Éxodo 33:1 - Chayahuita (Shahui)

^1-2 Siniorori naquëranchin Moisësë itaantarin: —Israiroꞌsa Iquipito quëran nani ocoiran. Iporasoꞌ noꞌpaꞌ quëtaꞌhuanquëmasoꞌ nininquë quëpaquë huachi. Inaquësoꞌ, co manta pahuaninhuëꞌ. Nani Apraan, Isaco, Cacopo inapita shaꞌhuitërahuë shinpita ina noꞌpaꞌ quëtaꞌhuasoꞌ. Ina marëꞌ anquëninëhuë aꞌpararahuë noꞌtëquën pacacamaso marëꞌ aꞌnotarinquën. Inaquësoꞌ, cananoꞌsaꞌ, amororoꞌsaꞌ, itiroꞌsaꞌ, huirisiroꞌsaꞌ, iporoꞌsaꞌ, quiposoroꞌsaꞌ, inapita yaꞌhuëapi. Yaꞌhuëapirinahuëꞌ, cari ocoiarahuë.

Éxodo 33:1 ပူးပေါင်းရင်းမြစ်များ

Génesis 12:7

Inaquë Siniorori, Apran yaꞌnotahuaton, itërin: “Yaꞌipi iso noꞌpaꞌ, shiparinpita quëtarahuë huaꞌanëntaponaꞌ,” itërin. Naporo chachin Apran Sinioro chinotacaso marëꞌ aꞌnara artaro ninin. Inaquë yaꞌnotërin niꞌton, chinotërin.

Génesis 15:18

Naporo tahuëri chachin, Sinioro Apranë anoyatërin. Anoyataton itapon: —Shiparinpita iso noꞌpaꞌ quëtarahuë: Iquipito iꞌ quëran huarëꞌ Iopiratisiiꞌ pancaiꞌpaꞌ, huaꞌanëntopiso naniarin.

Génesis 26:1

Naporo tahuëriꞌsa Isaco yaꞌhuërinso parti panca tanarotopi. Apraan nanpiso tahuëriꞌsa napopiso pochin, ninin. Napoaton saꞌin, piyapinënpita, inapitarë chachin Quiraro ninanoquë paꞌpi. Huiristino copirno, Apimirico itopiso yaꞌhuërinquë paꞌpi.

Génesis 26:3

Ipora marësoꞌ, iso noꞌpaquë yaꞌhuëtacoꞌ. Carinquën caꞌtanatënquën catahuararanquën. Yaꞌipi iso noꞌpaꞌ, carinquën quëtaranquën. Shiparinpitantaꞌ, ina chachin quëtarahuë. Tataparin Apraan nani shaꞌhuitërahuë niꞌton, quëtaranquëmaꞌ.

Génesis 28:10

Cacopo Piirsipa quëran pipirahuaton, Aran ira paꞌtërin. Iꞌhuatohuachina, quëparitërin huëꞌëton pacacaso marëꞌ. Aꞌnara naꞌpi masahuaton, motoantacaso marëꞌ acorin. Ina motoantaton huëꞌërin.

Génesis 50:24

Aꞌna tahuëri Cosisoꞌ, iinpita itapon: “Co huaꞌquiya quëranhuëꞌ, chiminapo huachi. Napoaponahuëꞌ, Yosëso catahuainquëmaso marëꞌ oꞌmararin. Iso noꞌpa quëran ocoiarinquëmaꞌ. Apraan, Isaco, Cacopo, inapita quëtacaso marëꞌ shaꞌhuitërinso noꞌpaquë, quëpantarinquëmaꞌ,” itërin.

Éxodo 17:3

Itopirinhuëꞌ, israiroꞌsasoꞌ co natëpihuëꞌ. Napishinhuë yamorotonaꞌ, Moisësë itaantapi: —¡Maꞌmarëta Iquipito quëran ocoirancoi! ¡Quëma ocoirancoi niꞌton, yamoro quiyasoꞌ tëpaponcoi! Huiꞌnahuëipita, pëꞌtahuanëhuëipita yaꞌipicoi yamoro tëpaponcoi, itopi.

Éxodo 32:1

Israiroꞌsaso Moisësë huaꞌquirinso niꞌsahuatonaꞌ, Aaron paahuapi: —Moisësë Iquipito quëran ocoipirincoihuëꞌ. ¿Intohuaso paꞌmara? Co nitotëraihuëꞌ. Napoaton catahuaincoiso marëꞌ, mamanshi nitocoi, itopi.

Éxodo 32:13

Piyapinënpita: Apraan, Isaco, Cacopo, inapita yonquiaton shinpita nosoroquëꞌ. ‘Caso Yosëco niꞌto, catahuaranquëmaꞌ. Shiparimapita tayora nápo naꞌapon. Iso noꞌpa chachin inapitari huaꞌanëntomiataponaꞌ,’ itëran. Ina yonquiquëꞌ,” itërin.

Éxodo 32:7

Ina nicaton Siniorosoꞌ Moisësë itapon: —Nohuaramarahuaton, piyapiꞌsa nimaquëꞌ. Inapitasoꞌ Iquipito quëran ocoipiranhuëꞌ, co natëtonacohuëꞌ nitapicancanpi.

Números 11:12

Iráca shimashonënpita shaꞌhuitëran noꞌpaꞌ quëtacasoꞌ. Inaquë quëpaꞌhuaso marëꞌ acopirancohuëꞌ, co huachi nanitërahuëꞌ. Inapita quëpacasosoꞌ, huaꞌhuaroꞌsa ipotë quëparëso pochin niconin. Co caso paꞌpinacohuëꞌ. Co caso aꞌshinacohuëꞌ. ¡Napoaton co quëpaꞌhuaso yaꞌhuërinhuëꞌ!

Hechos 7:36

Ina quëran Iquipitoquë paantarahuaton, nani maꞌsha Yosë pochin ninin, sacaiꞌ nininsopita. Inapoaton, Iquipito quëran ocoirahuaton, nichaꞌërin. Inapochachin Quëhuai marëquë, inotëro parti inaquëpita Yosë pochin ninin. Catapini shonca piꞌipi inaporin.

Deuteronomio 1:8

Nani yaꞌipi ina noꞌpaꞌ carinquëma quëtëranquëma huaꞌanëntamaso marëꞌ. Napoaton paꞌsahuatomaꞌ, ina noꞌpaꞌ máco huachi. Iráca shimashonëmapita Apraan, Isaco, Cacopo, inapita nani shaꞌhuitërahuë: ‘Caso Sinioroco niꞌto, quëtaranquëmaꞌ, itërahuë,’ itërinpoaꞌ,” tënin Moisësë.