Éxodo 33:9 - Chayahuita (Shahui)

⁹ Moisësë inaquë yaꞌconaton Yosërëꞌ ninontahuachina, chitoro naporopi nininso yaporitimarin. Yaporitimaton yaꞌcoanaquë chiniimarin.

Éxodo 33:9 ပူးပေါင်းရင်းမြစ်များ

Génesis 17:22

Apraan nontërinso tonitahuaton, Yosëso ina quëran paꞌnin huachi.

Génesis 18:33

Apraan nontërinso toquitahuaton, Sinioroso paꞌnin huachi. Apraaontaꞌ, nëꞌmëtë pëinënquëꞌpaꞌ panantarin.

Éxodo 31:18

Sinai motopiquë Siniorori nani yaꞌipi Moisësë shaꞌhuitohuachina, cato naꞌpitëaꞌhua quëtërin. Ina naꞌpitëaꞌhuaroꞌsaquë, inaora chachin pënëntërinso nanan ninshitërin.

Éxodo 33:10

Israiroꞌsasoꞌ, chitoro yaꞌcoanaquë chinirinso niꞌpi. Ina niꞌpachinara, aꞌnaya aꞌnaya yaꞌcoananënaquë isonahuatona Yosë chinotopi.

Éxodo 33:11

Yosëso Moisësë yanontohuachina, inaora chachin nontërin. Nipayarëhuasoꞌ nontërëso pochin ninin. Nani ninontohuachinara, Moisësëso yaꞌhuëpiquë huëantarin. Piyapinën Cosoi itopisoso nipirinhuëꞌ, co onporonta ina quëran pipichininhuëꞌ. Cosoisoꞌ, Non huiꞌnin. Naporoꞌ inasoꞌ, co saꞌayátërarinhuëꞌ.

Éxodo 33:8

Moisësë inatopa paꞌpachina, yaꞌipi israiroꞌsa nëꞌmëtë pëinëna yaꞌcoananënaquë huanipi. Inaquë yaꞌconaquë huarëꞌ notërápi.

Éxodo 34:3

Napoaponahuëꞌ, quëmaoraíchin huëntaquëꞌ. Naporahuaton ama insonta isëquë huëntainsohuëꞌ. Ohuacaroꞌsaꞌ, ohuicaroꞌsaꞌ, co inapita tëranta coshatai marëꞌ huëntacaiso yaꞌhuërinhuëꞌ, itërin.

Éxodo 34:5

Nani pomosontahuachina, Sinioroso chitoroquë yaporitiimarin. Inaquë Moisësërëꞌ niquënanpi. Naporo Siniorosoꞌ, onpopinsona nininso shaꞌhuirarin.

Ezequiel 3:22

Inaquë chachin Sinioro sëꞌhuarahuatonco itaponco: “Huanirahuaton canonquë paquëꞌ. Inaquë yonquirahuëso shaꞌhuichinquën,” itërinco. Napotohuachincora, inatohua paꞌnahuë. Inaquë nipatëra, Quiparoiꞌ yonsanquë quënanahuëso pochachin, Yosë huënaráchin huënaráchin yaꞌnorinsoꞌ niꞌnahuë. Ina nicato isonahuë. Isonahuë quëran noꞌpaquë huarëꞌ monshomarahuë. Yosë ispiritonënso napoaponahuëꞌ, yaꞌcoancantatonco ahuanirinco. Ina quëran Sinioro nontatonco: “Paaton pëinënquë nioncorapiquëꞌ. Niꞌquëꞌ. Ama israiroꞌsarëꞌquën paꞌsápamaso marëhuëꞌ, noninoꞌsaquë tonpoarinën.

Números 11:17

Inaquë oꞌmarahuato nontaranquën. Naporoꞌ inapita ayaꞌcoancatacaso marëꞌ, napoinchin ispirito quëtëranquënsoꞌ mataranquën. Inapitanta quëma pochin cancantatonaꞌ, israiroꞌsa quëpacaisoꞌ catahuapënën.

Deuteronomio 31:14

Ina quëran Siniorori, Moisësë itapon: “Niꞌquëꞌ, nani ora naniarin chiminamaso huachi. Napoaton Cosoi amatahuaton, catonquëma chachin chinotëramacoso nëꞌmëtë pëiquë pacoꞌ. Inaquë camaiarahuë maꞌsona Cosoi nicacasoꞌ,” itërin Yosëri. Napotohuachina cato chachin inaquë paꞌpi.

Deuteronomio 31:15

Inaquë nicasoi yaꞌcoana pëtëcha, naporopi chitoro ninin quëran Siniorori yaꞌnotërin.