Éxodo 32:6 - Chayahuita (Shahui)

⁶ Tahuëririnquë tashíramiachin capayatahuatonaꞌ, pëꞌtahuaroꞌsa tëpapi. Oshanëna marëꞌ itopisosoꞌ, yaꞌipi ahuiquitopi. Nanan anoyatopiso marëꞌ itopisonta tomaquën ahuiquitopi. Inaporahuatona coshatopi. Coshatatonaꞌ, oꞌosapi huachi. Naporapi quëran caniaritopi aꞌnaratipita co noyahuëꞌ nicatonaꞌ, capa cancantacaisoꞌ.

Éxodo 32:6 ပူးပေါင်းရင်းမြစ်များ

Éxodo 32:5

Ina niꞌsahuaton Aaronsoꞌ, toroaꞌhuaya nonaninsoꞌ notënanquë artaro nitërin. Nani tënihuachina chiníquën nonsahuaton shaꞌhuirin: —¡Tashiraya Sinioro marëꞌ pita niahuaꞌ! itërin.

Amós 2:8

Inapitasoꞌ mamanshi marëꞌ maꞌsha tëpapisoꞌ caꞌpatopi. Aꞌnanpiso pahuërëtacaisoꞌ nitotai marëꞌ aꞌmopiso maꞌpatopi. Ina huëtohuachinara, ina aipi caꞌpatopi. Topinan quëran apahuërëtahuatonaꞌ, coriqui maꞌpatopi. Ina coriquiquë huino paꞌanatonaꞌ, mamanshinëna moshapisoꞌ pëiroꞌsaquë oꞌopi,” tënin.

Amós 8:10

Pita tahuëriꞌsa naꞌhuëyantëramasoꞌ, acopitarahuë. Pita yaꞌhuërënamën, chiminpisopita marëꞌ naꞌnëtoma oshaarápomaꞌ. Sëtohuachinara aꞌmopisoꞌ, canpitanta aꞌmosaramaꞌ. Co napion ancatohuachinara noyá niyaꞌitopiso pochin niyaꞌitaramaꞌ. Aꞌnaíchin huiꞌnin yaꞌhuëtopirinhuëꞌ, chiminpachina naꞌnëpiso pochin nisaramaꞌ.

1 Corintios 10:7

Inapitasoꞌ mamanshi moshapi. “Moshatacaiso marëꞌ pita nipi. Huënsërahuatonaꞌ, coshatopi, oꞌopi. Ina quëran nansarahuatonaꞌ, capa cancantopi,” tënin Yosë quiricanënquë. Canpitaso nipirinhuëꞌ ama inapita pochin nicosohuëꞌ.

Apocalipsis 11:10

Tëpapi niꞌton, capa cancantatonaꞌ, pita nisapi. Maꞌshanënantaꞌ topinan aꞌnaya aꞌnaya niquëtapi. “Huaꞌquiꞌ pënënatonpoaꞌ, apininpoaꞌ nipirinhuëꞌ, iporasoꞌ nani chiminpi,” taꞌtonaꞌ, capa cancantapi.