Éxodo 8:14 - Chayahuita (Shahui)

¹⁴ Tëꞌyatacaiso marëꞌ yontonpirinahuëꞌ, co yaꞌipi inquiyátërasoihuëꞌ, chanatërin. Napoaton yaꞌipi Iquipito roꞌtëquë paꞌpi anahuanin.

Éxodo 8:14 ပူးပေါင်းရင်းမြစ်များ

1 Reyes 18:26

Napotohuachina inahuasoꞌ, aꞌnara toroaꞌhua huayonpi. Ina tëparahuatona artaro aipi acopi. Inapotahuatona tashiramiachin quëran camotëchin huarëꞌ Paaro nontápi: “¡Paaro aꞌpanicoi!” tosápi. Napoapona pochin, artaro conitatona pashi pashitërapi. Napopirinahuëꞌ co aꞌpanitërinhuëꞌ.

1 Reyes 18:29

Napochináchin panca tëhuërënin huachi. Sinioro marëꞌ maꞌsha ahuiquitacaiso ora naꞌhuëpirinhuëꞌ, co macari aꞌpanirinhuëꞌ.

Éxodo 7:21

Samiroꞌsa, taquipi. Naporahuaton anairin niꞌton, iquipitoroꞌsa amirotatonaꞌ, co nanitopihuë oꞌocaisoꞌ. Yaꞌipi Iquipito parti isharoꞌsa huënaisáchin ninin.

Éxodo 8:13

Nontërinso chachin Yosëri aꞌpanirin. Yaꞌipi huariraroꞌsa pëiroꞌsaquë, aipiran, iminoꞌsaquë, inaquëpita yaꞌhuërinsoꞌ, taquipi huachi.

Éxodo 8:15

Napoaponahuëꞌ, Yosë naporinso chachin nani huarira inquitohuachina copirnosoꞌ, Moisësë, Aaron, inapita co natërinhuëꞌ. Co natantochináchinhuëꞌ cancantaton co israiroꞌsa yaaꞌparinhuëꞌ.

Éxodo 8:24

Shaꞌhuitërinso chachin, Yosë ninin. Paꞌpi notohuaroꞌ tonca anaꞌatahuaton, aꞌparin. Copirno, ina catahuapisopita huaꞌanoꞌsaꞌ, piyapinënpita, inapita pëinënaquë yaꞌconpi. Yaꞌconatonaꞌ, aparisitapi. Yaꞌipi Iquipito parti yanquëatona tapipi huachi.

Joel 2:20

Norti quëran sëquërëꞌ huëꞌpisoꞌ, aꞌpataranquëmaꞌ. Inapoato inotëro parti tëꞌyatarahuë. Quëchitopisopitasoꞌ, chimiriiꞌ marëꞌpaꞌ inquiitarahuë. Piquëran paꞌpisopitantaꞌ, marë pancaiꞌpaꞌ inquiitarahuë. Nonënapitasoꞌ chanatatonaꞌ, anahuanapon. Canpita catahuaꞌhuanquëmaso marëꞌ huëhuëpiro nininsopita nisarahuë,” tënin.