Éxodo 6:5 - Chayahuita (Shahui)

⁵ Iporaso nipirinhuëꞌ, iquipitoroꞌsari israiroꞌsa chiníquën aparisitapi. Ahuëatona tësharapi natanahuë. Ina niꞌsahuato, shimashonënpitaroꞌco anoyatërahuësoꞌ yonquirahuë.

Éxodo 6:5 ပူးပေါင်းရင်းမြစ်များ

Génesis 8:1

Naporoꞌ Yosëri Noi, yaꞌipi maꞌsharoꞌsa nanchaquë yaꞌhuëapisopita, inapita yacatahuarin. Ina nohuanton pacon huinquintacaso marëꞌ ihuan paꞌnin.

Génesis 9:15

Naporoꞌ canpitaroꞌco anoyatato shaꞌhuitëranquëmasoꞌ, yonquiarahuë. Ama huachi iꞌ quëran, isoroꞌpaꞌ ataꞌhuaantaꞌhuaso marëhuëꞌ, yonquiarahuë.

Salmos 105:8

Apraan, Isaco, inapitarë nani anoyatërin: “Caso Yosëco niꞌto, catahuaranquëmaꞌ,” itërin. Nani shaꞌhuitaton, co naniantarinhuëꞌ. Huaranca shinpita huënton yaꞌhuëpiriontaꞌ, co naniantarinhuëꞌ.

Éxodo 2:23

Napoyan quëran Iquipito copirno chiminin huachi. Aꞌna yaꞌhuërëꞌ yaꞌcoantaponahuëꞌ, inanta israiroꞌsa co nosororinhuëꞌ. Inachachin asacatapi. Chiníquën parisitatonaꞌ, naꞌnë naꞌnë́rantapi. Napoatona Yosë nontopi huachi: “Catahuacoi Sinioro. Chiníquën parisitarai. Nichaꞌëcoi,” itopi. Napopisoꞌ Yosëri natanin.

Éxodo 2:24

Piyapinënpita parisitopisoꞌ niꞌsahuaton, naꞌnëpisonta natanin. Naporoꞌ iráca shimashonënapitarëꞌ anoyatërinsoꞌ, yonquirin. Apraan, Isaco, Cacopo, inapitarëꞌ anoyatërinso yonquiaton, yacatahuarin huachi.

Éxodo 3:7

Napoaponahuëꞌ, Yosëri aquëtë chachin shaꞌhuitaantarin: —Piyapinëhuëpita israiroꞌsa itopisoꞌ, Iquipitoroꞌsari chiníquën asacatatona aparisitomiatapi. Sacato huaꞌanoꞌsari, ahuëanaquëranchin asacatapi. Napoaton catahuaꞌhuaso marëꞌ chiníquën nontërinaco. Ina natanato, inapita nichaꞌëcaꞌhuaso marëꞌ oꞌmarahuë. Iquipitoroꞌsari huaꞌanëntopirinahuëꞌ, ocoirahuato panca noꞌpaꞌ nininquë quëparahuë. Inaquësoꞌ, co manta pahuaninhuëꞌ. Iporasoꞌ inaquë: Cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, iporoꞌsaꞌ, quiposoroꞌsaꞌ, inapita yaꞌhuërapi. Ina huëntonoꞌsasoꞌ, co chinotërinacohuëꞌ.

Éxodo 5:4

Napotaantapirinahuëꞌ: —Iporasoꞌ notohuaroꞌ israiroꞌsa noꞌpanëhuëquë yaꞌhuëpi. ¡Co canpitari sacatopisoꞌ, acopitamaso yaꞌhuërinhuëꞌ! itaantarin copirnori.

Lucas 1:54

Israiroꞌsaꞌ naꞌcon catahuarin. Piyapinënpita niꞌton, nosororin.

Lucas 1:72

Iráca shimashonënpoapita nosoroaton, naporin. Ipora huantaꞌ nosororinpoaꞌ. Shaꞌhuitërinsoꞌ co Yosëri naniantërinhuëꞌ.