Éxodo 4:11 - Chayahuita (Shahui)

¹¹ —Coꞌta inaso nani nitotërahuë. Ca nohuanto aꞌnaquën noya nonpi. Ca nohuanton chachin aꞌnaquënsoꞌ, co nonpihuëꞌ. Ca nohuanton aꞌnaquën noya quënantopi. Ca nohuanton chachin aꞌnaquënsoꞌ, somarayapi.

Éxodo 4:11 ပူးပေါင်းရင်းမြစ်များ

Génesis 11:7

Napoaton acopitacaso marëꞌ, paꞌmatëhua nonpiso anishatahuaꞌ. Ama huachi ninatanacaiso marëhuëꞌ, napotahuaꞌ,” tënin.

Génesis 18:14

¡Caso Sinioroco niꞌto, yaꞌipi nohuantërahuësoꞌ nanitaparahuë nicaꞌhuasoꞌ! Aꞌna piꞌi quëran, nicaponquën huëantarahuë. Naporoꞌ Sara huaꞌhuanaton, huaꞌhuin ipoarin huachi, itërin.

Salmos 51:15

Catahuaco Sinioro nichaꞌërancosoꞌ shaꞌhuiꞌi. Noya noyanquën ninansoꞌ yonquiato, cantanën cantai.

Isaías 42:7

Somarayaroꞌsa anoyarayataran. Sopairi minsëaton huaꞌanëntërinsopita, paꞌpi tashinan pëiquë pochin ichiyaꞌhuërin. Inapitanta ocoiatë pochin nitacaso marëꞌ acoranquën,” itërin.

Isaías 6:7

Ina pënayaquë carianantonco: “Niꞌquëꞌ. Nani pënayaquë carianananquën. Napoaton co noyahuëꞌ ninansoꞌ Yosë inquitërinquën. Co noyahuëꞌ ninansopita naꞌintopirinquënhuëꞌ, inquitërinquën,” itërinco.

Jeremías 1:6

Napotohuachincora: “¡Maꞌhuantacha Sinioro yanitëranco paya! Caso huiꞌnapico niꞌto, co nito nonahuëꞌ,” itërahuë.

Jeremías 1:9

Ina quëran imirin ihuësahuaton cariananinco. Inapotahuatonco nontaantarinco:

Amós 3:6

Ninanoquë pomon irinpachina, piyapiꞌsa paꞌyanpi. Ninanoquë maꞌsha onpohuachinara, ca camaitërahuë niꞌton, napoarin.

Lucas 1:20

Co natërancohuëꞌ niꞌquëhuarëꞌ, huaꞌquiꞌ co nonsaranhuëꞌ. Huiꞌnan nasitaquë huarëꞌ co nonacamasoꞌ nanitaranhuëꞌ. Napoaponahuëꞌ, noꞌtëquën nontëranquën. Huiꞌnahuanaran. Tahuërinën nanihuachin, saꞌan huaiarin, itërin anquëniri.

Lucas 1:64

Naporoꞌ nëꞌhuërinsoꞌ inquirahuaton, aꞌnaroáchin noantarin huachi. “¡Ma noyacha Tata Yosësoꞌ niꞌton, catahuarinco paya!” tënin.

Juan 10:21

Aꞌnaquëniso nipirinhuëꞌ noya natanpi. —Co sopairi yaꞌcoancantërinhuëꞌ. Noya aꞌchintërinpoaꞌ. Huaꞌyantonaꞌpisoꞌ co ina pochin noninhuëꞌ. ¿Sopaintaꞌ taꞌmaꞌ somaraya anoyarayatacasoꞌ nanichitonhuëꞌ ti? topi.