Éxodo 4:17 - Chayahuita (Shahui)

¹⁷ Huaranënta quëpaquëꞌ. Shaꞌhuitëranquënsopita nicaton, ina quëran huëhuëpiro nininsopita aꞌnoaran, itërin.

Éxodo 4:17 ပူးပေါင်းရင်းမြစ်များ

2 Reyes 4:29

Ina natanaton, piyapinën camairin: —Tapatahuaton pitananëhuë maquëꞌ. Ina quëran iso sanapi pëinënquë paquëꞌ. Inso tëranta nacapihuatan ama nontëquësohuëꞌ. Nontopirinënhuë tërantaꞌ, ama aꞌpaniquësohuëꞌ. Canconpatan, huaꞌhuasha yaꞌpirin aipi pitananëhuë acoquëꞌ, itërin.

Éxodo 14:16

Quëmanta huaranën ihuëtaton, marë patomaiquëꞌ. Yaniro paꞌtatonaꞌ, piyapinëhuëpita pëntonacaiso marëꞌ inapotëquëꞌ.

Éxodo 17:9

Naporoꞌ Moisësësoꞌ, piyapinën Cosoi itopisoꞌ camairin: —Amaricoroꞌsa ahuëamaso marëꞌ israiroꞌsa huayonahuaton quëpaquëꞌ. Caso nipirinhuëꞌ, motopiquë pantato Yosë huaranën quëpaarahuë, itërin.

Éxodo 4:2

Napotohuachina, Yosëri natanin: —¿Maꞌta sëꞌquëaran? itërin. —Pitananëhuë taꞌa, itërin Moisësëri.

Éxodo 4:20

Napotohuachina, moranënquë saꞌin, huiꞌninpita, inapita aꞌmitëahuaton Iquipitoquë paantarin. Shaꞌhuitërinso chachin Yosë huaranëontaꞌ, quëparin.

1 Corintios 1:27

Yosë nohuanton, naꞌa topinan piyapiꞌsaꞌ imasapi. Aꞌnaquënso nipirinhuëꞌ naꞌcon nitotaponaraihuëꞌ co imapihuëꞌ. Chiníquën nanantopirinahuëꞌ, co Yosëri nichaꞌërinhuëꞌ. Inapita atapanacaso marëꞌ Yosë nohuanton, naꞌa topinan piyapiꞌsaꞌ imasapi.