Éxodo 40:29 - Chayahuita (Shahui)

²⁹ Ina quëran artaro yaꞌhuërëꞌ acorin. Yosë chinotacaso marëꞌ nëꞌmëtë pëi ótënpiso notënanquë acorin. Inasoꞌ artaro, maꞌsha oshanëna marëꞌ tëpahuachinara, inaquë ahuiquitopisoꞌ. Nani acohuachinara, naporo chachin inaquë maꞌsharoꞌsa Yosë marëꞌ yaꞌipi ahuiquitërin. Naporahuaton arosë pochin nininsopitanta inapotërin. Siniorori camairinso chachin yaꞌipi ninin.

Éxodo 40:29 ပူးပေါင်းရင်းမြစ်များ

Éxodo 40:28

Ina quëran, nëꞌmëtë pëi yaꞌcoananën paꞌshintacaso marëꞌ, nëꞌmëtë ótënin.

Éxodo 40:30

Shaꞌhuitëranquëmaso chachin Yosë chinotacaso marëꞌ nëꞌmëtë pëi ótënpiso notënanquë, artaro acopi. Ina huáncana panca pantica acopi. Nani acohuachinara, inaquë iꞌsha taꞌpanpi.

Mateo 23:19

Somaraya pochin cancantatomaꞌ, co noꞌtëquën yonquiramahuëꞌ. Co maꞌsha acopisoꞌ aquëtëꞌ yonquicasoꞌ yaꞌhuërinhuëꞌ. Artaro mini maꞌsha acopi quëran noya noya ninin. Artaroquë acopi niꞌton, Yosëri noya niꞌnin.

Hebreos 13:10

Quisocristo corosëquë chiminaton, oshanënpoaꞌ inquitërinpoaꞌ. Iráca pënëntërinso imapisopitaso nipirinhuëꞌ, co ina natëpihuëꞌ niꞌton, co oshanënaꞌ inquitërinhuëꞌ. Iráca corto huaꞌanoꞌsaꞌ piyapiꞌsaꞌ oshanëna marëꞌ maꞌsha tëpapi. Tëpahuachinara, corto huaꞌan chini chiníquën nanantërinsoari maꞌsha tëpapisoꞌ huënainën manin. Masahuaton, Yosë yaꞌnorinsoꞌ patoanaquë quëparin oshanëna marëꞌ. Noshinënso nipirinhuëꞌ co caꞌpihuëꞌ. Ninanoꞌ intonquë quëpapi ahuiquitacaiso marëꞌ.