Éxodo 7:20 - Chayahuita (Shahui)

²⁰ Moisësë, Aaron, inapita Yosëri camairinso chachin yaꞌipi nipi. Copirno, ina catahuapisopita huaꞌanoꞌsaꞌ, inapita niꞌtonënquë Aaronsoꞌ, huaranën ihuëto ihuëtotarin quëran, Niroiꞌ ahuëirin. Naporo chachin yaꞌipi iꞌ huënaiꞌ taranin huachi.

Éxodo 7:20 ပူးပေါင်းရင်းမြစ်များ

2 Reyes 4:29

Ina natanaton, piyapinën camairin: —Tapatahuaton pitananëhuë maquëꞌ. Ina quëran iso sanapi pëinënquë paquëꞌ. Inso tëranta nacapihuatan ama nontëquësohuëꞌ. Nontopirinënhuë tërantaꞌ, ama aꞌpaniquësohuëꞌ. Canconpatan, huaꞌhuasha yaꞌpirin aipi pitananëhuë acoquëꞌ, itërin.

Salmos 105:29

Iquipitoquë iroꞌsa yaꞌhuërinsoꞌ, huënaiꞌ atarantërin, samiroꞌsa tiquirin, napotërin.

Éxodo 4:9

Ina quëran taantarin: —Inapita aꞌnotopiranhuë co natëhuachinënhuëꞌ, Niroiquë paꞌsahuaton iꞌsha maquëꞌ. Noꞌpaquë opohuatan, naporo chachin huënaiꞌ taranin, itërin.

Éxodo 7:10

Cato chachin paꞌsahuatonaꞌ, copirno niꞌconpi. Nontohuachinara inari itapon: “Chiníquën nanantëramaso nipachin, aꞌnotoco niꞌi,” itërin. Napotohuachina Yosëri camairinso chachin nipi. Copirno, ina catahuapisopita huaꞌanoꞌsaꞌ, inapita niꞌtonënquë Aaronsoꞌ, huaranën tëꞌyatërin. Anotaso chachin yaꞌhuan taranin huachi.

Éxodo 7:21

Samiroꞌsa, taquipi. Naporahuaton anairin niꞌton, iquipitoroꞌsa amirotatonaꞌ, co nanitopihuë oꞌocaisoꞌ. Yaꞌipi Iquipito parti isharoꞌsa huënaisáchin ninin.

Éxodo 7:6

Moisësë, Aaron, inapitasoꞌ Yosëri shaꞌhuitërinso chachin yaꞌipi nipi huachi.

Habacuc 3:8

¡Iroꞌsa noꞌhuiton Sinioro, chiníquën nanantëranso aꞌnoran! ¡Marëroꞌsanta noꞌhuiton, chiníquën nanantëranso aꞌnoran! ¡Napoaton cahuarioquë yaꞌmitërëso pochin huëꞌnan! ¡Minsëchantërinso huaꞌan toronanënquë canquirinso pochin ninan!

Apocalipsis 8:8

Ina quëran aꞌna anquënintaꞌ tronpita pihuiantarin. Pihuiantahuachina, panca motopi pochin nininsoꞌ niꞌnahuë. Pën pochin orotërimarin. Yosë nohuanton, marëquë anoitërin. Inaquë anotohuachina, patoma pochin marë huënai taranin.