Éxodo 32:12 - Chayahuita (Shahui)

¹² Inapita ataꞌhuantohuatan, iquipitoroꞌsa pinosarinquën: “Yosëso israiroꞌsa co quëꞌyarinhuëꞌ. Napoaton motopiroꞌsa parti ataꞌhuantacaso marëꞌ, isëran ocoirin, tosapi. Ina niꞌton, ahuantëquëꞌ. Ama inapita maꞌsha onpotëquësohuëꞌ.

Éxodo 32:12 ပူးပေါင်းရင်းမြစ်များ

Génesis 6:6

Ina nicaton, sëtërin: “Maꞌmarëcha piyapi acorahuë paya. Ataꞌhuanchi nipachin. Yaꞌipi pëꞌtahuaroꞌsaꞌ, anpiantëhuanoꞌsaꞌ, noꞌpaquë niohuaratërinsopita, inapitarë chachin ataꞌhuantarahuë huachi,” tënin.

1 Reyes 8:51

Israiroꞌsasoꞌ, quëma piyapinënpita. Quëmari huaꞌanëntëran. Shimashonënpita Iquipitoquë aparisitápirinahuëꞌ, ocoiran. Huaꞌna asoquipiso ornoquë pochin parisitapirinahuëꞌ, napotëran.

Salmos 90:13

Sinioro tahuërëtaantacoi. ¡Ama huachi noꞌhuicoisohuëꞌ! Nosoroatoncoi catahuaantacoi.

Éxodo 32:14

Ina natanaton, Sinioroso co huachi nohuantërinhuë piyapinënpita maꞌsha onpotacasoꞌ.

Éxodo 33:13

Tëhuënchachin napohuatan, yonquiransopita anitotoco. Ina nitotohuato, noya noya natëaranquën. Israiroꞌsasoꞌ, quëma piyapinënpita. Ama ina naniantëquësohuëꞌ, itërin.

Isaías 64:7

Co incoi tëranta chinotërainquënhuëꞌ. Quëmasáchin cancantaꞌhuaisoꞌ, co nohuantëraihuëꞌ. Napoaton naꞌpitatë pochin nitërancoi. Co noyahuëꞌ ninai niꞌton, aꞌporancoi.

Isaías 64:8

Napopiraihuëꞌ, quëmaso Sinioro tatahuëi pochin ninan. Quiyaso tëshiroꞌpa pochin ninai. Quëmaso tëshitonaꞌpi pochin ninan. ¡Quëmasáchin yaꞌipicoi ninancoi!

Joel 2:17

Sinioro marëꞌ sacatopisoꞌ corto huaꞌanoꞌsantaꞌ, naꞌnëinaꞌ. Yosë pëinën ishpanamën notënanquë artaro yaꞌhuërinsoꞌ, co aquëyahuëꞌ. Ina huáncana huanirahuatonaꞌ, piyapiꞌsa marëꞌ Sinioro nonchinaꞌ: “Piyapinënpita Sinioro tëhuëtatënën oshahuanpisoꞌ, inquitëquëꞌ. Piyapinënpitacoi nipiraihuëꞌ co catahuahuatancoihuëꞌ, aꞌnapitaso tëhuaponacoi. Ama aꞌnapita nacionoꞌsa canarahuatonacoi, huaꞌanënchinacoisohuëꞌ. Inapitaso co chinotopirinënhuëꞌ, canarahuatonacoi: ‘¿Inata nipachin israiroꞌsa Yosënënari catahuarinhuëꞌ?’ tosapi,” ichinaꞌ.

Amós 7:3

Napotohuatora, Siniorosoꞌ israiroꞌsa anaꞌintacaso yonquiaponahuëꞌ, tananpitërin. —Co inapotapohuëꞌ, tënin.

Amós 7:6

Napotohuatora, Siniorosoꞌ israiroꞌsa anaꞌintacaso yonquiaponahuëꞌ, tananpitaantarin. —Co inapotapohuëꞌ, tënin.

Jonás 3:9

Tapona Sinioro nosoroatonpoaꞌ, noꞌhuirinpoaso asanoápirinhuëꞌ. Inapohuachin, co tëpaonpoahuëꞌ,” tënin.

Números 14:19

Ina pochin quëmasoꞌ piyapinënpita nosororan nichinapon chachin, nosoroquëꞌ. Iquipito quëran huarëꞌ naꞌcon tëhuëtërinën. Tëhuëtopirinënhuëꞌ, isëquë huarëꞌ nani quëꞌcanquiran niꞌton, co noyahuëꞌ nipiso inquitaton, noya niꞌquëꞌ, itërin.

Deuteronomio 32:36

Naquëranchin Moisësë cantaton tapon: “Canpitaso Sinioro chachin paꞌpoyarinquëmaꞌ. Co huachi nanitëramahuëꞌ niꞌpachina, nosoroarinquëmaꞌ: ‘Piyapinëhuëpita inimiconënpitari yaminsërin. Chiníquënoꞌsa capa niraꞌpiapi. Sanpacharoꞌsanta capa nisapi,’ topachina, catahuaarinquëmaꞌ.

Deuteronomio 9:28

Israiroꞌsa ataꞌhuantohuatan, iquipitoroꞌsa pinotënën: “Siniorori noꞌpaꞌ quëtacasoꞌ shaꞌhuitopirinhuëꞌ, co nanitërinhuëꞌ inaquë poꞌmocasoꞌ. Naporahuaton co quëꞌyamantatonhuëꞌ, isëran ocoiaponahuë inotëro parti ataꞌhuantërin,” itaponën.

1 Samuel 12:22

Sinioronënpoasoꞌ Yosë chachin. Inaora nohuanton israiroꞌsanpoa huayoninpoaꞌ. Inasoꞌ, nani shaꞌhuitërinpoa aꞌpainpoasoꞌ. Co inasoꞌ aꞌpoarinpoahuëꞌ. Yaꞌipi shaꞌhuitërinpoasoꞌ acotarinpoaꞌ. Yaꞌipi isoroꞌpaquë yaꞌhuëpisopita noya nicatonaꞌ: “Ma noyacha inaso paya,” taꞌcaiso marëꞌ napotarinpoaꞌ.