Éxodo 8:3 - Chayahuita (Shahui)

^3-4 Niroiquë naꞌamiataponaꞌ. Pipirahuatonaꞌ, quëma pëinënquë yaꞌconapi. Catahuarinquënsopita huaꞌanoꞌsa pëinënaquënta yaꞌconapi. Yaꞌipi piyapinënpita pëinënaquë yaꞌconapi. Niitatënquëma apiponquëmaꞌ. Patoanaroꞌsaquë, huëꞌëramaquë, pan ninamaquë inaquëpita yaꞌconapi, tënin,” itëquëꞌ, itërin.

Éxodo 8:3 ပူးပေါင်းရင်းမြစ်များ

Salmos 105:30

Yaꞌhuëpiso noꞌpaꞌ nani chachin huarira anaꞌatërin. Copirno huëꞌërinso patoanaquë huarëꞌ yaꞌconpi.

Éxodo 10:6

Yaꞌipi Iquipito roꞌtë yanquëëtarin. Quëma pëinënquë, catahuarinënquënsopita huaꞌanoꞌsa pëinënaquë, piyapinënpita pëinënaquënta yaꞌcontarin. Tatamaꞌ, shimashonëma co inapita tëranta inapochin niꞌchinpihuëꞌ,’ tënin,” itoonpi. Itahuatona paꞌpachinara,

Éxodo 12:34

Israiroꞌsasoꞌ, Moisësëri camairinso chachin, iquipitoroꞌsa maꞌsha maꞌparapi: Maꞌsha oro quëran, prata quëran, ina quëranpita nipisoꞌ maꞌpatopi. Aꞌmocaisontaꞌ, maꞌpatopi. Inapita natantohuachinara quëtopi. Yosë nohuanton iquipitoroꞌsa co noꞌhuitopihuëꞌ. Maꞌpitaso natanpachinara, quëtopi. Inapotatona iquipitoroꞌsa nanquianapi. Ina quëran pan co ahuëpocatopinanhuë nicacaiso marëꞌ tapapisonta soꞌquëtopi. Acopisorë chachin, quëpacaiso marëꞌ aꞌmopiquë soꞌquëtopi. Soꞌquëtahuatonaꞌ, aꞌnaya aꞌnaya apitëntopi.

Éxodo 7:11

Copirnoso nipirinhuëꞌ, nitotonoꞌsaꞌ, pënotonoꞌsaꞌ, inapita amatërin. Inapitanta pënotatonaꞌ, inachachin nicacaiso marëꞌ amatërin.

Éxodo 8:2

Coꞌsoꞌ aꞌpahuatanhuëꞌ, yaꞌipi yaꞌhuërama parti huarira huëcapaiarinquëmaꞌ.