Éxodo 33:18 - Chayahuita (Shahui)

¹⁸ —Quëmasoꞌ, huënaráchin huënaráchin yaꞌnoran. Napoaton co napion yaniꞌnanquën. Niꞌinquën topirahuë, itërin Moisësëri.

Éxodo 33:18 ပူးပေါင်းရင်းမြစ်များ

Salmos 63:3

Co huachi nosorohuatancohuëꞌ, chiminaꞌhuaso noya noya. Noya noyanquën niꞌton, chinotáponquën.

Éxodo 33:20

Napoaponahuëꞌ, yaꞌpirahuëso co niꞌsaranhuëꞌ. Inso tëranta niꞌpachinco chiminapon, itërin Yosëri.

Juan 1:18

Co inquënpoa tërantaꞌ Yosë quënanëhuahuëꞌ. Huiꞌniniso nipirinhuëꞌ noyá nohuitërin. Yosë pochachin niꞌton, napopianachin yonquipi. Inasáchin Tata Yosë anohuitërinpoaꞌ.

Juan 14:21

Nani pënënanquëmasoꞌ nitotatomaꞌ natëhuatamaco, tëhuënchachin nosoroaramaco, tënahuë. Nosorohuatamaco, Tata Yosëntaꞌ nosoroarinquëmaꞌ. Carinquëmantaꞌ nosoroaranquëmaꞌ. Inápaquë panantaporahuëꞌ, cancanëma quëran nontaranquëmaꞌ. Noya noya nohuitaramaco,” itërin Quisosori.

2 Corintios 3:18

Sinioro imapatëhuaꞌ, co huachi nipaꞌcopirayatërëso pochin cancantarihuahuëꞌ. Isihuicoquë maꞌsha aꞌnotërëso pochin ninëhuaꞌ. Yosë nóya nininsoꞌ piyapiꞌsaꞌ anitotërëhuaꞌ. Apira apira ina yonquihuatëhuaꞌ, oshaquëran Yosë pochachin cancantarihuaꞌ. Ina nohuanton, Ispirito Santo catahuarinpoaꞌ noya noya cancantacaso marëꞌ.

2 Corintios 4:6

Yaꞌnan isoroꞌpaꞌ acoapon yaꞌipi parti tashipirinhuëꞌ: “Niiꞌsohuanchin huachi,” tënin Yosë. Napohuachina, tahuëri yaꞌhuërin. Inapochachin iporasoꞌ cancanënpoaquë aꞌpintërinpoaꞌ ina nohuitacaso marëꞌ. Inasoꞌ noya noya. Quisocristo yaꞌpirin quëran aꞌpintërinpoaso pochin ninin. Ina yonquihuatëhuaꞌ, Yosë chachin anohuitarinpoa huachi.

1 Timoteo 6:16

Inasáchin co taꞌhuantarinhuëꞌ. Nanpirápon inasoꞌ. Noya noya niꞌton, huënaráchin pochin yaꞌnorin. Co yaꞌcarichinachinhuëꞌ. Iráca quëran huarëꞌ co insontaꞌ Yosë quënaninhuëꞌ. Ipora huantaꞌ co quënanarihuarahuëꞌ, yaꞌipi piyapiꞌsari chinochinaꞌ. Yaꞌipiya nanitaparin. Amen.

Tito 2:13

Noya cancantatëhuaꞌ, Quisocristo ninarëhuaꞌ. Aꞌna tahuëri chiníquën nanantaton, oꞌmantararin. Inasoꞌ Yosë chachin niꞌton, huënaráchin huënaráchin yaꞌnoarin. Ina quënanpatëhuaꞌ, nóya cancantarihuaꞌ. Chiníquën nanantaton, noyá nichaꞌësarinpoaꞌ.

Apocalipsis 21:23

Inatohuaꞌ paꞌpatëhuaꞌ, co huachi piꞌi, yoqui, inapita nohuantarihuahuëꞌ. Tata Yosë chachin huënaráchin aꞌpintarinpoaꞌ. Carniroaꞌhuantaꞌ aꞌpintarinpoaꞌ.