Éxodo 32:1 - Chayahuita (Shahui)

¹ Israiroꞌsaso Moisësë huaꞌquirinso niꞌsahuatonaꞌ, Aaron paahuapi: —Moisësë Iquipito quëran ocoipirincoihuëꞌ. ¿Intohuaso paꞌmara? Co nitotëraihuëꞌ. Napoaton catahuaincoiso marëꞌ, mamanshi nitocoi, itopi.

Éxodo 32:1 ပူးပေါင်းရင်းမြစ်များ

Génesis 19:14

Napotohuachinara, Notoso miꞌsënpita nicacaiso nipisopita shaꞌhuitacaso marëꞌ paꞌnin: —¡Manóton huëco paꞌahuaꞌ! Iso ninano quëran pipiaꞌahuaꞌ. ¡Siniorori iso ninano ataꞌhuantarin niꞌton, huëco paꞌahuaꞌ! itërin. Itopirinhuëꞌ, co natëpihuëꞌ.

Génesis 21:26

Ina natanahuaton, Apimiricori itapon: —Co shaꞌhuitërancohuëꞌ niꞌton, ipora huarëꞌ namaso natanahuë. Inpitaso inapotomarinquën. Co caso nitotërahuëꞌ, itërin.

Génesis 39:8

Napotopirinhuëꞌ, Cosiso co piꞌpisha tëranta nohuantërinhuëꞌ. Napoaton itapon: —Niꞌquë siyora, piꞌpian shaꞌhuichinquën topirahuë: Huaꞌanëhuë yaꞌipi yaꞌhuëtërinsopita aꞌpaiaꞌhuaso marëꞌ acorinco. Cari yaꞌipi aꞌpaiarahuë niꞌton, co maꞌmarë tëranta yonquiárinhuëꞌ. Natërinco niꞌton, sano cancantërin.

Génesis 44:15

Moshasoiꞌ, Cosiso iinpita itapon: —¡Coꞌchi canpitaso yonquinahuanoꞌsa pochinhuë ninama paya! ¡Caso chiníquën nanantërahuë niꞌton, nito ninorahuë! itërin.

Génesis 44:4

Ninano quëran pipitona iinpitaso co aquëyátërasoihuëꞌ, Cosiso piyapinën itapon: —Apira quëmapiꞌsa paꞌpisoꞌ, imaquëꞌ. Cantonahuaton napotëquëꞌ: “¿Onpoatonta canpitaso nosoropirinënquëmahuëꞌ, co noyahuëꞌ ninamaꞌ? Prata quëran minë nininsoꞌ, huaꞌanëhuë oꞌoton ninorinso chachin ihuatëramaꞌ. ¡Paꞌpi co noyahuëchi ninama paya!” itëquëꞌ, itërin.

Éxodo 13:21

Yosëri israiroꞌsa co piꞌpian tëranta patërinhuëꞌ. Tahuëri nipachina, chitoro naporopi nininso quëchitërarin. Tashi nipachinantaꞌ, ina chitoro chachin pën pochin huënarataton pacacaiso aꞌnotërarin. Napoaton onpohuachina, tashirë chachin noya paꞌpi.

Éxodo 14:11

Moisësënta itaponaꞌ: “¡Maꞌmarëta Iquipito quëran ocoirancoi! Iso inotëroquë quiyasoꞌ tëpaponacoi. Iquipitoquësoꞌ poꞌoroꞌ yaꞌhuëpirinhuëꞌ. Ina quëran ocoyatoncoi panca tëhuëran.

Éxodo 16:3

“Canpitaso co quëꞌyatoncoirahuëꞌ, inotëro parti tana tiquiincoiso marëꞌ quënancoi. ¡Iquipitoquë chachin Yosë tëparincoi naporini, noya noya niitonhuëꞌ! Inaquëso noya coshatatoi, natërai. Naꞌa nosha yaꞌhuërin,” itopi.

Éxodo 20:23

Ama mamanshi ca pochin chinotamaso marëꞌ nicosohuëꞌ. Oro, prata, co inapita quëran nicacaso yaꞌhuërinhuëꞌ.

Éxodo 24:12

Siniorori Moisësë itaantapon: —Iso Sinai motopiquë nisarahuë niꞌton, huënantaton ninaco. Inaquë cato naꞌpitëaꞌhua quëchinquën. Inaquë pënëntërahuësoꞌ, camaitërahuësoꞌ, inapita nani ninshitërahuë. Ina quëran israiroꞌsa aꞌchintaramaꞌ, itërin.

Éxodo 24:18

Moisësëso chitoro iꞌcopirinquë yaꞌconahuaton, motopi huiꞌnimotënꞌpaꞌ pantarin. Catapini shonca tahuëri tashirë chachin inatohua yaꞌhuërarin.

Éxodo 32:11

Moisësëso napoaponahuëꞌ, noyasha nontaton Sinioro itapon: —Ama Sinioro napotëquësohuëꞌ, chiníquën nanantaton nani Iquipito quëran israiroꞌsa ocoiran.

Éxodo 32:22

—Ama iya noꞌhuitëquësohuëꞌ. Israiroꞌsa co noyahuëꞌ cancantopisoꞌ, nani nitotëran.

Éxodo 32:23

Huëcapairahuatonaco: “Moisësë Iquipito quëran ocoipirincoihuëꞌ, ¿Intohuaso paꞌmara? Co nitotëraihuëꞌ. Napoaton catahuaincoiso marëꞌ, mamanshi nitocoi,” itërinaco niꞌton: “Oro yaꞌhuëtohuachinquëmaꞌ, quëshico,” itërahuë. Ina quëran quëpachinara pënquë tëꞌyatërahuë, tëꞌyatohuatëra ¡Iso toroaꞌhuaya pipirin! toconin.

Éxodo 32:7

Ina nicaton Siniorosoꞌ Moisësë itapon: —Nohuaramarahuaton, piyapiꞌsa nimaquëꞌ. Inapitasoꞌ Iquipito quëran ocoipiranhuëꞌ, co natëtonacohuëꞌ nitapicancanpi.

Éxodo 33:3

Napoaponahuëꞌ, caso co israiroꞌsaroꞌco paꞌsarahuëꞌ. Inapitaroꞌco paꞌpatosoꞌ, co natëtochináchinhuëꞌ cancantopi niꞌton, huancopi tiquihuato. Iporasoꞌ oro quëran nitapapisopita ocoiꞌinaꞌ. Ina piquëran yonquiarahuë maꞌsona onpotaꞌhuasoꞌ, tënin Yosë, itëquëꞌ, itërin. Ina natantatonaꞌ, israiroꞌsa panca sëtopi. Chiníquën Yosëri pënënin niꞌton, sëtopi. Naporahuaton nitapapisopita Sinai motopi quëran huarëꞌ ocoirahuatonaꞌ, co huachi pëꞌpëpihuëꞌ.

Miqueas 6:4

Shimashonëmapita iráca Iquipitoquë chiníquën asacatatona aparisitápirinahuëꞌ, cari ocoiato nichaꞌërahuë. Naporahuaton catahuainëmaso marëꞌ Moisësë, Aaron, Maria, inapita acorahuë.

Números 14:22

Chini chiníquën nanantato, Iquipitoquë nani maꞌsha sacai nininsopita ninahuë. Inotëro partinta inaporahuë. Inaporahuësopita anitotërinquëma noyasáchin ninahuësoꞌ. Ina nicaponaraihuë israiroꞌsasoꞌ, naꞌaro tënirinaco. Naporahuaton camaitërahuësopita co natëpihuëꞌ. Ina niꞌton, napopisopita co inso tëranta yaꞌconaponahuëꞌ. Shimashonënapita noꞌpaꞌ quëtaꞌhuasoꞌ shaꞌhuitërahuëquë co yaꞌconaponahuëꞌ. Nocaninacosopita co inso tëranta yaꞌcoanpihuëꞌ.

Mateo 24:43

Niꞌcoꞌ. Ihuatëꞌ aꞌnanaya huëꞌpachina, pëiquë yaꞌconin. Huaꞌanën co nicasohuëꞌ, maꞌsha ihuarin. Onporosona huëcacasoꞌ nitotërin naporini, huaꞌanëni ninaitonhuëꞌ, co pëinënquë yaꞌconacasoꞌ nanichitonhuëꞌ.

Mateo 24:48

Nipirinhuëꞌ, inpriatonën co noyahuëꞌ cancantohuachin, tapon: ‘Patron huaꞌquirarin. Co aꞌnaroáchin huënantaponhuëꞌ,’ taꞌton,

Hechos 17:29

Napoaton Yosëntaꞌ canpoa pochin nanpirárin antaꞌ. Co inasoꞌ mamanshi pochinhuëꞌ. Mamanshiso nipirinhuëꞌ piyapiꞌsari inahuara yonquinëna quëran nipi. Oro quëran, prata quëran, naꞌpi quëran, ina quëranpita nipi. Ama Yosësoꞌ mamanshi pochin cancantocosohuëꞌ.

Hechos 19:26

Paonoso nipirinhuëꞌ isëquë huëcaton, pënëntarin. ‘Aꞌnaíchin Yosë yaꞌhuërin. Piyapiꞌsari nipisoꞌ co inasoꞌ Yosëhuëꞌ,’ tosarin, natanamaꞌ canpitantaꞌ. Yaꞌipi Asia partintaꞌ nahuinin. Naꞌa piyapiꞌsaꞌ natanahuatonaꞌ, natëpi. Natëtonaꞌ, mamanshi aꞌpopi.

Hechos 7:40

Napoaton Moisësë motopiquë yaꞌhuasoꞌ, iin, Aaron itopisoꞌ, nontopi. “Mamanshiroꞌsaꞌ nitocoi, ina imahuaꞌ. Moisësë Iquipito quëran ocoipirinpoahuëꞌ, ¿intohuasoꞌ paꞌmara?” taꞌtonaꞌ, mamanshi nipi.

Deuteronomio 31:8

Sinioro chachin quëchintaton noꞌtëquën quëpaarinquën. Co onporonta patarinquënhuëꞌ. Co naniantarinquënhuëꞌ. Napoaton ama manta tëꞌhuatëquësohuëꞌ,” itërin Moisësëri.

Deuteronomio 9:1

Naquëranchin Moisësëri israiroꞌsa nontaantarin: “Natanco israiroꞌsanquëmaꞌ: Nani nanirin Cortaniiꞌ pëntontatomaꞌ, chini chiníquën nacionoꞌsa yaꞌcontatoma minsëamasoꞌ. Inaquë inápa pairahuan ninanoroꞌsa yaꞌhuëpirinhuëꞌ, canpitari yaꞌcontatoma minsëaramaꞌ.

Deuteronomio 9:9

Caso naꞌpitëaꞌhuaroꞌsa maꞌpataꞌhuaso marëꞌ inatohua paantarahuë. Ina naꞌpitëaꞌhuaroꞌsaquë Siniororëꞌquënpoa anoyatërëhuaso ninshitërin. Ina maꞌpacaꞌhuaso marëꞌ catapini shonca tahuëri tashirë chachin co manta coshatërahuëꞌ, co manta oꞌorahuëꞌ, naporahuë.

2 Pedro 3:4

“¡Maꞌpítacha nonama paya! ‘Oꞌmantararahuë,’ ¿itërinquëmaꞌ ti? Intohuasoꞌ Quisocristosoꞌ nimara, capa. Co oꞌmaarinhuëꞌ, tënai. Tatanënpoarinta ninarápirinahuëꞌ, nani chiminpi. Isoroꞌpaꞌ ninin quëra huarëꞌ inachachin inachachin nisárin. Co onporontaꞌ nisha tahuëri nisarinhuëꞌ,” tosapi.