Éxodo 4:29 - Chayahuita (Shahui)

²⁹ Ina quëran cato chachin paꞌsahuatonaꞌ, Israiro ansianoꞌsa ayontonpi.

Éxodo 4:29 ပူးပေါင်းရင်းမြစ်များ

Salmos 105:26

Napohuachina piyapinën Moisësë itopisoꞌ aꞌpatërin. Aaronta huayonin niꞌton, inarë paꞌnin.

Éxodo 19:7

Itohuachina, Moisësë nohuaraimarahuaton, Israiro ansianoꞌsa amatërin. Nani huëꞌpachinara, yaꞌipi Siniorori shaꞌhuitërinsoꞌ shaꞌhuitërin.

Éxodo 24:1

Ina quëran Siniorori, Moisësë itapon: —Naquëranchin Aaronëꞌquën nanpëintaquëꞌ. Iporasoꞌ huiꞌninpitanta huëntaꞌinaꞌ. Natapo, Apio, inapita huëntaꞌinaꞌ. Naporahuaton canchisë shonca Israiro ansianoꞌsantaꞌ, quëntaquëꞌ. Iso Sinai motopiquë nisarahuë niꞌton, huëntacoꞌ. Inahuaso napoaponahuëꞌ, ama coꞌchachin yaꞌcariꞌinacosohuëꞌ. Aquëchamiachin isonatonaꞌ, noꞌpaquë huarëꞌ monshopi quëran chinochinaco.

Éxodo 24:11

Yosë chachin nicaponaraihuëꞌ isopita huaꞌanoꞌsa co chiminpihuëꞌ. Yosërëꞌ anoyatopiso yonquiatonaꞌ, caꞌpi, oꞌopi, napopi. Ina quëran naquëranchin nohuaraimantapi.