Éxodo 7:19 - Chayahuita (Shahui)

¹⁹ Nani copirno shaꞌhuitohuatan, Aaron camaiquë huaranën quëran iiroꞌsa ihuëchin. Iꞌshanaroꞌsaꞌ, sonoroꞌsaꞌ, iꞌsha tapapisopita, inaquëpitanta ihuëchin. Ihuëtohuachin, yaꞌipi ina iꞌsha huënaiꞌ taranarin huachi. Orinanoꞌsaquënta iꞌsha tapapisoꞌ, huënaiꞌ taranapon. Naꞌpi quëran, nontë quëran ina quëranpita nicatona iꞌsha tapapisoꞌ, napoapon,” itërin.

Éxodo 7:19 ပူးပေါင်းရင်းမြစ်များ

Génesis 1:10

Yaniroꞌpasoꞌ: “noꞌpaꞌ,” itërin. Iꞌ niyontoninsosoꞌ: “marë,” itërin. Yaꞌipi acorinsopita noyasáchin nisarin niꞌnin. Ina nicaton,

2 Reyes 4:29

Ina natanaton, piyapinën camairin: —Tapatahuaton pitananëhuë maquëꞌ. Ina quëran iso sanapi pëinënquë paquëꞌ. Inso tëranta nacapihuatan ama nontëquësohuëꞌ. Nontopirinënhuë tërantaꞌ, ama aꞌpaniquësohuëꞌ. Canconpatan, huaꞌhuasha yaꞌpirin aipi pitananëhuë acoquëꞌ, itërin.

Éxodo 10:12

Aꞌpapirinahuëꞌ, Yosëriso Moisësë itapon: “Huara sëꞌquëran quëran, sëquërëroꞌsa huëcacaiso marëꞌ camaiquëꞌ. Huëꞌpachinaꞌ, yaꞌipi Iquipito roꞌtëquë nararoꞌsaꞌ, sharoꞌsaꞌ, inapita ocai chaꞌëtërinso pëꞌyainaꞌ,” itërin.

Éxodo 10:21

Naquëranchin Yosëri, Moisësë camayantarin: “Tanpaquën inápaquë ihuëquëꞌ. Naporahuaton, yaꞌipi Iquipito roꞌtëquë tashitacaiso marëꞌ camaiquëꞌ. Ca nohuanton carichináchin tashiapon,” itërin.

Éxodo 14:16

Quëmanta huaranën ihuëtaton, marë patomaiquëꞌ. Yaniro paꞌtatonaꞌ, piyapinëhuëpita pëntonacaiso marëꞌ inapotëquëꞌ.

Éxodo 14:21

Moisësë marë parti huaranën ihuërin. Ihuëpachina, Yosë nohuanton naporo tashi piꞌi pipirin parti quëran, panca ihuan huëꞌnin. Yaꞌipi tashi chiníquën ihuantohuachina, marë patomairin huachi. Patomairin niꞌton, panca ira pochin yaniro yaꞌnorin.

Éxodo 14:26

Naporoꞌ Yosëri, Moisësë itapon: “Huaranën marë parti ihuëantaquëꞌ. Naquëranchin marë inachachin niantaꞌin. Iquipitoroꞌsa imaquiarinëmasoꞌ, toronanënaꞌ, cahuarionënaꞌ, inapitarë chachin imochin,” itërin.

Éxodo 4:9

Ina quëran taantarin: —Inapita aꞌnotopiranhuë co natëhuachinënhuëꞌ, Niroiquë paꞌsahuaton iꞌsha maquëꞌ. Noꞌpaquë opohuatan, naporo chachin huënaiꞌ taranin, itërin.

Éxodo 8:16

Naquëranchin Yosëri, Moisësë itapon: “Aaron shaꞌhuitëquëꞌ: Huaranën quëran, noꞌpaquë amocan yaꞌhuërinso ahuëꞌin. Inapohuachin, yaꞌipi Iquipito roꞌtëquë ico naꞌapon huachi,” itërin.

Éxodo 9:33

Nani copirno nontohuachinara, ninano quëran pipirin huachi. Pipipon chachin, inápaquë anquirahuaton Yosë nontërin. Nani orahuachina naporo chachin, oꞌnan mëꞌtarin. Huira copi tënin. Ocaintaꞌ, co huachi anotërinhuëꞌ.

Habacuc 3:8

¡Iroꞌsa noꞌhuiton Sinioro, chiníquën nanantëranso aꞌnoran! ¡Marëroꞌsanta noꞌhuiton, chiníquën nanantëranso aꞌnoran! ¡Napoaton cahuarioquë yaꞌmitërëso pochin huëꞌnan! ¡Minsëchantërinso huaꞌan toronanënquë canquirinso pochin ninan!