Éxodo 5:13 - Chayahuita (Shahui)

¹³ Iquipito sacato huaꞌanoꞌsari, itaponaꞌ: “¡Manocoꞌ! Iꞌhua shinpitë quëtáponëma natricho acoramaso nápo chachin, iporanta acoamaso yaꞌhuërin,” itopi.

Éxodo 5:13 ပူးပေါင်းရင်းမြစ်များ

Esdras 3:4

Naporahuaton pënëntërinsoꞌ quiricaquë camaitërinso chachin, imënamëaꞌhuaroꞌsa pita naꞌhuëpi. Ina pitaquënta nani tahuëri maꞌsharoꞌsa tëpatonaꞌ, oshanëna marëꞌ yaꞌipi ahuiquitopi. Onposona nani tahuëri ahuiquitacaiso camaitërinso chachin nipi.

Copo naporinso' 39:7

Ninanoquë noncaropisoꞌ, co costarinhuëꞌ. Pëꞌpëto camayori, moranënpita noꞌhuirëꞌnachin quëparin. Ina pochin quëpacaisoꞌ, co costarinhuëꞌ.

Éxodo 1:11

Ninapotatonaꞌ, chiníquën asacatopi. Sacato huaꞌanoꞌsa acorahuatonaꞌ, inapitari chiníquën camaipi. Huaraon copirno cosharo tapacaso marëꞌ ninanoroꞌsa aocoipi. Piton, Namisisi, inapita itopisoꞌ.

Éxodo 5:12

Napoaton israiroꞌsasoꞌ, shinpitë iꞌhua yaquipiso nicosotopi. Ina nicosotacaiso marëꞌ yaꞌipi Iquipito roꞌtë paꞌtopi. Ina huachi, shinpitë yaꞌhuërënamën chipirorëꞌ toꞌcapi.

Éxodo 5:14

Israiroꞌsaso nipirinhuëꞌ, co nanitopihuë nanicaisoꞌ. Napoaton Iquipito sacato huaꞌanoꞌsari, Israiro sacato huaꞌanoꞌsa ahuëpi: “Nani cato tahuëri nisarin co natricho naniramasohuëꞌ,” itopi.

Éxodo 5:6

Napotahuaton, naporo tahuëri chachin Iquipito sacato huaꞌanoꞌsaꞌ, Israiro sacato huaꞌanoꞌsaꞌ, inapita amatërin. Huëꞌpachinara camairin: “Ama huachi israiroꞌsa shinpitë quëtocosohuëꞌ. Inahuara chachin paatona mainaꞌ.