoꞌsa pochin pasto caꞌnin. Poroncayori shipitárin. Naporin. “Yosëso chini chiníquën nanantaton yaꞌipi isoroꞌpaquë nacionoꞌsantaꞌ, huaꞌanëntërin. Ina nohuanton insosona nohuantërinsoꞌ copirno nicacaso marëꞌ acorin,” tëcaquë huarëꞌ noyatërin.

Apocalipsis 18:8

Aꞌnanaya Yosëri anaꞌintarin huachi. Naꞌa piyapiꞌsaꞌ canioponaꞌ, sëtaponaꞌ, tanarotaponaꞌ, napoaponaꞌ. Yosëri chini chiníquën nanantaton, anaꞌintarin. Ahuiquitarin.

Apocalipsis 22:18

Nani noꞌtëquën ninshitëranquëmaꞌ. Yaꞌipi ninorinsoꞌ noꞌtëquën ninshitëranquëmaꞌ. Natanpatamaꞌ, inachachin aꞌchinacasoꞌ yaꞌhuërin. Iso nanan apancatohuatamaꞌ, iso quiricaquë shaꞌhuirinso chachin nisha nisha quëran Yosë anaꞌintarinquëmaꞌ. Naꞌcon naꞌcon anaꞌintarinquëmaꞌ.

1 Samuel 4:8

Inasoꞌ Yosë, chini chiníquën nanantërin. Inari iquipitoroꞌsa inotëro parti ataꞌhuantërin. Nisha nisha maꞌsha onpotaton tiquirin. ¿Inta iporasoꞌ ina quëran nichaꞌëinpoa? ¡Maꞌhuantacha canpoasoꞌ nisarëhua paya!