Éxodo 34:15 - Chayahuita (Shahui)

¹⁵ Inatohua yaꞌhuëpisopitarëꞌquëmaꞌ, ama maꞌsha marëꞌ tëranta anoyatocosohuëꞌ. Mamanshinëna moshacaiso marëꞌ maꞌsha tëpapisoꞌ caꞌpatotamaꞌ.

Éxodo 34:15 ပူးပေါင်းရင်းမြစ်များ

Esdras 6:9

Quirosarin corto huaꞌanoꞌsantaꞌ, maꞌsona natanpachinquëmaꞌ, shaꞌhuitërinquëmaso chachin yaꞌipi quëtamaso yaꞌhuërin. Toroaꞌhuaroꞌsaꞌ, carniroroꞌsaꞌ, carniroaꞌhuaroꞌsaꞌ, inapita topachinaꞌ, aꞌnaroáchin quëtocoꞌ. Inapitaso Yosë inápaquë yaꞌhuërinso chinotatonaꞌ, yaꞌipi ahuiquitacaiso marëꞌ nohuantopi. Trico, yamora, huino, tomaꞌ, inapitanta nani tahuëri quëtocoꞌ.

Salmos 73:27

Co imarinënquënsopitasohuëꞌ, quëmari ataꞌhuantapon. Aꞌporinënquënsopitantaꞌ, acopitapon.

Éxodo 32:8

Pënënahuësopita naniantatonaꞌ, aꞌnaroáchin pëshonpi huachi. Oro asoquirahuatona moshacaiso marëꞌ, toroaꞌhuaya nonanpi. Ina chinotacaiso marëꞌ pëꞌtahuanëna tëparahuatonaꞌ, ahuiquitopi. Nani chinotahuatonaꞌ: “¡Iso mini yosënënpoa Iquipito quëran ocoirinpoasoꞌ!” toconpi, itërin.

Éxodo 34:10

Ina quëran Siniorori napotaantarin: “Noya natanquë shaꞌhuichinquën. Yaꞌipi israiroꞌsanta noya natainaꞌ: Naquëranchin canpitarëꞌco anoyatarahuë. Catahuatënquëmaꞌ, maꞌsha paꞌpi huëhuëpiro nininsopita aꞌnoarahuë. Co inso nacionquë tërantaꞌ, isoroꞌpaquë ina pochin niꞌchinpihuëꞌ. Yaꞌipi piyapiꞌsa insëquësona paꞌnamaquë, ca Sinioroco nanitaparahuësoꞌ niꞌsapi. Canpita catahuatënquëmaꞌ, paꞌpi huëhuëpiro nininsopita aꞌnoarahuësoꞌ, niꞌsaramaꞌ.

Éxodo 34:12

Ama inapitarëꞌquëma anoyatocosohuëꞌ. Inapitarëꞌquëma nipayahuatamasoꞌ, anishacancantarinënquëmaꞌ.

Oseas 4:12

Piyapinëhuëpitasoꞌ, nara mamanshiroꞌsa maꞌsha nitotacaiso marëꞌ natanpi. Inapitaso nara quëran nipirinahuëꞌ, ‘mamanshi aꞌpairincoi,’ toconpi. Mamanshi marëꞌ sacatopisopita sanapiꞌsarëꞌ pocatonaꞌ, huaꞌyantërëso pochin nipi. Inapoatona piyapinëhuëpitasoꞌ, chihuërëso pochin nipi. Monshihuanápaiso marëꞌ Yosënënaco nipirahuëꞌ aꞌporinaco.

Hechos 15:20

Nipirinhuëꞌ, piꞌpian pënënacaso marëꞌ ninshitahuaꞌ. Nisha piyapiꞌsaꞌ maꞌsha tëpapi mamanshi moshacaiso marëꞌ. Ina nosha Quisoso imapisopita tananpichinaꞌ. Naporahuatonaꞌ, aꞌnaquën maconorahuatonaꞌ, maꞌsha tëpapi. Co huënainën noya inquitopihuëꞌ. Ina noshantaꞌ ama caꞌinasohuëꞌ. Naporahuatonaꞌ, ama monshihuainasohuëꞌ, Inaíchin pënëanhuanꞌ.

1 Corintios 10:27

Aꞌna tahuëri coshatapataramaꞌ. Co imarinsohuëꞌ amatohuachinquëmaꞌ, nohuantohuatamaꞌ pacoꞌ. Nosha acotohuachinënquëmaꞌ, “Mamanshi marëꞌ acopisoꞌ nimara,” ama tapomarahuëꞌ, caꞌcoꞌ.

1 Corintios 8:10

“Yaꞌipi nosha noya capacasoꞌ,” taꞌtomaꞌ, noya caꞌnamaꞌ. Aꞌna tahuëriso nipirinhuëꞌ mamanshi moshapisoꞌ pëiquë paꞌpatamaꞌ, inaquë coshataramaꞌ. Inaquë coshatasëmaꞌ, tëꞌhuatonaꞌpi nicatënquëmaꞌ: “Mamanshi marëꞌ acopisoꞌ noya capacasoꞌ,” tapon nimara. Ina quëran: “Cantaꞌ nipachin caꞌi,” taꞌton, ina nosha capon. Ina caꞌpachin, “Oshahuanahuë caso huachi,” taꞌton, co noyahuëꞌ cancantarin.

1 Corintios 8:4

Nosha mamanshi chinotacaiso marëꞌ acopisoꞌ aꞌchinchinquëmaꞌ nitotocoꞌ. Co mamanshi nanpirinhuëꞌ. Co ina chinotacasoꞌ yaꞌhuërinhuëꞌ. Tata Yosëíchin chinotacasoꞌ yaꞌhuërin, tënëhuaꞌ.

1 Corintios 8:7

Napoaponahuëꞌ, aꞌnaquënsoꞌ co ina nitochátërapihuëꞌ. Iráca mamanshi chinotopirinahuëꞌ, Quisocristo imapachinara, mamanshi aꞌpopi. Aꞌpopirinahuëꞌ, ipora huantaꞌ co cancanëna quëran natëyátërapihuëꞌ. “Nosha mamanshi marëꞌ tëpapisoꞌ caꞌpatëhuaꞌ, mamanshi chachin chinotarëhuaꞌ,” taponaraihuëꞌ caꞌpachinaꞌ: “Oshahuanëhuaꞌ,” taꞌtonaꞌ, co huachi noyápiachin cancantopihuëꞌ.

Deuteronomio 31:16

Naporoꞌ Siniorori Moisësë itapon: “Co huaꞌquiya quëranhuë quëmasoꞌ chiminapon. Aꞌnapitaso noꞌpaꞌ quëtarahuëquë yaꞌconpachinaꞌ, nisha cancantapi. Inapoatonaꞌ, nisha nisha mamanshiroꞌsa yaꞌhuëhuanoꞌsari moshapisoꞌ, moshatona aꞌpoaponaco. Inapitaroꞌco nani anoyatopirahuëꞌ, napoatona anoyatërahuëso tapiaponaꞌ.

Deuteronomio 31:18

Napopirinahuë tëranta caso aquë aquëtë co tahuërëtarahuëꞌ. Nisha nisha mamanshiroꞌsa moshatonaꞌ, paꞌpi co noyahuëꞌ nipiso marëꞌ, napotarahuë.

Deuteronomio 32:37

Naporoꞌ inaso nontatënquëmaꞌ: ‘ “Mamanshiroꞌsa paꞌpoyarinpoaꞌ,” ¿tënama pora? ¿Intohuata inahuaso paꞌpi huachi? ¡Inapita marëꞌ maꞌsha tëpatoma tomaquën aꞌcatë pochin nitëramaꞌ! ¡Huinonta quëshitoma oꞌshitërëso pochin nitëramaꞌ! Inapita nipachin paꞌpoyainquëmaꞌ. Pashítatona catahuainquëma huachi.

Deuteronomio 7:2

Sinioro nohuanton inapita nacionoꞌsa canahuatamaꞌ, ataꞌhuantamaso yaꞌhuërin. Co nosoroamaso yaꞌhuërinhuëꞌ. Naporahuaton ama inapitarëꞌquëma maꞌsha marëꞌ tëranta anoyatocosohuëꞌ.

Deuteronomio 7:3

Co inahua sanapiꞌsa macamaso yaꞌhuërinhuëꞌ. Co huiꞌnamapitanta ina sanapiꞌsa macacaiso yaꞌhuërinhuëꞌ. Nanoꞌsanta yaꞌhuëtohuachinquëmaꞌ, co inahua huiꞌnapiꞌsa acoantamaso yaꞌhuërinhuëꞌ.

Apocalipsis 2:20

co yaꞌipi cancanëma quëran imaramacohuëꞌ. Aꞌna sanapi corto pëiquë chachin nonpin nanan aꞌchintopirinquëmahuëꞌ, co aꞌparamahuëꞌ. Iráca Quisapira paꞌpi co noyahuëꞌ sanapi niponahuëꞌ, chiníquën nanantaton, piyapinëhuëpita anishacancantërin. Inapochachin iporasoꞌ ina sanapi pënënarinquëmaꞌ co noyahuëꞌ nicacamasoꞌ. ‘Noya monshihuanacasoꞌ. Mamanshi moshacaso marëꞌ nosha acohuachina, noya capacasoꞌ. Caꞌcoꞌ,’ itohuachinquëmara, aꞌnaquëmaꞌ natëtomaꞌ, monshihuanamaꞌ. Nosha mamanshi marëꞌ acopisoꞌ caꞌnamaꞌ. Ina pochin ina sanapi nonpintërinquëmaꞌ.

Jueces 2:17

Inapotopirinahuëꞌ, israiroꞌsaso co inapita natëantapihuëꞌ. Sinioroíchin chinotacaiso marëꞌ, inapitariso pënënpirinahuëꞌ, israiroꞌsaso co inasáchin cancantopihuëꞌ. Nisha nisha mamanshiroꞌsa moshapi. Shimashonënapitasoꞌ, Sinioro camaitërinsopita natëpi. Inapitaso nipirinhuëꞌ, co inapita pochin nipihuëꞌ.