Éxodo 33:17 - Chayahuita (Shahui)

¹⁷ —Natëranco niꞌton, nosororanquën. Napoaton caꞌtanaranquëmaꞌ, itërin Yosëri.

Éxodo 33:17 ပူးပေါင်းရင်းမြစ်များ

Génesis 18:32

Apraani naquëranchin nontaantarin: —Iporaíchin Sinioro nontaantaranquën. Ina quëran co huachi apiponquënhuë niꞌton, ama noꞌhuicosohuëꞌ. Shoncaíchin co tëhuëpisopitahuëꞌ quënanpatan: ¿Onpoarantaꞌ? itërin. Napotohuachina, Siniorori itaantarin: —Shoncaya tëranta co tëhuëpisopitahuëꞌ yaꞌhuëhuachinaꞌ, co ninano ataꞌhuantarahuëꞌ.

Génesis 19:21

Napotohuachina aꞌna anquëniri itapon: —Nani natananquën nontërancosoꞌ. Nohuantëranso chachin nisarahuë. Co ina ninanosoꞌ, ataꞌhuantapohuëꞌ.

Génesis 6:8

Napoaponahuëꞌ, Noiso nóya niꞌnin.

Éxodo 33:12

Aꞌna tahuëri Moisësëri, Sinioro itapon: —Niꞌquë Sinioro, israiroꞌsa quëpaꞌhuaso marëꞌ shaꞌhuitopirancohuëꞌ, co caora nanitërahuëꞌ. Naporahuaton co shaꞌhuitërancohuëꞌ, inëꞌcosona pacaꞌhuasoꞌ. Napoaponahuëꞌ, nani shaꞌhuitëranco natërancosoꞌ. Napoaton: “Nosororanquën,” itëranco.

Isaías 45:3

Paꞌton nininsoꞌ poꞌopisopita carinquën aꞌnotaranquën. Co nohuitopiquëhuëꞌ maꞌsha tapapisontaꞌ, aꞌnotaranquën. Sinioroco ninahuësoꞌ nitotamaso marëꞌ napotaranquën. Israiroꞌsa Yosënënaco niꞌton, nininën acotëranquën.

Isaías 65:24

Coꞌhuara përashátëraponacohuëꞌ, aꞌpaniarahuë. Nontërinacosonta co tiquiátërasoihuëꞌ, natanahuato aꞌpaniarahuë.

Juan 16:23

“Naporoꞌ co huachi natanaramacohuëꞌ. Noꞌtëquën shaꞌhuitëranquëmaꞌ. Ca pochin yonquiatomaꞌ, Tata Yosë nontocoꞌ. ‘Quisoso nanan quëtërincoi,’ taꞌtomaꞌ, maꞌsona nipatamaꞌ, acotarinquëmaꞌ.

Deuteronomio 9:19

Paꞌpi noꞌhuitënquëmaꞌ yaataꞌhuantërinquëmaso marëꞌ, canta panca paꞌyanahuë. Napopirahuëꞌ nontohuatora, natanahuatonco co ataꞌhuantërinquëmahuëꞌ.

Santiago 5:16

Napoaton maꞌsona tërantaꞌ co noyahuëꞌ nipatëhuaꞌ, imarëhuasopita capini nishaꞌhuitahuaꞌ. “Ina marëꞌ casoꞌ oshahuanahuë,” nitahuaꞌ. Itohuaran capini Yosë nontahuaꞌ anoyachinpoaꞌ. Yaꞌipi co noyahuëꞌ yonquirëhuasopita naniantohuatëhuaꞌ, chiníquën ina nontohuatëhuaꞌ, naꞌcon catahuarinpoaꞌ.