Éxodo 32:8 - Chayahuita (Shahui)

⁸ Pënënahuësopita naniantatonaꞌ, aꞌnaroáchin pëshonpi huachi. Oro asoquirahuatona moshacaiso marëꞌ, toroaꞌhuaya nonanpi. Ina chinotacaiso marëꞌ pëꞌtahuanëna tëparahuatonaꞌ, ahuiquitopi. Nani chinotahuatonaꞌ: “¡Iso mini yosënënpoa Iquipito quëran ocoirinpoasoꞌ!” toconpi, itërin.

Éxodo 32:8 ပူးပေါင်းရင်းမြစ်များ

1 Reyes 12:28

Inapo yonquirinso huaꞌanoꞌsa shaꞌhuitërin. Inapitarë nonsahuaton, cato toroaꞌhua oro quëran anitërin. Tënihuachinara israiroꞌsa itapon: “Canpoaso israiroꞌsanpoaꞌ, nani naꞌaro Quirosarinquë paꞌnëhuaꞌ. Maꞌtana yosënënpoapita. Isopita mini Iquipito quëran ocoirinpoaꞌ,” itërin.

Nehemías 9:18

Oro asoquirahuatona toroaꞌhua nonanpi. Tënihuachinara: ‘Quëma Iquipito quëran ocoirancoi,’ itopi moshatonaꞌ. Inapoatona naꞌaro tëhuëtërinën. Napopitërapirinahuëꞌ, quëmarisoꞌ nosororan. Nosoroaton co inotëroquë aꞌporanhuëꞌ. Tahuëri nipachina, chitorori quëparárin. Tashintaꞌ, ina chitoro quëran pën pochin aꞌpintaton co patërinhuëꞌ. Inapoaton noꞌtëquën paacaiso marëꞌ aꞌnotëraran.

Éxodo 20:23

Ama mamanshi ca pochin chinotamaso marëꞌ nicosohuëꞌ. Oro, prata, co inapita quëran nicacaso yaꞌhuërinhuëꞌ.

Éxodo 32:4

Aaronsoꞌ ina masahuaton, asoquirin. Nani soquihuachina huaꞌnatëquë sacataton, toroaꞌhuaya nonanin. Tënihuachina yaꞌipiya quëran nonca topi: —¡Iso mini yosënënpoa Iquipito quëran ocoirinpoasoꞌ! topi.

Éxodo 34:15

Inatohua yaꞌhuëpisopitarëꞌquëmaꞌ, ama maꞌsha marëꞌ tëranta anoyatocosohuëꞌ. Mamanshinëna moshacaiso marëꞌ maꞌsha tëpapisoꞌ caꞌpatotamaꞌ.

Isaías 46:6

Aꞌnaquën, tanpanantëna quëran naꞌa oro ocoipi. Pratanta ocoiatona pëꞌtënanquë pëꞌtënpi. Ina quëran huaꞌnaquë sacatërinsoꞌ yonípi. Inari mamanshi nitohuachina, monshorahuatona moshapi.

Jeremías 31:32

Naporosoꞌ, co huachi Iquipito quëran ocoiapo anoyatërahuëso pochin nisarinhuëꞌ. Iracaso inapitaroꞌco anoyatato huaꞌanëntopirahuëꞌ, inapitaso anoyatërahuësoꞌ tapipi.

Deuteronomio 32:17

Mamanshiroꞌsa marëꞌ maꞌsharoꞌsa tëparamaꞌ. Inapoatomaꞌ, sopairoꞌsa chachin chinotëramaꞌ. Sinioroíchin chinotacaso nipirinhuëꞌ, inapita chinotëramaꞌ. Shimashonëmapitasoꞌ, co ina moshapirinahuëꞌ. Canpitaso inapita ipora nohuitatomaꞌ, yamoshaconamaꞌ.

Deuteronomio 9:12

Ina quëtahuatonco: ‘Manóton nohuaramarahuaton, piyapiꞌsa nimaquëꞌ. Inapitasoꞌ Iquipito quëran ocoipiranhuëꞌ, paꞌpi co noyahuëꞌ nisapi. Pënënahuësopita naniantatonaꞌ, aꞌnaroáchin pëshonpi huachi. Huaꞌna asoquirahuatona moshacaiso marëꞌ mamanshi nipi,’ itërinco.

Deuteronomio 9:16

Yaꞌhuëarëhuaquë canquimahuatora, co Sinioro natëtomarahuëꞌ oshahuanamasoꞌ niꞌquimarahuë. Pënëninquëmaso aꞌporahuatomaꞌ, mamanshi, toroaꞌhua pochin nonanatomaꞌ, moshararamaꞌ.

Jueces 2:17

Inapotopirinahuëꞌ, israiroꞌsaso co inapita natëantapihuëꞌ. Sinioroíchin chinotacaiso marëꞌ, inapitariso pënënpirinahuëꞌ, israiroꞌsaso co inasáchin cancantopihuëꞌ. Nisha nisha mamanshiroꞌsa moshapi. Shimashonënapitasoꞌ, Sinioro camaitërinsopita natëpi. Inapitaso nipirinhuëꞌ, co inapita pochin nipihuëꞌ.

Jueces 8:24

Pëꞌtëhuëratëroꞌsa inimico osërëtëramasoꞌ tëhuënchinsoꞌ quëshico, itërin. (Inimico sontaroꞌsasoꞌ inotëro parti yaꞌhuëpi. Ina niꞌtonaꞌ, inanpi pëꞌtëhuëratëroꞌsa oro quëran pëꞌtënpi.)