Éxodo 32:27 - Chayahuita (Shahui)

²⁷ —Naporin Sinioro, chinotërëhuasoꞌ: “Aꞌnaya aꞌnayanquëma sahuëninëma macoꞌ. Paantarahuatomaꞌ, israiroꞌsa co noyahuëꞌ nisapisoꞌ, ahuëconcoꞌ. Yaꞌhuëpiquë yaꞌcontahuatomaꞌ, tëparaꞌpiacoꞌ. Iyama nisapirinhuëꞌ tëpacoꞌ. Amiconëmaꞌ, niyacaparamasoꞌ, inapitanta tëpacoꞌ,” tënin, itërin Moisësëri.

Éxodo 32:27 ပူးပေါင်းရင်းမြစ်များ

Éxodo 32:26

Napoaton, yaꞌhuëpiquë yaꞌconpitaquëchin huanirahuaton, chiníquën përatërin: —¡Sinioro natëhuatamaꞌ, huëntaco isëquë! tënin. Napohuachina, yaꞌipi nihuiroꞌsari paapapi.

Éxodo 32:28

Napotohuachina, anaꞌintacaiso marëꞌ nihuiroꞌsa paꞌpi. Cara huaranca quëmapiꞌsa pochin tëpapi.

Éxodo 32:29

Naporoꞌ Moisësëri itapon: —Ipora quëran huarëꞌ Yosë catahuamiatërinquëma huachi. Iyama nisapirinhuëꞌ, anaꞌintëramaꞌ. Huiꞌnamanta napotëramaꞌ. Co noyahuëꞌ nipiso marëꞌ anaꞌintërama niꞌton, Yosë nanan quëtërinquëma ina marëꞌ sacatacasoꞌ, itërin.

Lucas 14:26

“Yaimapatamaco, ca naꞌcon naꞌcon nosoroco. Tatamaꞌ, mamamaꞌ, inapita co onpopinchin nosorocasoꞌ yaꞌhuërinhuëꞌ. Saꞌamaꞌ, huiꞌnamaꞌ, iyaparimaꞌ, oshiparimaꞌ, inapitantaꞌ co onpopinchin nosorocasoꞌ yaꞌhuërinhuëꞌ. Canpitaora nohuantëramasontaꞌ naniantatomaꞌ, casáchin imaco huachi. Co naꞌcon naꞌcon nosorohuatamacohuëꞌ, co tëhuënchachin imaramacohuëꞌ.

2 Corintios 5:16

Iráca quiyaora yonquinëhuëi quëran yonquiatoi, aipi yaꞌnorinsoráchin yonquirai. Quisocristontaꞌ iráca co noꞌtëquën yonquirapiraihuëꞌ. “Co inasoꞌ Yosë huiꞌninhuëꞌ,” topiraihuëꞌ, iporasoꞌ noꞌtëquën yonquirai.

Deuteronomio 13:10

Tëpama huarëꞌ naꞌpiquëtamaso yaꞌhuërin. Sinioro imaran quëran yanishacancantërinquën niꞌton, inapotaran. Siniorosoꞌ Yosë niꞌton, Iquipito quëran nichaꞌërinquën. Inaquë quëmasoꞌ chiníquën asacatatënën aparisitapirinënquënhuëꞌ, ina ocoirinquën.

Deuteronomio 13:6

Iporasoꞌ aꞌnaya aꞌnayanquëma shaꞌhuitaranquëmaꞌ. Tapona aꞌna tahuëri yanishacancantarinënquën. Iyaparinhuë nipon, huiꞌnanhuë nipon, saꞌan nosororansohuë nipon, nipayaransohuë nipon, yainapotarinquën. Ina marëꞌ poꞌoana quëran: ‘Huëquë paꞌa iso mamanshi chinotaꞌa. Inasoꞌ co nohuitërëhuëꞌ. Co tatanpoa tëranta nohuitërinhuëꞌ,’ itarinënquën.