Éxodo 5:1 - Chayahuita (Shahui)

¹ Ina quëran Moisësëso Aaronë chachin, Iquipito copirno nontapona paꞌpi. Quënanconahuatona itaponaꞌ: —Israiroꞌsacoi Sinioro chinotëraisoꞌ, nanan aꞌpatatënquën naporin: “Israiroꞌsasoꞌ, piyapinëhuëpita. Aꞌpaquë inotëro parti paꞌinaꞌ, inaquë chinotatonaco capa cancanchinaꞌ,” tënin, itopi.

Éxodo 5:1 ပူးပေါင်းရင်းမြစ်များ

1 Reyes 21:20

Napotohuachina, paꞌsahuaton Siniorori napotërinsoꞌ Acapo shaꞌhuitonin. Napotohuachina Acapori itapon: —¡Quëmasoꞌ inimiconëhuënquën nipiranhuëꞌ, niquënanëchi paya! itërin. Napotohuachina Inari itapon: —Co Sinioro costarinsohuëráchin ninanso marëꞌ niquënanëꞌ.

Éxodo 10:3

Yosëri napotërinso chachin Moisësë, Aaron, inapita copirno nicapona paꞌpi. Quënanconahuatonaꞌ, itaponaꞌ: “Naporin Yosë: ‘¿Onporo huarëta tëꞌhuatatonco natëponco? Piyapinëhuëpita chinotinacoso marëꞌ aꞌpaquë paꞌinaꞌ.

Éxodo 10:4

Coꞌsoꞌ aꞌpahuatanhuëꞌ, tashiraya chachin yaꞌhuëramaso roꞌtëquë, Yosë, sëquërëꞌ aꞌpatarinquëmaꞌ. Chitoro pochin anoantarinquëmaꞌ.

Éxodo 10:9

—Yaꞌipicoi pacaꞌhuaiso yaꞌhuërin: Huiꞌnapiꞌsaꞌ, mashoyaroꞌsa inapita paꞌsapi. Huiꞌnahuëipita huaꞌhua nipiso quëran huarëꞌ, quëpaarai. Ohuicanëhuëipita, ohuacanëhuëipita, inapitanta quëpaꞌhuaiso yaꞌhuërin. Yosë marëꞌ panca pita nisarai niꞌton, yaꞌipi inapita quëpaꞌhuaiso yaꞌhuërin, itërin.

Éxodo 3:18

Napotohuatan, Israiro huaꞌanoꞌsaso natëarinquën tënahuë. Inapitarëꞌquën chachin Iquipito copirno paaparahuaton, napotëquëꞌ: “Yosë chinotëraisoꞌ, oꞌmarin nicaincoiso marëꞌ. Napoaton aꞌpacoi paꞌi inotëro parti nacapiꞌi. Cara tahuëri aquërinꞌpaꞌ paꞌsahuatoi, ina chinotaꞌhuaiso marëꞌ maꞌsha tëpaarai, itocoꞌ.

Éxodo 33:13

Tëhuënchachin napohuatan, yonquiransopita anitotoco. Ina nitotohuato, noya noya natëaranquën. Israiroꞌsasoꞌ, quëma piyapinënpita. Ama ina naniantëquësohuëꞌ, itërin.

Éxodo 4:23

Napoaton inapita aꞌpacaso marëꞌ camayaranquën. Aꞌparan naporini, paꞌsahuatona chinochitonacohuëꞌ. Co aꞌparanhuë niꞌquëhuarëꞌ, quëma huiꞌnan paninantëranso tëparahuë, tënin Yosë,” itëquëꞌ, itërin.

Éxodo 6:11

—Paantarahuaton, Iquipito copirno shaꞌhuitaantaquë israiroꞌsa aꞌpaꞌin, itërin.

Éxodo 7:16

Inaquë quënanahuaton shaꞌhuitaran: ‘Sinioro chinotëraisoꞌ, aꞌparinco napotaꞌhuanquënsoꞌ: “Piyapinëhuëpita chinotinacoso marëꞌ inotëro parti aꞌpaquë paꞌinaꞌ. Iꞌhua chachionta nani shaꞌhuitëranquën. Co yanatëtëranhuë niꞌton, aꞌna quëran yaꞌhuërëꞌ tëniantaranquën. Caso Sinioroco niꞌton, natëancoso yaꞌhuërin,” tënin. Ina marëꞌ huaranëhuë quëran Niroiꞌ ahuëirarahuë. Inapotohuato, yaꞌipi iꞌ chachin huënaiꞌ taraanin huachi.

Éxodo 7:2

Yaꞌipi camaitërahuësoꞌ, quëmari Aaron shaꞌhuitaran. Yaꞌhuërëꞌ inantaꞌ, inachachin Iquipito copirno shaꞌhuitarin. Noꞌpanën quëran israiroꞌsa aꞌpacaso marëꞌ shaꞌhuitarin.

Éxodo 8:1

Naporoꞌ Yosëri Moisësë itaantapon: —Paaton copirno nontaantaquëꞌ: “Piyapinëhuëpita chinotinacoso marëꞌ inotëro parti aꞌpaquë paꞌinaꞌ.

Éxodo 8:16

Naquëranchin Yosëri, Moisësë itapon: “Aaron shaꞌhuitëquëꞌ: Huaranën quëran, noꞌpaquë amocan yaꞌhuërinso ahuëꞌin. Inapohuachin, yaꞌipi Iquipito roꞌtëquë ico naꞌapon huachi,” itërin.

Éxodo 8:17

Yosëri camairinso chachin, Moisësë, Aaron, inapita nipi. Aaroni noꞌpaquë amocan yaꞌhuërinsoꞌ, ahuërin. Inapohuachina, yaꞌipi Iquipitoquë amocan yaꞌhuërinsoꞌ, ico taranin. Naꞌasahuatonaꞌ, piyapiꞌsaꞌ, maꞌsharoꞌsaꞌ, inapita shiꞌshirapi huachi.

Éxodo 8:20

Naquëranchin Yosëri, Moisësë itapon: —Tashiraya anoachin capayatahuaton, iꞌquë paꞌmaquëꞌ. Inaquë copirno paꞌmahuachin, nacapiquëꞌ. Nacapirahuaton shaꞌhuitaantaquëꞌ: “Naporin Yosë: ‘Piyapinëhuëpita chinotinacoso marëꞌ aꞌpaquë paꞌinaꞌ.

Éxodo 8:27

Napoaton, inotëro parti pacaꞌhuaiso yaꞌhuërin. Cara tahuëri iratëraiꞌpaꞌ maꞌsha tëparahuatoi, Yosë chinotarai. Ina pochin camairincoi niꞌtoi napoarai, itërin.

Éxodo 9:1

Napohuachina Yosëri Moisësë itaantapon: —Paaton copirno nontaantaquëꞌ: “Naporin Yosë: ‘Piyapinëhuëpita chinotinacoso marëꞌ aꞌpaquë paꞌinaꞌ.

Éxodo 9:2

Coꞌsoꞌ aꞌpahuatanhuëꞌ, yaꞌipi yaꞌhuërama parti, pëꞌtahua canio yaꞌconapon: Cahuarioroꞌsaꞌ, moraroꞌsaꞌ, camiyoroꞌsaꞌ, ohuacaroꞌsaꞌ, ohuicaroꞌsaꞌ, inapita caniotaramaꞌ. Inapoatona chiminaponaꞌ.

Ezequiel 2:6

Piyapinquën nipiranhuëꞌ, ama inapita tëꞌhuatëquësohuëꞌ. Maꞌsona itohuachinëontaꞌ, ama tëꞌhuaquësohuëꞌ. Nahuanoꞌsaꞌ, yonpincaroꞌsaꞌ, inapita huáncana yaꞌhuëaranso pochin cancantaran. Inapopiranhuëꞌ, maꞌsona itohuachinën ama tëꞌhuaquësohuëꞌ. Noꞌhuitatona nishinahuën niꞌtohuachinantaꞌ, ama tëꞌhuatëquësohuëꞌ. Co natantochináchinhuëꞌ cancantopirinahuëꞌ, ama tëꞌhuatëquësohuëꞌ.

Mateo 10:18

Imaramacoso marëꞌ huaꞌanoꞌsaꞌ yaꞌhuërinquë shaꞌhuirapiarinënquëmaꞌ. Copirnoroꞌsaquëntaꞌ quëpaarinënquëmaꞌ. Ca nohuanto, inaquë quëpaarinënquëmaꞌ nanamëhuë shaꞌhuitacamaso marëꞌ. Inaquë nisha piyapiroꞌsantaꞌ aꞌchintaramaꞌ.

Mateo 10:28

Ama piyapiꞌsaꞌ tëꞌhuatocosohuëꞌ. Tëpapirinënquëmaontaꞌ, co huaꞌyanëmaꞌ matarinënquëmahuëꞌ. Yosë tëhuënchinsoꞌ tëꞌhuatacasoꞌ yaꞌhuërin, tënahuë. Ina nohuanton, chiminëꞌ. Co noyahuëꞌ nipachinaꞌ, pënquë chachin aꞌpaarin huachi. Inatohuaꞌ huaꞌyanënarë chachin parisitomiatapi huachi. Napoaton Yosë naꞌcon naꞌcon tëꞌhuatacasoꞌ yaꞌhuërin. Co piyapiꞌsaꞌ tëꞌhuatacasoꞌ yaꞌhuërinhuëꞌ.

Hechos 4:29

Iporasoꞌ Sinioro, quiyantaꞌ noꞌhuirinacoisoꞌ, nitotëran. Quëmasáchin yanatërainquën niꞌton, catahuacoi chiníquën cancantatoi, quëma nanamën shaꞌhuii.

1 Corintios 5:8

Pascoa pita naꞌhuasoiꞌ, yaꞌipi ahuëpocatërinsoꞌ tëꞌyatopi. Inapochachin canpoantaꞌ yaꞌipi co noyahuëꞌ yonquirëhuasopita aꞌpoatëhuaꞌ, noyasáchin niahuaꞌ. Ama huachi co noyahuëꞌ niahuasohuëꞌ. Noyápiachin cancantatëhuaꞌ, noꞌtëquënáchin yonquiaꞌahuaꞌ.