Éxodo 5:22 - Chayahuita (Shahui)

²² Napotohuachinara, Moisësë Yosë nontërin: —Sinioro. ¿Onpoatonta piyapinënpita naꞌcon naꞌcon aparisitaran? Co ipora piyapinënpita naꞌcon naꞌcon aparisitacaso marëꞌ aꞌparancohuëꞌ.

Éxodo 5:22 ပူးပေါင်းရင်းမြစ်များ

1 Reyes 19:10

“Quëmaso Sinioro Yosënquën, yaꞌipi nanitaparan. Napoaton paꞌpi aꞌpitëranquën. Israiroꞌsarëꞌquën anoyatëranso aꞌpopi. Artaronënpitantaꞌ, ohuatopi. Quëma marëꞌ pënëntopisopitantaꞌ, sahuëniquë tëpapi. Casáchin nipirinhuëꞌ, tëpainacoso marëꞌ yonisarinaco,” itërin Iniasëri.

1 Reyes 19:4

Ina quëran inasoꞌ, inotëro parti paaton, aꞌna tahuëriraꞌ iratërin. Napoin quëran nitama nara tashinantërinquë huënsëconin. Inaquë co napion cancantárin. Yachiminaton: “¡Co huachi Sinioro ahuantërahuëꞌ! ¡Cantaꞌ, shimashonëhuëpita pochachin naponahuë niꞌton, acopitochanco!” itërin.

Salmos 73:25

¡Quëmasáchin Sinioro nohuantëranquën! Imaranquën niꞌton, isoroꞌpaquë yaꞌhuërinsopita, co paꞌyatërahuëꞌ.

Éxodo 17:4

Napotohuachinara, Moisësëso chiníquën Yosë nontërin. —¿Maꞌta Sinioro isopita onpochi? ¡Co huaꞌquiya quëranhuëꞌ naꞌpiquëtaponaco! itërin.

Jeremías 20:7

Sinioro, quëma piyapinën nicaꞌhuaso marëꞌ noyasha nontatonco përaranco. Napotohuatancora carinquënso natëranquën. Quëmasoꞌ chini chiníquën nanantëran niꞌton, canaranco. Quëma nanamën shaꞌhuirahuëso marëꞌ nani tahuëri tëhuarinaco.

Habacuc 2:3

Shaꞌhuitaranquënsopitasoꞌ, co apiramiachin naniarinhuëꞌ. Napoaponahuë onpopionta nanipon. Huaꞌquiarin pochin nipirinhuëntaꞌ, ninaquëꞌ. Tahuërinën nanihuachin, nanipon.

Números 11:11

Napoaton Yosë nontaton itapon: —Caso quëma piyapinënco niꞌto, ama aquëtë aparisitocosohuëꞌ. ¡Ama huachi aquëtë israiroꞌsa huaꞌanën pochin nicaꞌhuaso marëꞌ quëtocosohuëꞌ! Ina pochin acoatonco, aparisitaranco.