Éxodo 4:18 - Chayahuita (Shahui)

¹⁸ Ina quëran Moisësë miꞌsën pëinënquë panantarin. Cancontarahuaton itapon: —Iquipitoquë yapaato nontaranquën. Onpoácaitaꞌ quëmopinëhuëpita, taꞌto yapaꞌsarahuë, itërin. —Noyapaꞌ. Yosë catahuainquën noya paquëꞌ, itërin miꞌsëni.

Éxodo 4:18 ပူးပေါင်းရင်းမြစ်များ

Génesis 45:3

Naporo huarëꞌ Cosisoꞌ, inahuara nanamënaquë iinpita nontërin: —¡Ca mini Cosico! ¿Nanpiárin iporahuanta tata? itërin. Napotopirinhuëꞌ, iinpitariso paꞌpi tëꞌhuatatonaꞌ, co nanitopihuëꞌ nonacaisoꞌ.

2 Reyes 5:10

Inaquë nipachina, Irisiori aꞌnara comision camairin shaꞌhuitacasoꞌ: “Naporin pënëntonaꞌpi: ‘Paaton cortaniiꞌpaꞌ canchisëro yaꞌcoitëquëꞌ. Inapohuatan, chana canio maninquënso inquiaran,’ tënin,” itoonin.

2 Reyes 5:19

—Co anaꞌintarinquënhuëꞌ. Noya paquëꞌ, itërin Irisiori. Napotohuachina, Namanoso paꞌsarin huachi. Amasha paasoꞌ,

Éxodo 2:21

Coshatapona pochin, Nihuirori yacapacaso marëꞌ Moisësë shaꞌhuitërin. Natanahuaton nohuantërin. Co huaꞌquiya quëranhuëꞌ huiꞌnin Sihuira itopisoꞌ, acoantërin huachi.

Éxodo 3:1

Moisësësoꞌ, miꞌsën ohuicanënpita aꞌpaitarin. Inasoꞌ shaꞌhuitëranquëmaso chachin Matianquë corto huaꞌan yaꞌconin. Aꞌna tahuëri Moisësësoꞌ, ohuicaroꞌsa quëpaton aꞌcacaso marëꞌ inotëro pëntontërin. Oripi motopiquë huarëꞌ canconin. Ina motopisoꞌ, Yosë motopinën itopi antaꞌ.

Lucas 7:50

Quisososo nipirinhuëꞌ sanapi itantapon: —Natëranco niꞌton, Yosë nichaꞌërinquën. Noya paquë huachi, itërin.

Hechos 15:36

Nani huaꞌquimiachin yaꞌhuëhuachinara, Paonori itërin: —Huëquëꞌ paꞌa iyasha. Iꞌhua naꞌa ninanoquë Sinioro nanamën shaꞌhuirëꞌ. Paatëꞌ Quisoso imapisopita niantaꞌa. ¿Onpoapitaꞌmapaꞌ? itërin.

Hechos 16:36

Ina natanahuaton, Paono itapon: —Coisëroꞌsaꞌ nanan aꞌpatërinaco ocoiaꞌhuainquëmaso marëꞌ. Napoaton noya pipicoꞌ, itërin huaꞌani.

1 Timoteo 6:1

Patron marëꞌ sacatopisopita, pënënquëꞌ patronënaꞌ noya nicatonaꞌ natëinaꞌ. Co natëhuachinahuëꞌ, noꞌhuitatonaꞌ, Yosë pinoponaꞌ nimara. “Yosë nanamënsoꞌ napoonin niꞌton, ina imatonaꞌ co yanatërinacohuëꞌ,” taponaꞌ nimara. Co ina Yosë nohuantërinhuëꞌ.

1 Samuel 1:17

—Noyapaꞌ. Sano cancantaton paquë huachi. Israiroꞌsanpoa chinotërëhuaso Yosë chachin, maꞌsona natananso acochinquën, itërin corto huaꞌani.