Éxodo 4:31 - Chayahuita (Shahui)

³¹ Ansianoꞌsasoꞌ, yaꞌipi natëpi. Parisitapirinahuë Yosëri yacatahuarinso natanahuatonaꞌ, noꞌpaquë huarëꞌ monshorahuatonaꞌ, Yosë chinotopi huachi.

Éxodo 4:31 ပူးပေါင်းရင်းမြစ်များ

Génesis 17:3

Naporoꞌ Apransoꞌ, isonin. Isonin quëran, noꞌpaquë huarëꞌ monshomarin. Inapoaso Yosëri shaꞌhuitaantarin:

Génesis 24:26

Ina natanaton, Apraan piyapinënso isonin. Isonin quëran Yosë chinotaton itapon: “¡Ma noyacha Sinioroso paya! Inaso Yosë, huaꞌanëhuë Apraan natërinsoꞌ. Tëhuënchachin huaꞌanëhuë nosoroaton, noya catahuaantarin. ¡Quëmopinënpita pëinënquë huarëꞌ noꞌtëquën quëninco!” tënin.

Génesis 29:32

Niasoꞌ, cayorahuaton quëmapiaꞌhuaya huairin. Inasoꞌ, Nopino itërin. “Sinioro sëtërahuësoꞌ nicaton, catahuarinco. Huaꞌhuanahuë niꞌton, iporasoꞌ soꞌyahuë nosoroaponco huachi,” taꞌton, ina pochin huaꞌhuin nohuitërin.

Génesis 50:24

Aꞌna tahuëri Cosisoꞌ, iinpita itapon: “Co huaꞌquiya quëranhuëꞌ, chiminapo huachi. Napoaponahuëꞌ, Yosëso catahuainquëmaso marëꞌ oꞌmararin. Iso noꞌpa quëran ocoiarinquëmaꞌ. Apraan, Isaco, Cacopo, inapita quëtacaso marëꞌ shaꞌhuitërinso noꞌpaquë, quëpantarinquëmaꞌ,” itërin.

Nehemías 8:6

Ina nontacaso marëꞌ Istrasësoꞌ, anquirahuaton Yosë chinotërin: “¡Ma noyanquëncha quëmasoꞌ Sinioro ninan paya! ¡Yaꞌipi nanitapaton chini chiníquën nanantëran!” tënin. Napohuachina, yaꞌipi niyontonpisopitanta anquirahuatonaꞌ: “¡Naporin mini!” topi. Napoatona isonpi quëran noꞌpaquë huarëꞌ monshomapi.

Copo naporinso' 1:20

Naporo Coposoꞌ, co napion cancantahuaton huanirin. Aꞌmorinso osharahuaton, noyá niyaꞌirin. Inaporahuaton, Yosë chinotacaso marëꞌ, isonin. Isonin quëran noꞌpaquë huarëꞌ monshomarahuaton:

Éxodo 14:31

Siniorori chiníquën nanantaton iquipitoroꞌsa anaꞌintërin. Ina niꞌsahuatonaꞌ, israiroꞌsasoꞌ Yosë tëꞌhuatopi: “Tëhuënchachin Yosë catahuarinpoaꞌ. Moisësëntaꞌ, ina natëton catahuarinpoaꞌ,” taꞌtona natëtopi huachi.

Éxodo 19:8

Ansianoꞌsaso paꞌsahuatonaꞌ, yaꞌipi israiroꞌsa Yosë naporinso shaꞌhuitopi. Ina natanahuatonaꞌ: —Noyapaꞌ. Maꞌsona Yosë camaitërinso nisarai, topi. Napohuachinara, Moisësë naquëranchin motopiquë paantarahuaton, napopisoꞌ Sinioro shaꞌhuitontarin.

Éxodo 19:9

Nani shaꞌhuitohuachina, Siniorori itapon: —Natanquë shaꞌhuichinquën: Nontaranquënsoꞌ piyapiꞌsari natanacaiso marëꞌ chitoro yaráchin nininquë yaꞌnotaranquën. Ina natanpachinaꞌ, natëmiataponën huachi, itërin. Itohuachina, naquëranchin Moisësëri israiroꞌsa aꞌpanitopisoꞌ, Sinioro shaꞌhuitaantarin.

Éxodo 3:18

Napotohuatan, Israiro huaꞌanoꞌsaso natëarinquën tënahuë. Inapitarëꞌquën chachin Iquipito copirno paaparahuaton, napotëquëꞌ: “Yosë chinotëraisoꞌ, oꞌmarin nicaincoiso marëꞌ. Napoaton aꞌpacoi paꞌi inotëro parti nacapiꞌi. Cara tahuëri aquërinꞌpaꞌ paꞌsahuatoi, ina chinotaꞌhuaiso marëꞌ maꞌsha tëpaarai, itocoꞌ.

Éxodo 3:7

Napoaponahuëꞌ, Yosëri aquëtë chachin shaꞌhuitaantarin: —Piyapinëhuëpita israiroꞌsa itopisoꞌ, Iquipitoroꞌsari chiníquën asacatatona aparisitomiatapi. Sacato huaꞌanoꞌsari, ahuëanaquëranchin asacatapi. Napoaton catahuaꞌhuaso marëꞌ chiníquën nontërinaco. Ina natanato, inapita nichaꞌëcaꞌhuaso marëꞌ oꞌmarahuë. Iquipitoroꞌsari huaꞌanëntopirinahuëꞌ, ocoirahuato panca noꞌpaꞌ nininquë quëparahuë. Inaquësoꞌ, co manta pahuaninhuëꞌ. Iporasoꞌ inaquë: Cananoꞌsaꞌ, itiroꞌsaꞌ, amororoꞌsaꞌ, huirisëroꞌsaꞌ, iporoꞌsaꞌ, quiposoroꞌsaꞌ, inapita yaꞌhuërapi. Ina huëntonoꞌsasoꞌ, co chinotërinacohuëꞌ.

Éxodo 33:10

Israiroꞌsasoꞌ, chitoro yaꞌcoanaquë chinirinso niꞌpi. Ina niꞌpachinara, aꞌnaya aꞌnaya yaꞌcoananënaquë isonahuatona Yosë chinotopi.

Éxodo 34:8

Ina natanaton, Moisësëso isonin quëran noꞌpaquë huarëꞌ monshorin. Monshorahuaton, Sinioro chinotërin. Napotahuaton itapon: —¡Ai Sinioro! Tëhuënchachin nosorohuatancosoꞌ, caꞌtancoi. Tëhuënchachin piyapinënpita co natantochináchinhuëꞌ cancantopi. Napoaponahuëꞌ, yaꞌipi co noyahuëꞌ nicatoi oshahuanaisoꞌ, inquitatoncoi nanan anoyatocoi. Nanan anoyatatoncoi piyapinënpita pochin niꞌcoi huachi, itërin.

Éxodo 4:5

Israiro huaꞌanoꞌsa niꞌtonënquë inapotëquëꞌ. Huaranën yaꞌhuan taraninso niꞌpachinaꞌ, yaꞌnotëranquënso natëtapi huachi: “Shimashonënpoapita Apraan, Isaco, Cacopo, inapitari Yosë chinotërin. Inari Moisësë yaꞌnotërin,” tosapi.

Lucas 1:68

“¡Ma noyacha Tata Yosësoꞌ huaꞌanëntërinpoa paya! Piyapinënpitanpoaꞌ yonquiatonpoaꞌ, nichaꞌësarinpoaꞌ.

Lucas 8:13

Aꞌnaquëontaꞌ naꞌpiro pochin nipi. Yosë nanamën natanahuatonaꞌ, aꞌnaroáchin paꞌyatatonaꞌ, natëpirinahuëꞌ. Co chiníquën cancantatonahuëꞌ, co natëmiatopihuëꞌ. Maꞌsha onpohuachinara, Yosë aꞌpopi.

Rota naporinso' 1:6

Aꞌna tahuëri Noimisoꞌ, yacapatërinquë nanan natantërin: “Siniorori israiroꞌsa nosoroantarin. Ina nohuanton cosharo noyataantarin,” topi.