Éxodo 32:26 - Chayahuita (Shahui)

²⁶ Napoaton, yaꞌhuëpiquë yaꞌconpitaquëchin huanirahuaton, chiníquën përatërin: —¡Sinioro natëhuatamaꞌ, huëntaco isëquë! tënin. Napohuachina, yaꞌipi nihuiroꞌsari paapapi.

Éxodo 32:26 ပူးပေါင်းရင်းမြစ်များ

Éxodo 32:25

Moisësëri niꞌpirinhuëꞌ, israiroꞌsaso noꞌpitonaꞌ, aꞌnaratipita paꞌpi co noyahuëꞌ nisapi. Aaroni atëhuërin niꞌton, inimiconënpitari tëhuayatochináchin nisapi.

Éxodo 32:27

—Naporin Sinioro, chinotërëhuasoꞌ: “Aꞌnaya aꞌnayanquëma sahuëninëma macoꞌ. Paantarahuatomaꞌ, israiroꞌsa co noyahuëꞌ nisapisoꞌ, ahuëconcoꞌ. Yaꞌhuëpiquë yaꞌcontahuatomaꞌ, tëparaꞌpiacoꞌ. Iyama nisapirinhuëꞌ tëpacoꞌ. Amiconëmaꞌ, niyacaparamasoꞌ, inapitanta tëpacoꞌ,” tënin, itërin Moisësëri.

Mateo 12:30

Co imapatamacohuëꞌ, inimicotaramaco. Co catahuahuatamacohuëꞌ, sopai natëarama huachi. Piyapiꞌsaꞌ anishacancantaramaꞌ ama Yosë imacaiso marëhuëꞌ.

Deuteronomio 33:9

Inahuasoꞌ, camaitëranso natëpi. Israiroꞌsarëꞌquën anoyatëranso imamiatapi. Quëmopinëna quëran, ina naꞌcon naꞌcon cancantopi. Ina marëꞌ paꞌpinaꞌ, aꞌshinaꞌ, inapita niponaraihuëꞌ: ‘Coꞌchi onporonta niꞌnaihuë paya,’ itopi. Iinaꞌ, oshinaꞌ, inapitantaꞌ, ‘Coꞌchi nohuitëraihuëꞌ paya,’ itopi. Huiꞌnina tëranta nisapirinhuëꞌ: ‘Ahuën, inpitaso nimara,’ itopi.

Josué 5:13

Aꞌna tahuëri Cosoisoꞌ, Quirico ninano yaꞌcari nisarin. Inaquë niꞌsoꞌ aꞌnanaya aꞌnara quëmapi niꞌnin. Sahuëninën sëꞌquërin quëran ina notënan quëran huaniárin. Yaꞌcarirahuaton Cosoiri natanin: ¿Inta quëma catahuaran? israiroꞌsacoi catahuarancoi: ¿Inimiconëhuëipita nica? itërin.