Éxodo 3:4 - Chayahuita (Shahui)

^4-5 Yaꞌcarirarinso niꞌsahuaton, Yosëri përarin: —¡Moisësë! ¡Moisësë! itërin. —Maꞌta Sinioro isëquë nisarahuë, tënin. —¡Ama aquëtë yaꞌcaricosohuëꞌ! ¡Isëquë yaꞌnotëranquën niꞌton, isëquë chachin sapatën ocoirahuaton chinotoco! itërin Yosëri.

Éxodo 3:4 ပူးပေါင်းရင်းမြစ်များ

Génesis 22:1

Ina piquëran Yosëri: “¿Tëhuënchachin taꞌma Apraan natërinco to?” taꞌton, tënicaso marëꞌ përarin: —Apraan, itërin. —Maꞌta Sinioro yaꞌhuëarahuë, tënin Apraan.

Génesis 22:11

Naporo chachin Sinioro anquëninëni, inápa quëran përarin: —¡Apraan! ¡Apraan! itërin. —Maꞌta Sinioro yaꞌhuëarahuë, itërin Apraani.

Génesis 28:16

Cacoposoꞌ capayatahuaton, yonquirin: “Tëhuënchachin Sinioro isëquë yaꞌhuëapirinhuëꞌ, co caso nitotërahuëꞌ,” tënin.

Génesis 46:2

Naporo tashi Yosëri huaꞌnarëso pochin yaꞌnotërin. Yaꞌnotahuaton, nininën quëran përarin: “Cacopo” itërin. Napotohuachina, inariso itapon: —Maꞌta Sinioro yaꞌhuarahuë, itërin.

Éxodo 19:3

Inaquë nisoi, Yosëri Moisësë përarin: —Iso motopiquë nanpëintaquëꞌ, itërin. Itohuachina, Moisësë motopi huiꞌnimotënꞌpaꞌ nanpëontarin. Inaquë Yosëri itapon: —Apira nani maꞌsha shaꞌhuitaranquën. Yaꞌipi shaꞌhuitaranquënsoꞌ, Cacopo shinpita israiroꞌsa itopisoꞌ shaꞌhuitëquëꞌ:

Éxodo 3:2

Inaquë Sinioro anquëninëni yaꞌnotërin. Sarsa naraꞌhuaya huëyararinso huáncana quënanin. Moisësëri niꞌsápirinhuëꞌ, naraꞌhuaya huëyarinso co manta huiquitërinhuë niꞌton, paꞌpi paꞌyantërin.

Éxodo 33:12

Aꞌna tahuëri Moisësëri, Sinioro itapon: —Niꞌquë Sinioro, israiroꞌsa quëpaꞌhuaso marëꞌ shaꞌhuitopirancohuëꞌ, co caora nanitërahuëꞌ. Naporahuaton co shaꞌhuitërancohuëꞌ, inëꞌcosona pacaꞌhuasoꞌ. Napoaponahuëꞌ, nani shaꞌhuitëranco natërancosoꞌ. Napoaton: “Nosororanquën,” itëranco.

Éxodo 4:5

Israiro huaꞌanoꞌsa niꞌtonënquë inapotëquëꞌ. Huaranën yaꞌhuan taraninso niꞌpachinaꞌ, yaꞌnotëranquënso natëtapi huachi: “Shimashonënpoapita Apraan, Isaco, Cacopo, inapitari Yosë chinotërin. Inari Moisësë yaꞌnotërin,” tosapi.

Hechos 10:13

Ina quëran noninsoꞌ natanin. “Huanirahuaton Pitro, tëpaton caꞌquëꞌ,” itërin.

Hechos 10:3

Piꞌi tëhuërënahuasoꞌ, co huëꞌëponahuëꞌ, huaꞌnarëso pochin aꞌninquëchin quënanin. Yosë anquëninëni huëcapaimarahuaton: “¡Cornirio!” itërin.

Hechos 9:4

Noꞌpaquë anotahuaton, inápa quëran nontërinsoꞌ natanin. “Saono, Saono, ¿onpoatontaꞌ aparisitaranco?” itërin.

Deuteronomio 33:16

Noya noya cosharo nininsopita noꞌpanënaquë noyachin. Quëmari Sinioro Cosi shinpita catahuaquëꞌ. Yonquirapirahuëso chachin yaꞌhuëchinaꞌ. Quëmari chachin iinpita huaꞌanën nicacaso marëꞌ, Cosi huayonan. Ca huayonancoso pochachin, nitëran. Sarsa nara huëyaponahuëꞌ, co huiquitërinhuëꞌ nininquë yaꞌnotëranco. Yaꞌnotatonco cantaꞌ, israiroꞌsa ocoiaꞌhuaso marëꞌ camairanco. Quëmasoꞌ noyasáchin yonquirapirancoi.

1 Samuel 3:10

Ina quëran Sinioroso huëantarahuaton, achin pochin përaantarin: —¡Samoiro! ¡Samoiro! itaantarin. —Nontoco Sinioro, caso piyapinënco niꞌto, natanaranquën, itërin

1 Samuel 3:4

Naporoꞌ Siniorori përaton itapon: —¡Samoiro! itërin. Inasoꞌ capayatahuaton: —Maꞌta api yaꞌhuëarahuë, tënin.

1 Samuel 3:6

Quëhuënápirinhuëꞌ Siniorori naquëranchin përaantarin: —¡Samoiro! itaantarin. Naquëranchin huënsëantarahuaton Iri paapantarin. Paapaton itapon: —Maꞌta api yaꞌhuëarahuë. ¿Maꞌmarëta përaranco? itaantarin. —Co carinquën përaranquënhuëꞌ. Paantarahuaton huëꞌëantaquëꞌ, itaantarin Iriri.

1 Samuel 3:8

Quëhuëantasoꞌ Siniorori naquëranchin përaantarin. Naquëranchin Samoirosoꞌ huënsëantarahuaton Iri paapantarin: —Maꞌta api yaꞌhuëarahuë. ¿Maꞌmarëta përaranco? itaantarin. Naporoꞌ Irisoꞌ, yonquirin huachi: “Siniorori mini përasarin ipora,” tënin yonquiaton.