Éxodo 8:12 - Chayahuita (Shahui)

¹² Moisësë, Aaron, inapita copirno pëinën quëran pipipi huachi. Ina quëran huariraroꞌsa aꞌparinso noquitacaiso marëꞌ Moisësë Yosë nontërin.

Éxodo 8:12 ပူးပေါင်းရင်းမြစ်များ

Salmos 105:31

Sinioro nonpachina tonca, ico, inapita naꞌamiatopi. Inapitari iquipitoroꞌsa aparisitopi.

Éxodo 10:18

Ina natanahuatonaꞌ, copirno pëinën quëran pipipi. Pipirahuaton Moisësë copirno marëꞌ Yosë nontërin. Napohuachina Yosë nohuanton panca ihuan paantarin. Piꞌi yaꞌconinso parti quëran huëꞌsahuaton, yaꞌipi sëquërëꞌ quiquirin. Quëhuaiꞌ marëꞌpaꞌ tëꞌyaitërin. Co aꞌnaya tëranta Iquipitoquë acorinhuëꞌ.

Éxodo 32:11

Moisësëso napoaponahuëꞌ, noyasha nontaton Sinioro itapon: —Ama Sinioro napotëquësohuëꞌ, chiníquën nanantaton nani Iquipito quëran israiroꞌsa ocoiran.

Éxodo 8:13

Nontërinso chachin Yosëri aꞌpanirin. Yaꞌipi huariraroꞌsa pëiroꞌsaquë, aipiran, iminoꞌsaquë, inaquëpita yaꞌhuërinsoꞌ, taquipi huachi.

Éxodo 8:30

Moisësëso copirno pëinën quëran pipirahuaton, Yosë nontërin. Toncaroꞌsa aꞌpacaso marëꞌ nontërin. Naporo chachin toncaroꞌsa copirno patërin. Ina catahuapisopita, piyapinënpita, inapitanta patohuachina capa ninin huachi.

Éxodo 8:8

Copirnoso nipirinhuëꞌ, Moisësë, Aaron, inapita amatahuaton itapon: —Sinioro nontoco huariraroꞌsa inquichincoi, co huachi ahuantëraihuëꞌ. Inquitohuachincoi naporo huarëꞌ ina chinotacaso marëꞌ israiroꞌsa aꞌparahuë, itërin.

Éxodo 9:33

Nani copirno nontohuachinara, ninano quëran pipirin huachi. Pipipon chachin, inápaquë anquirahuaton Yosë nontërin. Nani orahuachina naporo chachin, oꞌnan mëꞌtarin. Huira copi tënin. Ocaintaꞌ, co huachi anotërinhuëꞌ.

Ezequiel 36:37

Naporahuaton maꞌmarë tëranta nontohuatamaco, aꞌnaroáchin catahuararanquëmaꞌ. Ca nohuanton notohuaroꞌ naꞌasaramaꞌ. Panca huënton ohuicaroꞌsa pochin nisaramaꞌ. Ca Sinioroco shaꞌhuitaranquëmaꞌ.

1 Samuel 12:23

Caso nipirinhuëꞌ, canpita marëꞌ orarahuësoꞌ, co tananpitapohuëꞌ. Tananpitohuatosoꞌ, Sinioro co natëtohuëꞌ oshahuanarahuë. Naporahuaton carima aꞌchintáponquëma noya nicatoma noꞌtëquën ina imacamaso marëꞌ.