Éxodo 7:7 - Chayahuita (Shahui)

⁷ Moisësë posa shonca piꞌipitapasoꞌ, Aaronta posa shonca cara piꞌipitarin. Naporoꞌ Iquipito copirno nontopi.

Éxodo 7:7 ပူးပေါင်းရင်းမြစ်များ

Génesis 41:46

Cosi cara shonca piꞌipitohuachina, Iquipito copirno marëꞌ caniaritërin sacatacasoꞌ. Nani acohuachina, huaraon nontahuaton caniaritërin yaꞌipi Iquipito noꞌpaꞌ paꞌtacasoꞌ.

Salmos 90:10

Canchisë shonca piꞌíchin nanpiraiso nanirin. Chiníquënoꞌsasoꞌ, posa shonca nanipi. Ina nápo piꞌipi nanpitona nipaꞌyatopi. Napopirinahuëꞌ, naꞌcon naꞌcon sacai nipi. Naporahuatonaꞌ, aꞌnapitarinta amipi. Naporápirinahuëꞌ, aꞌnaroáchin tahuëri naꞌhuëhuachina, chiminapi anta huachi.

Éxodo 2:23

Napoyan quëran Iquipito copirno chiminin huachi. Aꞌna yaꞌhuërëꞌ yaꞌcoantaponahuëꞌ, inanta israiroꞌsa co nosororinhuëꞌ. Inachachin asacatapi. Chiníquën parisitatonaꞌ, naꞌnë naꞌnë́rantapi. Napoatona Yosë nontopi huachi: “Catahuacoi Sinioro. Chiníquën parisitarai. Nichaꞌëcoi,” itopi. Napopisoꞌ Yosëri natanin.

Éxodo 7:8

Yosëri Moisësë, Aaron inapita itaantapon: —Iquipito copirno nontapoma paꞌpatamaꞌ: “Maꞌsha nipachin sacai nininso aꞌnoco niꞌi,” itarinquëmaꞌ. Napotohuachinquëmaꞌ, quëmari Moisësë, Aaron shaꞌhuitëquë huaranën noꞌpaquë tëꞌyachin. Copirno niꞌtonënquë tëꞌyatohuachin yaꞌhuan taraanin huachi, itërin.

Hechos 7:23

Catapini shonca piꞌipitohuachina, aꞌnapita israiroꞌsaꞌ yonquiaton, paꞌnin niꞌtapon.

Hechos 7:30

Catapini shonca piꞌipi Moisësë inaquë yaꞌhuërin. Ina quëran aꞌna tahuëri inotëroꞌ parti paꞌnin. Sinai motopi yaꞌcariya niꞌsoꞌ, sarsa nara orotarinsoꞌ quënanin. Inaquë chachin anquëniri yaꞌnotimarin.

Deuteronomio 31:2

“Nani caso pasa cato shonca piꞌipitërahuë. Co huachi nanitërahuëꞌ áquë paꞌsápaꞌhuasoꞌ. Naporahuaton Sinioro chachin nani shaꞌhuitërinco: ‘Quëmasoꞌ co Cortaniiꞌ pëntontaranhuëꞌ,’ itërinco.

Deuteronomio 34:7

Pasa cato shonca piꞌipitapasoꞌ chiminin. Chini mashorapaso niꞌton, co yaꞌpirionta sanpachátërapirinhuëꞌ naporin.

Josué 24:5

Huaꞌqui quëran shimashonëmapita catahuarahuë. Ina quëran ocoicaꞌhuaso marëꞌ Moisësë, Aaron, inapita aꞌparahuë. Iquipitoroꞌsa chiníquën aparisitato, shimashonëmapita ocoirahuë.