Éxodo 4:1 - Chayahuita (Shahui)

¹ Yosëri napotopirinhuëꞌ, Moisësëso taantarin: —Israiro huaꞌanoꞌsa yaꞌnotërancoso shaꞌhuitohuato, co natëtaponahuëꞌ: “Co ipora yaꞌnotopirinquënhuëꞌ, napoaran,” taꞌtonaꞌ, co natëponacohuëꞌ, itërin.

Éxodo 4:1 ပူးပေါင်းရင်းမြစ်များ

Éxodo 2:14

Napotopirinhuëꞌ, ahuëtonaꞌpiriso itapon: —¡Co insonta camaiancoso marëꞌ nanan quëtërinquënhuëꞌ! Co coisë pochin nicamaso yaꞌhuërinhuëꞌ. Iꞌhuara Iquipito quëmapi tëparanso pochin ¿ca yaꞌhuërëꞌ yatëpaantamaranco ti? itërin. Ina natanahuaton, Moisësë paꞌyanin: “Iquipito quëmapi tëparahuësoꞌ nani yaꞌipi nitotopi,” tënin yonquinënquë.

Éxodo 3:18

Napotohuatan, Israiro huaꞌanoꞌsaso natëarinquën tënahuë. Inapitarëꞌquën chachin Iquipito copirno paaparahuaton, napotëquëꞌ: “Yosë chinotëraisoꞌ, oꞌmarin nicaincoiso marëꞌ. Napoaton aꞌpacoi paꞌi inotëro parti nacapiꞌi. Cara tahuëri aquërinꞌpaꞌ paꞌsahuatoi, ina chinotaꞌhuaiso marëꞌ maꞌsha tëpaarai, itocoꞌ.

Éxodo 4:10

Yaꞌipi inapita Yosëri shaꞌhuitopirinhuëꞌ, Moisësësoꞌ: —¡Maꞌcha Sinioro napotaranquën paya! Co caso noya nonaꞌpicohuëꞌ. Icotëmiachinco. Napoaton co insonta yanatërincohuëꞌ. Huaꞌhuatapo quëran huarëꞌ inaporahuë, taantarin.

Éxodo 4:30

Niyontonpachinara, Aaroni huaꞌanoꞌsa shaꞌhuitërin: —Yosë Iquipito quëran ocoinpoaso marëꞌ nani Moisësë acorin, itërin. Naporahuaton Yosëri camairinso chachin, ansianoꞌsari natëcaiso marëꞌ Moisësënta sacai nininsopita ninin.

Éxodo 4:31

Ansianoꞌsasoꞌ, yaꞌipi natëpi. Parisitapirinahuë Yosëri yacatahuarinso natanahuatonaꞌ, noꞌpaquë huarëꞌ monshorahuatonaꞌ, Yosë chinotopi huachi.

Éxodo 6:12

—Icotëmiachinco niꞌton, co israiroꞌsa tëranta natërinacohuëꞌ. Aquëtë huarëꞌ copirnosoꞌ, co natëponcohuëꞌ, itërin Moisësëri.

Éxodo 6:30

Moisësëso napoaponahuëꞌ: —Caso Sinioro icotëmiachinco niꞌto, copirno co natëponcohuëꞌ, itërin.

Jeremías 1:6

Napotohuachincora: “¡Maꞌhuantacha Sinioro yanitëranco paya! Caso huiꞌnapico niꞌto, co nito nonahuëꞌ,” itërahuë.

Ezequiel 3:14

Yosë ispiritonën otërahuatonco, ina quëran ocoirinco. Napotohuachincora, sëtërahuë, noꞌhuitërahuë, naporahuë. Sinioro chiníquën nanantaton quëpahuachincora naporahuë.

Hechos 7:25

“Israiroꞌsasoꞌ iyahuëpita. Yosë catahuaarinco inapita nichaꞌëcaꞌhuasoꞌ,” tënin Moisësë yonquinënquë. Inapitaso nipirinhuëꞌ inari nichaꞌëcasoꞌ co yonquipihuëꞌ.

Jueces 6:17

—Tëhuënchachin nosorohuatancosoꞌ, Yosënquën ninansoꞌ anitotoco. Ofrendanëhuë apira quësarahuë. Ina aꞌnotaꞌhuanquënso marëꞌ ninaco topirahuë, itërin Quitionori. —Inta nipachin, isëranchin ninaranquën, itërin Siniorori.