Éxodo 34:30 - Chayahuita (Shahui)

³⁰ Israiroꞌsari yaꞌpirin huënaratërinso niꞌsahuatonaꞌ, panca paꞌyanpi. Aarontaꞌ, paꞌyanin. Napoaton tëꞌhuatatonaꞌ, co yayaꞌcaripihuëꞌ.

Éxodo 34:30 ပူးပေါင်းရင်းမြစ်များ

Éxodo 34:31

Moisësëso nipirinhuëꞌ, Aaron, Israiro huaꞌanoꞌsaꞌ, inapita përarin. Huënantahuachinara nontërin huachi.

Números 12:8

Napoaton inarëꞌcosoꞌ, aꞌninquëchin nonai. Ina pochin inarëꞌco nonahuë niꞌton, co onporonta canpitaso ina pinocamaso yaꞌhuërinhuëꞌ,” itërin.

Marcos 9:15

Quisoso quënanahuatonaꞌ yaꞌipiya quëran taꞌarëꞌnachin nacapipi. Paꞌyatatona: “Iꞌhuata Maistro,” itoonpi.

Marcos 9:3

Aꞌmorinsoꞌ huënaráchin huënaráchin ninin. Co inso tërantaꞌ nanitërinhuëꞌ pëꞌsainaton, ina pochin huiríchin acocasoꞌ. Huiri huiríchin inasoꞌ.

Lucas 5:8

Ina nápoꞌ sami maꞌton, Simon Pitro paꞌyanin. Quisoso nantën pirayan isonahuaton, itërin: —¡Maꞌpítacha Sinioro nanitaparan paya! Casoꞌ oshahuanco niꞌto, co yaꞌcariancosoꞌ yaꞌhuërinhuëꞌ, itërin.

2 Corintios 3:7

Iráca Yosë pënëntërinsoꞌ shaꞌhuihuachina, naꞌpiquë ninshitërin. Yosësoꞌ noya noya niꞌton, huënaráchin yaꞌnorin. Moisësë yaꞌpiriontaꞌ huënaratarin niꞌton, co israiroꞌsaꞌ nanitopihuëꞌ huaꞌquiꞌ nirayacaisoꞌ. Huënarataponahuëꞌ, oshaquëran sacorayarin. Pënëntërinsontaꞌ noya niponahuëꞌ, co yaꞌhuëmiatërinhuëꞌ. Co yaꞌipi natëhuachinahuëꞌ, chiminpachinaꞌ, anaꞌintacasoꞌ yaꞌhuërin.