Éxodo 34:3 - Chayahuita (Shahui)

³ Napoaponahuëꞌ, quëmaoraíchin huëntaquëꞌ. Naporahuaton ama insonta isëquë huëntainsohuëꞌ. Ohuacaroꞌsaꞌ, ohuicaroꞌsaꞌ, co inapita tëranta coshatai marëꞌ huëntacaiso yaꞌhuërinhuëꞌ, itërin.

Éxodo 34:3 ပူးပေါင်းရင်းမြစ်များ

Éxodo 19:21

Inaquë Yosëri itaantapon: “Paꞌmantaton israiroꞌsa shaꞌhuitomantaquëꞌ: ‘Ama Sinioro yanicatomaꞌ, huiꞌshapiso naꞌhuëtocosohuëꞌ. Ina naꞌhuëtohuatamasoꞌ, naꞌcon naꞌconquëma chiminapomaꞌ,’ itëquëꞌ.

Levítico 16:17

Aaron noya noya patoanaquë israiroꞌsa oshanëna inquitaꞌhuaso marëꞌ camaitërahuëso niin. Inapoasoꞌ, co insonta chinotëramacoso nëꞌmëtë pëiquë yaꞌconacaso yaꞌhuërinhuëꞌ. Ina quëran pipiahuarëꞌ, yaꞌconaponaꞌ. Nani inaoranquën, saꞌin, huiꞌninpita, yaꞌipi israiroꞌsaꞌ, inapita Siniorori oshanën inquitohuachin, Aaron pipiarin. Pipirahuaton artaro yaꞌhuërëꞌ tapaarin. Inasoꞌ artaro chinotëramacoso nëꞌmëtë pëi ótënpiso notënanquë yaꞌhuërin. Toroaꞌhua, chipo, inapita huënainën piꞌpian masahuaton, artaro pomonënpita pashitarin. Naporahuaton yaꞌipi tahuirinquë pashitarin.

1 Timoteo 2:5

Yosëíchin chinotacasoꞌ yaꞌhuërin. Oshahuanëhuaꞌ niꞌton, inimicotopirëhuahuëꞌ, Quisocristo nanan anoyatërinpoaꞌ. Inasáchin Yosë anohuitërinpoaꞌ. Inasoꞌ Yosë niponahuëꞌ, piyapi chachin nasitimarin.