Éxodo 6:30 - Chayahuita (Shahui)

³⁰ Moisësëso napoaponahuëꞌ: —Caso Sinioro icotëmiachinco niꞌto, copirno co natëponcohuëꞌ, itërin.

Éxodo 6:30 ပူးပေါင်းရင်းမြစ်များ

Éxodo 4:1

Yosëri napotopirinhuëꞌ, Moisësëso taantarin: —Israiro huaꞌanoꞌsa yaꞌnotërancoso shaꞌhuitohuato, co natëtaponahuëꞌ: “Co ipora yaꞌnotopirinquënhuëꞌ, napoaran,” taꞌtonaꞌ, co natëponacohuëꞌ, itërin.

Éxodo 4:10

Yaꞌipi inapita Yosëri shaꞌhuitopirinhuëꞌ, Moisësësoꞌ: —¡Maꞌcha Sinioro napotaranquën paya! Co caso noya nonaꞌpicohuëꞌ. Icotëmiachinco. Napoaton co insonta yanatërincohuëꞌ. Huaꞌhuatapo quëran huarëꞌ inaporahuë, taantarin.

Éxodo 6:12

—Icotëmiachinco niꞌton, co israiroꞌsa tëranta natërinacohuëꞌ. Aquëtë huarëꞌ copirnosoꞌ, co natëponcohuëꞌ, itërin Moisësëri.

Isaías 6:5

Ina yonquiato: “¡Maꞌhuantacha caso nicato chiminarahuë paya! ¡Caso co noyahuëꞌ cancantato naponi nonahuë! ¡Aꞌnapitanta ca pochachin cancantopi nipirinhuëꞌ, inapitarëꞌco yaꞌhuërahuë! ¡Napoaporahuëꞌ, Sinioro yaꞌipi nanitapaton yaꞌipi huaꞌanëntërinso quënanahuë!” tënahuë.

Jeremías 1:6

Napotohuachincora: “¡Maꞌhuantacha Sinioro yanitëranco paya! Caso huiꞌnapico niꞌto, co nito nonahuëꞌ,” itërahuë.