Éxodo 33:3 - Chayahuita (Shahui)

^3-6 Napoaponahuëꞌ, caso co israiroꞌsaroꞌco paꞌsarahuëꞌ. Inapitaroꞌco paꞌpatosoꞌ, co natëtochináchinhuëꞌ cancantopi niꞌton, huancopi tiquihuato. Iporasoꞌ oro quëran nitapapisopita ocoiꞌinaꞌ. Ina piquëran yonquiarahuë maꞌsona onpotaꞌhuasoꞌ, tënin Yosë, itëquëꞌ, itërin. Ina natantatonaꞌ, israiroꞌsa panca sëtopi. Chiníquën Yosëri pënënin niꞌton, sëtopi. Naporahuaton nitapapisopita Sinai motopi quëran huarëꞌ ocoirahuatonaꞌ, co huachi pëꞌpëpihuëꞌ.

Éxodo 33:3 ပူးပေါင်းရင်းမြစ်များ

Éxodo 32:14

Ina natanaton, Sinioroso co huachi nohuantërinhuë piyapinënpita maꞌsha onpotacasoꞌ.

Jonás 3:10

Copirno camaitërinso chachin yaꞌipi piyapiꞌsa co noyahuëꞌ nipiso aꞌpopi. Yosësoꞌ, napopiso niꞌnin. Ina nicaton nosororin. Inapoaton ataꞌhuantacaso yonquirinsoꞌ, tananpitërin.

Jonás 3:4

Conasëso inaquë yaꞌconahuaton, aꞌna tahuëriraꞌ iratërin. Papon pochin pënëntërarin: “¡Catapini shonca tahuëriya quëran Yosëri iso ninano ataꞌhuantapon!” tërarin.

Números 13:27

Ina quëran Moisësë itaponaꞌ: —Iꞌhua aꞌparancoisoꞌ, nani noꞌpaꞌ niꞌcontarai. Tëhuënchachin inaquësoꞌ, co manta pahuaninhuëꞌ. Maꞌtana nitërinsopita quëmaraisoꞌ niꞌcoꞌ.

Números 14:12

Chiníquën canio aꞌpatato, tiquiꞌi nipachin. Ama noꞌpaꞌ quihuitërahuëquë yaꞌconacaiso marëhuëꞌ, inapochi. Inapita tiquirahuato, quëma shiparinpita quëran noya noya nacion ocoiarahuë, itërin.

Números 14:8

Sinioro noya niꞌpachinpoasoꞌ, catahuarinpoa inaquë yaꞌconacasoꞌ. Ina chachin ina noꞌpaꞌ quëtarinpoaꞌ. Ina noꞌpaquësoꞌ, maꞌsha noya noyatërin. Co manta pahuaninhuëꞌ.

Hechos 7:51

Canpitaso nipirinhuëꞌ co piꞌpisha tërantaꞌ yanatëtëramahuëꞌ. Co natantochináchinhuëꞌ cancantëramaꞌ. Co onporontaꞌ Ispirito Santo yanatëramahuëꞌ. Iráca shimashonëmapita co noyahuëꞌ cancantopi. Inapita quëpatomaꞌ, inapochachin cancantëramaꞌ.

1 Samuel 2:30

Napoaton Sinioro israiroꞌsanpoa chinotërëhuaso naporin: ‘Nani yonquipirahuë piyapinëhuënquën nisápamasoꞌ. Quëmá quëran pipipisopitantaꞌ, inapoꞌina topirahuë. Iporaso nipirinhuëꞌ shaꞌhuitaranquën: Co onporo napocamaso yaꞌhuërinhuëꞌ. Noya niꞌninacosopita tëhuënchinsoꞌ, carinta noya niꞌsarahuë. Nocaninacopitaso nipirinhuëꞌ, atapamiatarahuëꞌ. Ca Sinioroco napotaranquëmaꞌ.